വാവർ മെമ്മോറിയൽ എച്ച്.എസ്. എരുമേലി/അക്ഷരവൃക്ഷം/ അൺലോക്ക്ഡ്
അൺലോക്ക്ഡ്
ഇന്നും ഞാൻ ഉണർന്നത് എന്റെ പ്രിയപ്പെട്ട മിട്ടു തത്തമ്മയുടെ ശബ്ദം കേട്ടാണ് .വേനൽ കാലം ആരംഭിച്ചിരിക്കുന്നു അതിനാൽ എന്നും രാവിലെ എഴുന്നേറ്റ് മിട്ടുവിന്റെ കൂട്ടിൽ വെള്ളം വെച്ച് കൊടുക്കണം . അങ്ങനെയിരിക്കെ ഒരു ദിവസം ഞാൻ കൂട്ടുകാർക്കൊപ്പം കളിച്ചു കഴിഞ്ഞപ്പോൾ എനിക്ക് വല്ലതെ ദാഹം തോന്നി . ഉടനെ തന്നെ ഞാൻ അകത്തു ചെന്നു വെള്ളം കുടിച്ചു . പിന്നെ പുറത്തോട്ട് ഇറങ്ങിയപ്പോഴാണ് മിട്ടു തത്തമ്മ യുടെ കൂടിനു വെളിയിൽ കുറച്ചു കിളികൾ ഇരിക്കുന്നത് കണ്ടത്. ഞാൻ ചിന്തിച്ചു ഈ കിളികൾക്കും കാണില്ലേ ഭാഹം, വേനൽ കാലം ആയതിനാൽ തോട്ടിലും വെള്ളമില്ല . പിന്നെ ഈ കിളികൾ എങ്ങനെ വെള്ളം കുടിക്കും. ഇതിനൊരു പരിഹാരം ഞാൻ കണ്ടുപിടിച്ചു. മിട്ടുന്റെ കൂടിനു വെളിയിൽ ഒരു വലിയ പാത്രത്തിൽ ഞാൻ വെള്ളം കുടിക്കാനായി കൊണ്ട് വച്ചു . ക്രമേണ എവിടെനിന്നോ കുറെ കിളികൾ പറന്നു വന്ന് ദാഹമകറ്റാൻ തുടങ്ങി. മാവിൻ ചുവട്ടിലെ ഈ കാഴ്ച എന്നിൽ കൗതുകമുണർത്തി . പിന്നീടങ്ങോട്ട് ദിവസവും ഞാൻ പാത്രത്തിൽ വെള്ളം വച്ച് തുടങ്ങി. അപ്പോഴെല്ലാം പല തരം കിളികൾ പറന്നു വന്ന് ദാഹമകറ്റാൻ തുടങ്ങി. പിന്നെ ഓരോ ദിവസവും ഞാൻ ഉണരുന്നത് ഈ കിളികളുടെ കലപില ശബ്ദം കേട്ടാണ്. പിന്നീടാണ് കൂട്ടിലടച്ച് ഏറെ നാളായി ഒറ്റയ്ക്ക് കഴിയുന്ന മിട്ടുവിനെ പറ്റി ചിന്തിക്കാൻ തുടങ്ങിയത്. ഓരോ തവണ കിളികൾ വരുമ്പോഴും കിളികൾ വെള്ളം കുടിക്കുന്നതും നോക്കി ഇരിക്കുന്ന മിട്ടുനെ കണ്ടപ്പോൾ എനിക്ക് വിഷമം തോന്നി . ഞാൻ ചിന്തിച്ചു ഈ മിട്ടൂനും കാണില്ലേ ഇതുപോലെ സ്വതന്ത്രമായി പറക്കാൻ ആഗ്രഹം . ഞാൻ ഉടനെ തന്നെ അച്ചനോട് ഈ കാരൃം പറഞ്ഞു. മിട്ടൂനെ തുറന്നു വിടാൻ അച്ഛൻ സമ്മതിച്ചു. പിറ്റേന്ന് രാവിലെ എഴുന്നേറ്റ് ഞാൻ മിട്ടൂനെ തുറന്നു വിട്ടു. മിട്ടൂന്റെ സന്തോഷത്തോടെയുളള ആ പറക്കൽ കണ്ടപ്പോൾ എന്റെ മനസ്സും സന്തോഷം കൊണ്ട് തുള്ളിച്ചാടി.
|