നാം നമുക്കായ് ഒരുക്കിയതാണീ വിപത്തുകൾ
നാം നമുക്കായ് തന്നെ വിതച്ചതാണീ നാശം.
എന്തിനാണീ ഭൂമിയെ, പുഴയെ, പ്രകൃതിയെ
എന്തിനിങ്ങനെ നികൃഷ്ടമാക്കി
എല്ലാം ഒരുക്കി തന്നൊരീ അമ്മയെ
എല്ലാ തരത്തിലും നാശമാക്കി.
പ്രകൃതിക്കിണങ്ങാത്ത ജീവിതം കൊണ്ടിന്നു
പ്രകൃതിയെ തന്നെ മാറ്റി നമ്മൾ.
ഇനിയും വൈകിയിട്ടില്ല നമ്മൾ.
നമുക്കിനിയും ചെയ്യുവാനുണ്ട് ഏറെ നന്മകൾ.
പൂമരങ്ങൾ കൊണ്ട് പുളകിതയാകട്ടെ ഭൂമി.
പൂഞ്ചോലകളിൽ കുളിരു നിറയട്ടെ
പച്ച പുതച്ചു നിൽക്കട്ടെ കൃഷിയിടം.
പച്ച പിടിച്ചിടട്ടെ നമ്മൾ തൻ ജീവിതം.
മനസ്സു നിറഞ്ഞു സ്നേഹിക്കാം ഭൂമിയെ
മനസ്സിൽ നിറയട്ടെ മനുഷ്യത്വവും