വീടകങ്ങളിൽ അടഞ്ഞിരിക്കുന്നതിൽ
ഒരു സൗന്ദര്യമുണ്ട്, നന്മയും
എന്റെയും നിന്റെയും സുരക്ഷയുടെ നന്മ
സ്വപ്നങ്ങളിൽ മുങ്ങിയും പൊങ്ങിയും
മലർന്നു കിടക്കാം
പഠിച്ച പാഠങ്ങളും പറഞ്ഞ കഥകളും
ഓർത്തും രസിച്ചും അയവിട്ടുറങ്ങാം
ക്വാറന്റൈൻ അഥവാ വീടകങ്ങൾ
ഒരു ഊഞ്ഞാൽ പോലെയാണ്
തിരികെ വരുമെന്നുറപ്പുള്ള ഊഞ്ഞാൽ
ഭയപ്പെടരുത് ജാഗ്രത മതിയെന്ന
പാഠം പഠിപ്പിച്ച ഊഞ്ഞാൽ
പണമല്ല വലുതെന്ന് പഠിപ്പിച്ച കാലം
ഞാനെന്ന ചിന്തയെ നിർവീര്യമാക്കി
നന്മയും തിന്മയും മാറി പഠിപ്പിച്ച
ക്വാറന്റൈൻ ഇന്നൊരു ഗുരുനാഥനായി
വന്ന തിന്മകൾ മായ്ച്ചുകളഞ്ഞൊരു
നിറമുള്ള ജീവിതം ഇനി കോർത്തിണക്കാൻ