വേനലിലമരുന്ന മലർക്കാലത്തിലെന്റെ ആശകളൊന്നൊന്നായി വാടിവീണലിയവെ, ഒരുതുള്ളി നീരിന്നായി കേഴുന്ന വേഴാമ്പലായി ഇനിയുമാണയാത്ത കുളിരു കാണുന്നു ഞാൻ ഗാർഗ്ഗിക തൻ ചോദ്യങ്ങളെ മാറാല മൂടുന്നതും..... ഏകലവ്യന്റെ വിരൽ ചിതലു തിന്നുന്നതും "അരുതേ കാട്ടാള ".......... എന്നരുതേ വാത്മീകിയെ അരങ്ങിൽ നിഷാദനങ്ങബൈതു വീഴ്ത്തുന്നതും....... അങ്ങനേയൊടുങ്ങാത്ത പേക്കിനാവുകളെന്റെ ഉറക്കം മുറിക്കുന്നൊരാനഗ്നിയായ് പടരുന്നു......... നിള തന്നുറവകൾ വറ്റുന്നു. കളിരോലുംമിളം കാറ്റോടുങ്ങുന്നു രാത്രിയാകുന്നു സഖി..... നീയെൻ കൈപിടിക്കുക നീണ്ടുനീണ്ടനന്തമാം യാത്രകളെത്രയോ..... ബാക്കിയാവുന്നു നമുക്കിനി കനൽകാറ്റുകളാഞ്ഞു വീശുമി മണൽക്കാട്ടിൽ ഒറ്റപ്പെട്ടു നാം ദിശതെറ്റിയങ്ങലയവെ..... നെഞ്ചകം കൈളിർപ്പിക്കാൻ മഴ വന്നണഞ്ഞെങ്കിൽ....
സാങ്കേതിക പരിശോധന - jayasankarkb തീയ്യതി: 06/ 05/ 2020 >> രചനാവിഭാഗം - കവിത
