വീടിന്നകത്ത് അടച്ചിരിപ്പാണ്
ഇന്നേക്ക്
അഞ്ചാറുനാളു കഴിഞ്ഞേ ഉള്ളു
ചുവരുകൾക്കുള്ളിലെ
കാഴ്ച മടുത്തപ്പാൾ
ഞാൻ അമ്മതൻ
കൈതൂങ്ങി തൊടിയിലെത്തി
ദൂരേക്കുചൂണ്ടിയെൻ അമ്മ പറഞ്ഞതു
കേൾക്കുമ്പോൾ ആശ്ചര്യം
പൂംക്കണ്ണു വിടർത്തി
സ്വർണ്ണം വിളഞ്ഞൊരാപാടമായിരുന്നത്രേ
റബ്ബർ നിറഞ്ഞൊരീ ദൂപ്രദേശം
ചാലുപോലെന്തോകാട്ടി പറഞ്ഞതാ
പളുങ്കുപോൽതെളിവെള്ളംനിറഞ്ഞൊരാ
ക്കാലത്ത്
നീന്തിത്തുടിച്ചുകളിച്ച കൈത്തോടെന്നും
വർഷത്തിൽ മൂന്നു കൊയ്ത്തുള്ളപാടത്ത്
വയൽമീൻെറ രൂചിയോർത്ത്
നാക്കു നനഞ്ഞു പായ്
പുസ്തകസഞ്ചിയും തൂക്കിനടന്നൊരു
വഴിവക്കിൽനിൽക്കുന്ന കാഞ്ഞിരചൊട്ടിൽ
ഇലവെച്ചതിൽമേൽകല്ലുവെച്ചതും,,
അന്നത്തെ കഥകൾ ചൊല്ലികേൾപ്പേ.....
ചിത്രകഥയിലെ കുട്ടികഥകൾപോൽ
ചിത്തത്തിലാക്കാലം പാറിനടന്നു
എന്തെല്ലാംനഷ്ടങ്ങൾ
എൻെറ ബാല്യത്തിലിതിനാരാവും
കാരണം.........
ആരായുവതാരോട്............
