ചൈനയിൽ നിന്നും ഉദിച്ചൊരു സൂര്യൻ
പതിക്കുന്നു രശ്മികൾ ലോകത്തുടനീളം
ജ്വലിച്ചു തീരുകയാണിന്ന് ഓരോ ഭാഗവും
ഭൂപട രാജ്യങ്ങളോരോന്നുമായി
പടരുകയാണിന്നോരോ വിധത്തിലും
തളരുകയാണിന്നോരോ ശക്തിയും
കൊറോണ എന്ന വൈറസിന് മുന്നിൽ
കണ്ടെത്തനാവാത്ത രോഗത്തിന് മുന്നിൽ
തലതാഴ്ത്തുകയാണിന്നീ സമൂഹം
ഒരു ശക്തിക്കും നിയന്ത്രിതമല്ലാത്ത
രോഗമിന്നെത്തി പലയിടങ്ങളിലും
കാത്തീടുന്നു പലരും പലവിധത്തിലും
ആകുലരായി ഇന്നോരോ മനസ്സിലും
കഴിയുന്നു ലോകം തടവറക്കുള്ളിൽ
കഴിയുന്നു ഒരുപാട് മണ്ണറക്കുള്ളിൽ
അടക്കം ചെയ്യുന്നതിലുമുണ്ട് കഷ്ടം
ജനസംഖ്യ പെരുകുന്നതാണ് പ്രശ്നം
ഒറ്റപെട്ടു കഴിയുകയാണിന്നോരോ ക്യാമ്പിലും
മനഃ ഭ്രാന്തരായി തീരുന്നുവെല്ലാരും
എന്തെന്നറിയാത്ത ഈ യുഗത്തിൽ
ഇനിയില്ല പ്രവചനം അടുത്തതെന്ത്
വായ മൂടി പോവുകയാണിന്നോരോ ശാസ്ത്രവും
ശാസ്ത്രം പോലും തോറ്റുപോകും വിധം
നിസ്സഹായതയിലീ വൈറസ്.
