എന്തിനെന്നറിയില്ല എപ്പോഴെന്നറിയില്ല
എവിടന്നു വന്നു നീ കാട്ടുതീ പോലവേ
വിതുമ്പുന്ന മനസ്സുമായ് കാണും മനുജരെ
അരുതേ എന്നോതുവാൻ പോലും കഴിയാതെ
ഉരുകുന്ന മനുഷ്യന്റെ ആധികൾ കണ്ടു ഞാൻ
അറിയാതെ തേങ്ങി കരഞ്ഞു പോയി
എന്തിനീ പരീക്ഷണം എന്നറിയാതെ ഞാൻ
ഉമ്മറ പടിയിൽ തളർന്നിരുന്നു
കൂട്ടിലകപ്പെട്ട കിളികളെ പോലവേ
മോചനം കിട്ടുവാൻ കാത്തിരുന്നു
താങ്ങും തണലുമായി കൂട്ടിന് വരുമെന്ന്
വെറുതെ മോഹിച്ചിരുന്നു പോയി
ആപത്തിൽ നിന്നും കരകേറുവാനായി
നാഥനോടായെന്നും ഞാൻ കേണിടുന്നു
നിങ്ങൾ അറിഞ്ഞില്ലേ കൂട്ടുകാരെ
ലോകം നടുക്കും ഒരു വൈറസ് കഥ
കണ്ണിനു കാണാത്ത ഈ വൈറസിന്
നൽകിയ പേരല്ലോ കൊറോണ
ഇവനെ തുരത്തിയോടിക്കാനായി
കഴുകേണം നമ്മുടെ കൈകൾ
സോപ്പിട്ടു കഴുകേണം പലവട്ടം
മാസ്ക് ഇട്ടു മറയ്ക്കേണം മുഖം
അകലം പാലിച്ചു നടക്ക വേണം
ഒത്തിരിക്കാലം അടുത്തിരിക്കാൻ വേണ്ടി
ഇത്തിരിക്കാലം അകന്നിരിക്കാം
എല്ലാം കഴിഞ്ഞൊരു പൊൻപുലർക്കാലം
തെളിയട്ടെ മണ്ണിൽ എന്നുമെന്നും
