വട്ടോളി എൽ പി എസ്/അക്ഷരവൃക്ഷം/കൊറോണക്കാലം

കൊറോണക്കാലം നാം ഇന്ന് നമ്മുടെ വീട്ടിൽ കഴിയുന്നത് പേടിയോടുകൂടിയാണ് . സാധാരണ അവധിക്കാലം പോലെ കളിച്ചു നടക്കാനോ ബന്ധു വീട്ടിൽ പോകാനോ കഴിയാത്ത അവധിക്കാലം . എന്റെ അച്ഛൻ ഒരു പ്രവാസിയാണ് . ഓരോ അവധിക്കാലവും ഞങ്ങൾക്ക് അച്ഛനെ കാണാനും സ്നേഹം അനുഭവിക്കാനുമുള്ള അവസരമാണിത് . പക്ഷെ ഈ വർഷം അതും സ്വപ്നമായി . അച്ഛൻ വരാൻ വളരെ കൊതിയോടെ കാത്തിരിക്കുകയായിരുന്നു അപ്പോഴാണ് ആ വാർത്ത വന്നത് .അച്ഛൻ വരുന്നു ഞാനും അനിയനും സന്തോഷം കൊണ്ട് തുള്ളിച്ചാടി . പക്ഷെ വീട്ടിൽ എത്തിയ അച്ഛന്റെ അടുത്ത് പോവാനോ എന്തിനു ശരിക്ക് ഒന്ന് കാണാൻ പോലും ഞങ്ങൾക്ക് കഴിഞ്ഞില്ല . വല്ലാത്ത വിഷമം തോന്നി .ഞങ്ങളുടെ പണിതീരാത്ത വീട്ടിൽ ആണ് അച്ഛൻ . അമ്മ പറഞ്ഞു ഇനി 28 ദിവസം കഴിഞ്ഞാൽ അച്ഛൻ ഞങ്ങളുടെ അടുത്ത് വരും.ഇനി കാത്തിരിപ്പാണ് , അച്ഛൻ ഞങ്ങളുടെ അടുത്തേക്ക് വരുന്നതും കാത്ത്‌ .പുറത്തിറങ്ങാതെ സാമൂഹിക അകലം പാലിച്ച്‌ ഞങ്ങളെ പോലെ എല്ലാവരും ഈ കൊറോണക്കാലം കഴിയും വരെ നിൽക്കും എന്ന് പ്രതീക്ഷിക്കുന്നു . എങ്കിൽ മാത്രമേ കോവിഡിനെ തുരത്താൻ കഴിയൂ എന്ന് ഓർമപ്പെടുത്തുന്നു ...