കുട്ടികൾ പഠിച്ചിടേണം
വൃത്തിയെന്ന നല്ല ശീലം
കൃത്യമായും ചിട്ടയോടെ
തുടർന്നിടേണം നിത്യവും
രണ്ടു നേരം പല്ലു നന്നായി
വൃത്തിയാക്കീടേണം നമ്മൾ
പോഷകവും വ‍ൃത്തിയും ഉള്ള
ഭക്ഷണം കഴിച്ചിടേണം
തിളപ്പിച്ചാറിയ വെള്ളം മാത്രം
കുടിച്ചിടേണം ദിനവും നമ്മൾ
ആഹാരത്തിനു മുൻപും പിൻപും
കൈകൾ നന്നായി കഴുകിടേണം
നഖങ്ങൾ വെട്ടി കൈകാലുകൾ
വൃത്തിയായി നമ്മൾ സുക്ഷിക്കേണം
ദിനവും കുളിച്ച് വൃത്തിയുള്ള
വസ്ത്രമേ നമ്മൾ ധരിച്ചിടാവൂ
കളി കഴിഞ്ഞാൽ കൈയ്യും കാലും
മുഖവുമൊക്കെ കഴുകിടേണം
തുമ്മലോ ചുമയോ വരുന്നേരം
തൂവാല കൊണ്ടു വായ് പൊത്തിടേണം
പഠനമുറിയിൽ പുസ്തകങ്ങൾ
ചിട്ടയോടെ അടുക്കണം
പരിസരം വൃത്തിയാക്കിടേണ്ടത്
നമ്മുടെ ആവശ്യമോർക്ക
പ്രവർത്തിയാലും പരിശ്രമത്താലും
നേടിടാത്തതൊന്നുമില്ല
നമ്മളെ നമ്മൾ കരുതിടേണം
നാടിനെ നമ്മൾ കാത്തിടേണം
