ഇന്നത്തെ സമൂഹത്തെ കാർന്നുതിന്നുന്ന ലഹരിക്കു എതിരെ കേരളത്തിലുടനീളം നടത്തി വരുന്ന ലഹരിവിമുക്ത കേരളം എന്ന ക്യാമ്പയിന്റെ ഭാഗമായി ഉള്ളൂർ ഗവ : യു. പി. സ്കൂളിൽ 2022 ഒക്ടോബർ 6നു ബഹുമാനപെട്ട കേരള മുഖ്യമന്ത്രി ശ്രീ പിണറായി വിജയന്റെ സംസ്ഥാനതല ഉൽഘാടനത്തോടു കൂടി സ്കൂളിൽ ലഹരി വിമുക്ത പ്രവർത്തനങ്ങൾ പ്രഥമ അധ്യാപിക ശ്രീമതി. ഷൈല എസ്. ജെ. യുടെ നേതൃത്വത്തിൽ ആരംഭിച്ചു.അന്നേ ദിവസം രാവിലെ സ്കൂളിൽ വച്ചു വിദ്യാർത്ഥികൾക്കും അധ്യാപകർക്കും രക്ഷകർത്തകൾക്കും മെഡിക്കൽ കോളേജ് ശിശു സൗഹൃദ ജനമൈത്രി പോലീസ് സ്റ്റേഷൻ സി. പി. ഒ.ശ്രീ രാജേഷ് ലഹരി വിരുദ്ധ പ്രതിജ്ഞ ചൊല്ലികൊടുക്കയും, സി. പി. ഒ ശ്രീ ചന്ദ്ര ബോസ് കുട്ടികൾക്ക് ലഹരിക്കു എതിരെ ബോധവൽക്കരണ ക്ലാസ്സ്‌ നടത്തുകയും ചെയ്തു. തുടർന്നു കുട്ടികൾ ലഹരി ബോധവൽക്കരണത്തിന്റെ ഭാഗമായി നാടകം, പാട്ട് എന്നീ കലാപരിപാടികൾ നടത്തി.ലഹരി വിരുദ്ധ കഥാപ്രസംഗം വീഡിയോ പ്രദർശനം എന്നിവലൂടെ കുട്ടികൾക്കും രക്ഷകർത്തകൾക്കും ഇടയിൽ ലഹരിയെ പറ്റി അവബോധം സൃഷ്ടികുന്നതിനു സാധിച്ചു.അധ്യാപികമാരായ ശ്രീമതി സുനിത, ശ്രീമതി ശ്രീദേവി തുടങ്ങിയവർ കുട്ടികൾക്കു ലഹരി യുടെ ദൂഷ്യവശങ്ങളെ പറ്റി പറഞ്ഞു കൊടുക്കുകയും, ലഹരി വിമുക്തകേരളത്തിനായുള്ള പിന്തുണ സംവിധാനങ്ങളുടെ ഫോൺ നമ്പർ നമ്പർ പരിചയപെടുത്തി. സംസ്ഥാന മദ്യവർജ്ജന സമിതി സെക്രട്ടറി ശ്രീ. ഷാജി കുട്ടികൾക്ക് ബോധവത്കരണം നടത്തി.2022 ഒക്ടോബർ 14 നു കുട്ടികൾക്കു ലഹരി എതിരെ പ്ലഗ്കാർഡ് നിർമാണ മത്സരം നടത്തുകയും. എല്ലാകുട്ടികൾക്കും പ്ലഗ്കാർഡ് നിർമ്മാണത്തിൽ പങ്കു ചേരാൻ അവസരം നൽകുകയും ചെയ്തു.ഒക്ടോബർ 18നു കുട്ടികളും അധ്യാപകരും ചേർന്ന് ലഹരി വിരുദ്ധ റാലി സംഘടിപ്പിച്ചു. തുടർന്നു സ്കൂൾ മുതൽ ഉള്ളൂർ ജംഗ്ഷൻ വരെ ഉളള ഭാഗങ്ങളിൽ ലഹരി വിരുദ്ധ ലഖുരേഖ തയാറാക്കി വിതരണം നടത്തി. അധ്യാപകരുടെ നേതൃത്വത്തിൽ കുട്ടികൾ പങ്കെടുക്കുന്ന ലഹരിവിരുദ്ധ ഷോര്ട്ട് ഫിലിം നിർമ്മിച്ചു.2022 ഒക്ടോബർ 20നു കൗൺസിലർ ഡി. ആർ. അനിൽ സി. പി. ഒ. സുരേഷ്, പി. ടി. എ പ്രസിഡന്റ്‌ ഗോപിക, എസ്. എം സി ചെയർമാൻ സുജ, പ്രഥമ അധ്യാപിക ശ്രീമതി ഷൈല എസ്. ജെ, പി. ടി എ അംഗങ്ങൾ, അധ്യാപകർ എന്നിവർ എന്നിവർ ഉൾപെടുത്തി രൂപീകരിച്ച ജാഗ്രത സമിതിയുടെ യോഗം നടത്തുകയും ലഹരിവിരുദ്ധ ബോധവത്കരണം നടത്തുകയും ചെയ്തു.
