(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
ബാല്യകാലം
പൂമരത്തിണ്ണയിൽ, അരണ്ടവെളിച്ച-
മുരുകുന്നൊരേകാന്തമാം വിഹായസ്സിനെ
നോക്കി,പേപിടിച്ചിരിക്കുന്ന നേരം
പ്രേതഭൂതങ്ങളും ഭ്രാന്തമാം കൽപ്പനകളും
അവരവർതൻ ഭാഗമെണ്ണിയുണ്ണും നേരം
ദൂരെയേതോ മരീചികയിൽനിന്നു
കേഴുന്നുമെൻ രാത്രിപുൽകാത്ത ബാല്യം
തിന്മതീണ്ടാത്ത, മതിലുകളുയർത്താത്ത ബാല്യം
നറുനിലാവിന്റെ മെത്തയിൽ ഒന്നിച്ചുറങ്ങി-
യുണർന്ന നാം, പൂപ്പാട്ടുകൾ പാടി
മുറ്റത്തെ മാഞ്ചോട്ടിലൂഞ്ഞാലിലാടി
നാമൊന്നെന്നറിഞ്ഞ, നാം നാമായിരുന്ന സ്വപ്നം