പ്രകൃതിയുടെ താളം
മനുഷ്യാ, നീ എന്തിനാണ് മരങ്ങൾ മുറിക്കുന്നത്?
മനുഷ്യാ, നീ എന്തിനാണ് പ്രകൃതിയെ നശിപ്പിക്കുന്നത്?
തുരത്താനാണോ പക്ഷിമൃഗാദികളെ -
തകർക്കാനാണോ അവരുടെ കൂട് -
മായ്ക്കാനാണോ അവരുടെ കിളിക്കൊഞ്ചൽ,
ഇനിയും വേണമോ കെട്ടിടകൊടുമുടികൾ?
നശിപ്പിക്കാനാണോ ഭൂമിയുടെ ഭംഗി,
ഈ അനീതി നീ ചെയ്യുന്നത്.
വന്നു കൊറോണയും, നിപ്പയും, പ്രളയവും.
നീ പഠിക്കില്ലേ ഇനിയെങ്കിലും?
ഭൂമിക്ക് നീ ഭാരമാണ്,
ഭൂമിക്ക് നിന്നെ വേണ്ട.
മനുഷ്യാ, ഭൂമിയെ നീ സ്നേഹിച്ചാൽ,
പ്രകൃതി നിന്നെ സംരക്ഷിക്കും.
പ്രകൃതിയുടെ താളം തെറ്റിയാൽ,
മനുഷ്യാ, നിന്റെ ശ്രുതി പോകും.
നീ മണ്മറഞ്ഞു പോകും,
അതിനാൽ പ്രകൃതിയെ കാക്കൂ.
പച്ചപ്പ് മണ്മറയാതെ സംരക്ഷിക്കാം,
ഭാവി ശോഭനമാക്കാം.
