തപ്തമനസ്സ്
ഭൂമിയേക്കാളും വലുതാണ് നാമെന്ന്
ആർത്തുല്ലസ്സിക്കുന്ന മർത്യർ,
അവരുടെ ധാർഷ്ട്യത്തെ കളയുവാൻ
കലിതൻ അവതാരമായി.
ഒരു നിമിഷത്തിൽ ആയിരമായിരം
മാനവർമണ്ണിൽ പൊലിഞ്ഞു...
ഒരു കൈ സഹായിക്കാൻ ആവതില്ലാർക്കും
പ്രകൃതി തൻ താണ്ഡവ നൃത്തം.
രാത്രിയിൽ ഞെട്ടിയുണരുന്ന ബന്ധുക്കൾ
രക്ഷിക്കണേ എന്നു കേഴുന്ന മക്കൾ
ഇവയെല്ലാം കണ്ടട്ടഹസിക്കുന്ന ലോകത്തെ
എന്തു നാം ചെയ്യാൻ കഴിയൂ?
എല്ലാവരും ചേർന്ന് ഒന്നിച്ചു പാടുവിൻ
"ലോകാ സമസ്താ സുഖിനോ ഭവന്തു"...
