മാമ്പഴക്കാലത്തിൻ മണമറിഞ്ഞീടാൻ
ചക്കപ്പുഴുക്കിൻ രുചിയറിഞ്ഞിടാൻ
പൂവിൻ സുഗന്ധവും മണ്ണിൻ മണവും അറിഞ്ഞിടാൻ
വല്ലപ്പോഴുമൊരു ലോക്ക് ഡൗൺവേണം
യൂ ടൂബിൽ പാചകം പഠിക്കാൻ
ടിക് ടോക്കിൽ വീഡിയോ നിറയ്ക്കാൻ
പാചക റെസീപ്പികൾ പൊടി തട്ടി എടുക്കാൻ
വീട്ടിലെ അടുക്കള ലൈവായി മാറാൻ
വല്ലപ്പോഴുമൊരു ലോക്ക് ഡൗൺവേണം
പച്ചക്കറികൾ വിളയിച്ചീടുവാൻ
കാലിക്കുപ്പിയിൽ കല നിറച്ചീടുവാൻ
പൂക്കളം തീർക്കാൻ പൂന്തോട്ടമൊരുക്കാൻ
വല്ലപ്പോഴുമൊരു ലോക്ക് ഡൗൺവേണം
മാഞ്ഞു തുടങ്ങിയൊരു സൗഹൃദക്കാലം
തേച്ചുമിനുക്കിയെടുത്തിടാൻ
പ്രതിരോധത്തിൻ പുത്തൻ അടവുകൾ തീർത്തീടാൻ
ശുചിത്വത്തിൻ നല്ല വഴികൾ താണ്ടാൻ
വല്ലപ്പോഴുമൊരു ലോക്ക് ഡൗൺവേണം
കൊറോണയെന്നൊരു മഹാമാരിയെ തുരത്തീടാൻ
ഈ കൊച്ചു ലോകത്തെ കൈ പിടിച്ചുയർത്തീടാൻ
ഈ ലോക്ക് ഡൗൺ തന്നെ വേണം
