തിലാന്നൂർ യു പി സ്കൂൾ/അക്ഷരവൃക്ഷം/അതിജീവത്തിന് ശേഷം
അതിജീവത്തിന് ശേഷം
രാജുവും മാളുവും ഒരു ക്ലാസിലാണ് പഠിക്കുന്നത്.കോവിഡ് രോഗത്തെ തുടർന്ന് വീട്ടിൽ കഴി‍ഞ്ഞതിന് ശേഷം കുറേ ദിവസങ്ങൾക്ക് ശേഷമാണ് അവർ കാണുന്നത്. രാജു മാളുവിനെ കണ്ട സന്തോഷത്തിൽ : രാജു: മാളൂ...എന്തൊക്കെയുണ്ട് വിശേഷങ്ങൾ ? മാളുവും രാജുവിനെ കണ്ട് സന്തോഷിച്ചു. മാളു: എനിക്ക് കുഴപ്പമില്ല,നിനക്കോ? രാജു:എനിക്കും സുഖം തന്നെ.അന്ന് സ്കൂൾ അടക്കുമ്പോൾ നമ്മൾ ഇത്രയും ദിവസം വീട്ടിൽ കഴിയേണ്ടി വരുമെന്ന് കരുതിയില്ല.. അല്ലേ? മാളു:അതെ രാജു ...ഞാനും കരുതിയിരുന്നില്ല. രാജു:മാളു...നീ പുറത്തൊന്നും ഇറങ്ങാറില്ലല്ലോ...ഇറങ്ങേണ്ട കേട്ടോ..വീട്ടിൽ പോയാലും കൈയ്യും കാലുമൊക്കെ കഴുകി വൃത്തിയാക്കിയിട്ടേ കയറാവൂ കേട്ടോ...ഞാൻ ഇപ്പോൾ രണ്ടു നേരം കുളിക്കും .ഭക്ഷണം കഴിക്കുന്നതിനു മുൻപും ശേഷവും സോപ്പിട്ടു കൈ കഴുകും. മാളു: ഓ... നീ നല്ല കുട്ടി ആയോടാ...സ്കൂളിൽ വരുമ്പോൾ നിനക്ക് കുളിക്കാൻ മടിയായിരുന്നില്ലേ...? രാജു: അതൊക്കെ പണ്ടല്ലേ...ഇനി കുളിക്കാതിരിക്കാൻ പറ്റില്ല,അല്ലേൽ കൊറോണ വരും.അതോണ്ട് ഞാൻ പുറത്തൊന്നും കുളിക്കാൻ പോകാറില്ല. മാളു: ആണോടാ...ഞാൻ അമ്മയുടെ മൊബൈലിൽ പുതിയ ഗെയിം കേറ്റിയിട്ടുണ്ട്, വേഗം പോയിട്ട് കളിക്കണം. ഇതുകേട്ട്--- രാജു: മാളു... മൊബൈലൊക്കെ നോക്കി വെറുതേ കണ്ണ് കളയണ്ട. ഞാൻ കുറേ ചിത്രങ്ങൾ വരച്ച് ഒരു ആൽബം തന്നെ ഉണ്ടാക്കിയിട്ടു‍ണ്ട്. മാളു:ഡാ... നീ പറയുന്നത് സത്യമാണോ? എന്നാൽ ഇന്നു മുതൽ ഞാനും നിന്നെ പോലെ നല്ല കുട്ടിയാകും. ഈ ശീലം നമുക്ക് പിന്തുടരണം.എന്നാൽ ജീവിതത്തിൽ നമ്മളെ ഒന്നിനും തോൽപ്പിക്കാൻ പറ്റില്ല.
|
