കണ്ണനെ കാണുവാൻ എന്റെ മോഹം
കാർവർണ്ണനെ കാണുവാൻ എന്റെ മോഹം
കാർമുകിൽ വർണ്ണന്റെ ചുണ്ടോടും ചേരും
ഓടക്കുഴലാകാൻ എന്റെ മോഹം
ആ വേണുവിൽനിന്നുതിർന്നു വീഴും
വേണുനാദമാകാൻ എന്റെ മോഹം
കണ്ണന്റെ പീലിത്തിരുമുടി തന്നിലൊരു
മയിൽപ്പീലിയാകുവാൻ എന്റെ മോഹം
മാറത്തു ചാർത്തിയ മണിമാല തന്നിതൊരു
മണിമുത്താകുവാൻ എന്റെ മോഹം
കണ്ണന്റെ അരയിലെ കിലുകിലെ കിലുങ്ങുന്ന
കിങ്ങിണിയാകുവാൻ എന്റെ മോഹം
തളിരില തോൽക്കുമാ പാദത്തിലണിയുന്ന
പാദസ്വരമാകാൻ എന്റെ മോഹം