എച്ച്.എസ്. എസ് ഫോർ ഗേൾസ് വെങ്ങാനൂർ/അക്ഷരവൃക്ഷം/ജനനി

ജനനി  ജനനി, നിൻ മായാജാലത്താൽ  നാം പൈതങ്ങളെ ചലനാത്മകമാക്കി  നിൻ മുടിയിഴകൾ ഹരിതവർണ്ണം  ചാലിക്കുന്ന സസ്യങ്ങൾ ആണെന്ന് ആരെങ്കിലും അറിയുന്നുവോ?  നിൻ നയനങ്ങളിലെ കൃഷ്ണമണികളാം  സൂര്യചന്ദ്രന്മരിലൂടെ ഈ പൈതങ്ങളെ നോക്കുന്നത് ആരെങ്കിലും അറിയുന്നുവോ? സിന്ദൂര തിലകം ചാർത്തുന്ന ചക്രവാളം നിൻ മൃദുല അധരങ്ങളാണെന്ന് ആരെങ്കിലും അറിയുന്നുവോ?  നിന്റെ വാത്സല്യമൂറുന്ന നാദത്തിലൂടെ എത്രയോ തരിശു ഭൂമികളെ സ്വപ്നം കാണാൻ പഠിപ്പിച്ചു!  നിൻ മടിത്തട്ടിൽ തല ചായ്ച്ചുറങ്ങു-  ന്നതുപോലെ, വേറൊരു സ്വർഗ്ഗം ആർക്കെങ്കിലും ലഭിക്കുമോ? ഈ ലാളനത്തെ ആരെങ്കിലും അറിയുന്നുവോ? അനുഭവിക്കുന്നുവോ? നീ നിന്റെ പവിത്രമായ ചരടിനാൽ ഞങ്ങളെ ബന്ധിപ്പിച്ചു, നീയാണ് ജനനി.   വിജീഷ എ എസ് 10 എഫ് എച്ച് എസ് എസ് ഫോർ ഗേൾസ് വെങ്ങാനൂർ ബാലരാമപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത