തണലേകിയ മരമില്ലിന്ന്
കുളിരേകിയ പച്ചപ്പില്ല
ജലമേകിയ പുഴയില്ലിന്ന്
മഴ നൽകിയ കുന്നുകളില്ല
പൂവേകിയ തൊടിയില്ലിന്ന്
കതിരേകിയ വയലുകളില്ല
എല്ലാമിന്നൊരു ഓർമ്മയായ്
വയലുകളെല്ലാം നികത്തി
അംബരചുംബികൾ പണിതുയർത്തി
ഗ്രാമങ്ങൾ പതിയെ നഗരങ്ങളായി
നാട്ടിടവഴികൾ റോഡുകളായി
മുറ്റങ്ങൾ ഇല്ലാത്ത വീടുകളായ്
ശുദ്ധവായു പതിയെ മലിനമായി
ഭൂമി തൻ സൗന്ദര്യം മാഞ്ഞുപോയി
പച്ചപ്പിന്നൊരു ഓർമ്മയായ്
എല്ലാമിന്നൊരു ഓർമ്മയായ്