കിളികൾ പറഞ്ഞു പതിവു
പോലിന്ന് സൂര്യനുദിച്ചുവെന്ന്.........
കാറ്റു പറഞ്ഞ് മുറ്റത്തെ മുല്ലയിൽ
പൂവ് വിരിഞ്ഞുവെന്ന് .........
പൂമ്പാറ്റ പറഞ്ഞു പൂന്തേനിന്ന്
നല്ല മധുരമാണെന്ന് .........
കാർമേഘം പറഞ്ഞു
കുളിരേകുന്നൊരു പുതുമഴ നൽകുമെന്ന്........
മഴയും പറഞ്ഞു നിറമുള്ള നല്ലൊരു
മഴവില്ലു തെളിയുമെന്ന് ........
മരങ്ങൾ പറഞ്ഞു കിളികളുടെ
പാട്ടുകൾ മധുരമൂറുന്നുവെന്ന്..........
ഈ പ്രകൃതിയാൽ മൂടിയ
ഭൂമി ഇന്ന് എത്ര സുന്ദരം !!!!!!
