വിശ്വേശരൻ പാനം പൂണ്ടുളള കാളകൂടത്തിൻ അഗ്രത്തിൽ നിന്നും- പിറന്ന അപോദകം തീണ്ടും വ്യാളമേ, നിൻ ലോകനത്താൽ രോഗിണി- ഭൂലോകത്തിൻ മാതാവ്, നിൻ ക്രൂര നടനത്താൽ അനുനിമിഷമായിരം ആതുരർ . അല്ലായ്കിൽ നിന്നിലെ പിറവിക്കു പിന്നിലെ; പരബ്രഹ്മ ക്രീ‍ഡയോ? അപ്രതിയാം മാനവൻതൻ അപാഗ്ര്യമാക്കിടും അപൂർവ്വി നീ, പഴമതൻ മടിത്തട്ടിൽ മാനവർക്കിരിപ്പിടം- ഒരുക്കിടും അപൂർവി നീ എങ്കിലും,പാപത്തിൻ - നാടയേന്തിടും യുവത്വം നിൻ ക്രീഡപോലുമേ - പരിഹാസത്തിൽ ചൊരി‍‍‍‍‍ഞ്ഞീടവെ, നിൻ ക്രീഡകൾ തൻ കളികോപ്പുകളാവുക കളങ്കമന്യരാം ബാലവൃദ്ധാദികൾ. പൊറുത്തി‍ടുവാനൊക്കില്ല നിൻ കുതുഹലങൾ, നിൻ അനുനാദത്താൽ ഭൂമിമാതാവ് വേപിക്കവേ, നിന്നുടെ അപകാരത്തിൻ അന്തിമം ത്വരിതം........ മനുഷ്യശരീരത്തിൻ വേതനം കയ്പറ്റവെ നിന്നുടെ മൃതിക്കായ് ഞങൾ കാതോർക്കവെ, നിന്നിലേക്കടുക്കാതെയീ- പാരിനൊഴി‍ഞുളള മൂലയിൽ കഴിയവെ നിന്നെ രോധിച്ചിടും, അകലം പാലിക്കവെ,സ്രവത്തിൽ കുടിയേറി നീ ദുർമന്ത്രം നടത്തവെ; "മാസ്ക്കെന്ന" പൊടിമറയിൽ- ഞങൾ അപ്രതീക്ഷരാകവേ, നിന്നുടെ നീച സ്വപ്നങൾക്ക- തിർ ലംഘിക്കവെ, തുറന്നിടും ഞങൾ നിപതൻ അപക്രമണ പാത. മൃതസ‍ഞ്ജീവനി തൻ കുടം കൈയിലേന്തും ദൈവത്തിൻ മാലഖമാർ- ക്കായിടാം നമ്മുടെയീ, ദീനകാല തപസ്സ്....... നിനക്കായ് ഞങൾ മൂർച്ചക്കൂട്ടുന്നിതാ; പ്രതിരോധമെന്നായുധം
സാങ്കേതിക പരിശോധന - Kannankollam തീയ്യതി: 19/ 06/ 2020 >> രചനാവിഭാഗം - കവിത
