(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
പോരാട്ടം
രാത്രി തൻ നിശബ്ദവീചികളിൽ
നിദ്രവിഹീനമാം യാമങ്ങൾ
മനുഷ്യർ തൻ കൊടും ചതികളാൽ
വെട്ടിപ്പിളർന്നു അമ്മയാം പൃഥ്വിയെ
കാടുകൾ വെട്ടി കുന്നുകൾ നിരത്തി
കായൽ നികത്തി, പുഴകൾ അടച്ചു
ആകാശംമുട്ടെ കെട്ടിടങ്ങളായി
നിലംതൊടായാത്രയായി
ആകാശവീഥികൾ പോലും
മാലിന്യകൂമ്പാരമാക്കിമാറ്റി ഈ മനുഷ്യൻ
മനുഷ്യൻതൻ പൊങ്ങച്ച യാത്രയിൽ
ഒരിക്കലും നശിക്കാ മാലിന്യക്കൂമ്പാരങ്ങൾ
അമ്മതൻ മാറിൽപ്പതിക്കവേ
ഈ ദുഃഖം താങ്ങുവാനാകാതെ
അമ്മതൻ കണ്ണിൽ നിന്നും ചുടുരക്തം വീഴവേ
ആ ചുടുരക്തത്താൽ ഓഖിയും പ്രളയവും നിപ്പയും
കൊറോണ എന്നൊരു കൊടും ഭീകരനും വന്നിടവേ
ആ ഭീകരനു മുന്നിലിന്നു നാം വെന്തുവെണ്ണീറാകവേ
പോരാടിടാം നമുക്കു നല്ലൊരു നാളേയ്ക്കുവേണ്ടി
ഒത്തൊരുമയോടെ മുന്നേറാം
