കൊതുകു പെരുകുവാൻ വഴിവെക്കാതെ
പരിസരം വൃത്തിയാക്കീടുക നാം
വീടും പറമ്പും മറ്റു സ്ഥലങ്ങളും
ശുചിയോടെ എന്നുംം തിളങ്ങവേണം
കുപ്പി ചിരട്ടകൾ പ്ലാസ്റ്റിക്കു കിറ്റുകൾ
അഴുക്കുജലമുള്ള കേന്ദ്രങ്ങളും
ചീഞ്ഞളിഞ്ഞുള്ളോരു വസ്തുക്കളും
കൊതുകുകൾ തന്നുടെ വളർത്തുകേന്ദ്രം
എലിപ്പനി ചിക്കുൻഗുനിയ പിന്നെ
ഡെങ്കിപ്പനി മഞ്ഞപ്പിത്തമതും
ഗുരുതരമായോരു വ്യാധികൾതൻ
പെരുമഴക്കാലമതോർത്തിടേണം
വളരുന്ന തലമുറക്കായി നമ്മൾ
കാക്കുന്ന സമ്പത്തതൊന്നുമാത്രം
ആരോഗ്യമുള്ള തലമുറയെന്നത്
എന്നെന്നും നമ്മളതോർത്തിടേണം
അതിനായ് നമ്മൾക്കൊത്തുചേരാം
മനസ്സും ശരീരവും ഒരുക്കിവെക്കാം
വീടും പരിസരോം വൃത്തിയാക്കാം
നല്ലോരു ഭൂമിയെ കാഴ്ചവെക്കാം
