എൻ കൊച്ചു വീടിന്റെ തെക്കേ അതിരിൻ
ഓരോമന തൈമാവ് നട്ടു ഞാൻ
വെള്ളമൊഴിച്ചു വളമിട്ടു ഞാനവർ
അമ്മിണി എന്നൊരു പേര് വെച്ചു
ഓരില മുവിലയങ്ങനെ
നാൾക്കു നാളതൈ വളർന്നു വന്നു
അംബരം നോക്കിയാ കൊമ്പുകൾ നിൽക്കുന്നു
അന്തരംഗത്തിന് പ്രതീക്ഷയാകാം
എന്നോളമെത്തിയ മഞ്ചാടി കാണുവാൻ
എന്തൊരു കൗതുക മായിരുന്നു
പച്ചയിലകൾ നിറഞ്ഞരാ ശാഖകൾ
കൊച്ചിളം കാറ്റിൽ നൃത്തമാടി
കാലം കടന്നു പോയി ഇന്നെന്റെ അമ്മിണി
ആരാമ സൗന്ദര്യ ധാമമായി.
