നമ്മുടെ നാട്ടിലെ അമ്മിണി അമ്മയ്ക്ക്
കിങ്ങിണി എന്നൊരു കുഞ്ഞുണ്ട്
എന്നും കരയുന്ന കിങ്ങിണി കുട്ടിക്ക്
അസുഖങ്ങൾ ഏറെ വരാറുണ്ട്
വൈദ്യരെ കാട്ടി മരുന്ന് കൊടുത്തിട്ടും
വിട്ടു മാറുന്നില്ല രോഗങ്ങൾ
രോഗത്തിൻ കാരണം എന്തെന്നറിയു വാൻ വൈദ്യൻ വീട്ടിൽ വിരുന്ന് എത്തി
ചെളിയിലും മണ്ണിലും വീണു കളിക്കുന്നു
കിങ്ങിണി എന്ന കാന്താരി
കൈ കഴുകാതെ നഖം മുറിക്കാതെ
ഉണ്ണുന്നു ഉറങ്ങുന്നു കാന്താരി
വൈദ്യൻ പറഞ്ഞു മരുന്നല്ല വേണ്ടത്
വ്യക്തി ശുചിത്വം മറക്കരുത്
വൈദ്യന്റെ കല്പന കേട്ട് കഴിഞ്ഞപ്പോൾ
രോഗങ്ങൾ മാറി സുഖമായി
