ഗവ. എച്ച് എസ് എസ് പനമരം/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
ഉച്ചഭക്ഷണ പദ്ധതി
1500 ഓളം വിദ്യാർത്ഥികൾ പഠിക്കുന്ന ഈ വിദ്യാലയത്തിലെ ഉച്ചഭക്ഷണപദ്ധതി
പ്രീ പ്രൈമറി മുതൽ എട്ടാം തരം വരെയുള്ള 800 ൽ പരം കുട്ടികൾ ഉച്ച ഭക്ഷണം കഴിച്ച് വരുന്നു.
വിഷമുക്തമായ പച്ചക്കറികൾ PTA അംഗങ്ങളിൽ നിന്നും ശേഖരിക്കുന്നു. തികയാതെ വരുന്ന പച്ചക്കറികൾ പൊതു വിപണിയിൽ . നിന്നും വാങ്ങുന്നു. ഉച്ച ഭക്ഷണ കമ്മിറ്റി .ഒരു മാസത്തിന്റെ അവസാനത്തിൽ അടുത്ത മാസത്തെ ഭക്ഷണമെനു തയ്യാക്കുന്നു. PTA അംഗങ്ങൾ, ജനപ്രതിനിധികൾ എന്നിവർ വന്നു ഭക്ഷണം രുചിച്ചു നോക്കുന്നു. വളരെ ശുചിത്വത്തോടെ യാണ് / ശ്രദ്ധയോടെ ഭക്ഷണം പാകം ചെയ്യുന്നതിൽ പാചക തൊഴിലാളികൾ ശ്രദ്ധ പുലർത്തുന്നു
ഇതിൽ 300 കുട്ടികൾ പട്ടികജാതി, പട്ടിക വർഗ്ഗ ത്തിൽ പെട്ടതാണ്. ഉച്ച ഭക്ഷണത്തിൽ ചോറിനോടൊപ്പം: സാമ്പാർ / പുളിശ്ശേരി / മുട്ടക്കറി / അവിയിൽ / പരിപ്പുകറി. / മെഴുക്കുപുരട്ടിയും നൽക്കി വരുന്നു. രുചികരമായ ദക്ഷണo നൽകി വരുന്നതിൽ പനമരം എന്നും പേരു കേട്ടതാണ്. പട്ടികജാതി, പട്ടിക വർഗ്ഗത്തിൽപ്പെട്ട എല്ലാ കുട്ടികൾക്കും പ്രഭാത ഭക്ഷണം നൽകി വരുന്നു.
പ്രഭാത ഭക്ഷണ പദ്ധതി
ഗോത്രവർഗ്ഗ വിദ്യാർത്ഥികൾക്കുള്ള പ്രഭാത ഭക്ഷണ പദ്ധതി
വയനാട് ജില്ലാപഞ്ചായത്ത് , ജില്ലയിലെ ഗോത്രവർഗ്ഗ വിദ്യാർത്ഥികളുടെ സർവ്വതോന്മുഖമായ വികസനത്തിനായി നടപ്പിലാക്കുന്ന വിവിധ പദ്ധതികളിൽ ഒന്നാണിത്. GHS പനമരം സ്കൂളിൽ നവംബർ 8 ന് ഈ പദ്ധതി ആരംഭിച്ചു . ബഹുമാനപ്പെട്ട ഹെഡ് മാസ്റ്റർ ശ്രീ മോഹനൻ സാർ കുട്ടികൾക്ക് ഉപ്പുമാവും ,പഴവും നൽകി കൊണ്ട് ഉദ്ഘാടന o നിർവഹിച്ചു . ഉച്ച ഭക്ഷണ കമ്മറ്റിയുടെ നിർദേശപ്രകാരം ഓരോ ദിവസത്തെയും മെനു തയ്യാറാക്കുന്നു. രാവിലെ 8.30 ന് ഭക്ഷണ വിതരണ o ആരംഭിക്കുന്നു. 5 ക്ലാസ് മുതൽ 10 ക്ലാസ്സ് വരെയുള്ള 408 വിദ്യാർ ത്ഥികളാണ് പ്രഭാത ഭക്ഷണത്തിന് അർഹരായിട്ടുള്ളത്
ഉപ്പുമാവ്, പഴം, വെള്ളയപ്പം , നൂൽ പുട്ട് , കടല കറി, മസാല കറി , മുട്ടകറി , എന്നിങ്ങനെ മെനു ക്രമീകരണം അനുസരിച്ചാണ് ഭക്ഷണം നൽകുന്നത്. വിവിധ കാരണങ്ങളാൽ ഭക്ഷണം കഴിക്കാതെ സ്കൂളിൽ എത്തുന്ന വിദ്യാർത്ഥികൾക്ക് ഇത് ഒരു ആശ്വാസമാണ്.. ഹെഡ് മാസ്റ്റർ ശ്രീ മോഹനൻ സാറിന്റെ മേൽനോട്ടത്തിൽ പ്രഭാത ഭക്ഷണ ചാർജ് വഹിക്കുന്നത് ഷിജി വർഗീസ്, ദിവ്യ B എന്നീ അധ്യാപികമാരാണ് സ്കൂളിലെ എല്ലാ അധ്യാപകരും ഈ പദ്ധതി കാര്യക്ഷമമായി നടപ്പിലാക്കാൻ എല്ലാ പിന്തുണയും നൽകി സഹകരിക്കുന്നു. ഭക്ഷണം പാചകം ചെയ്യുന്ന സുനിതകുമാരി , സുജിത എന്നിവരുടെ സേവനവും നല്ല രീതിയിൽ ലഭിക്കുന്നു.
ഗോത്രസാരഥി
വയനാട് ജില്ലയിലെ യാത്രാസൗകര്യം ലഭ്യമല്ലാത്ത ഗോത്രവർഗ്ഗ വിദ്യാർഥികളെ സ്കൂളിൽ എത്തിക്കാൻ ആരംഭിച്ച പദ്ധതിയാണ് ഗോത്രസാരഥി. ജില്ലയിൽ ഏറ്റവും കൂടുതൽ ഗോത്രവർഗ്ഗ വിദ്യാർത്ഥികൾ പഠിക്കുന്ന പനമരം ഹയർസെക്കൻഡറി സ്കൂളിൽ ഗോത്ര സാരഥി പദ്ധതി വിജയകരമായി പ്രവർത്തിച്ചു വരുന്നു., ഏകദേശം 54 കോളനി കളിൽ നിന്നുള്ള വിദ്യാർഥികളാണ് പനമരം സ്കൂളിൽ പഠിക്കുന്നത്.ഇതിൽ വാഹന സൗകര്യം ലഭ്യമല്ലാത്ത കോളനികൾ ആയ കൊളത്തറ, വസ്തി പൊയിൽ, പുതുർ, മാങ്കാണി, കേളോം,എടത്തിൽ, കാട്രപള്ളി, പരിയാരം, പടിഞ്ഞാറേ വീട്, അരിഞ്ചേർമല എന്നിവിടങ്ങളിൽ നിന്നുള്ള വിദ്യാർത്ഥികൾക്ക് ആയിട്ടാണ് വാഹന സൗകര്യം ഏർപ്പെടുത്തിയിട്ടുള്ളത്. ഏകദേശം 105 ഓളം കുട്ടികൾ ഈ പദ്ധതിയുടെ ഗുണഭോക്താക്കളാണ്. ഗോത്രസാരഥി പദ്ധതി വഴി കുട്ടികളുടെ ഹാജർ നിലവാരം മെച്ചപ്പെടുത്താൻ സാധ്യമായിട്ടുണ്ട്