ജി.എച്ച്.എസ്. പെരിങ്കരി/അക്ഷരവൃക്ഷം/ബാല്യകാലം

ബാല്യകാലം  പൂമരത്തിണ്ണയിൽ, അരണ്ടവെളിച്ച- മുരുകുന്നൊരേകാന്തമാം വിഹായസ്സിനെ നോക്കി,പേപിടിച്ചിരിക്കുന്ന നേരം പ്രേതഭൂതങ്ങളും ഭ്രാന്തമാം കൽപ്പനകളും അവരവർതൻ ഭാഗമെണ്ണിയുണ്ണും നേരം ദൂരെയേതോ മരീചികയിൽനിന്നു കേഴുന്നുമെൻ രാത്രിപുൽകാത്ത ബാല്യം തിന്മതീണ്ടാത്ത, മതിലുകളുയർത്താത്ത ബാല്യം നറുനിലാവിന്റെ മെത്തയിൽ ഒന്നിച്ചുറങ്ങി- യുണർന്ന നാം, പൂപ്പാട്ടുകൾ പാടി മുറ്റത്തെ മാഞ്ചോട്ടിലൂഞ്ഞാലിലാടി നാമൊന്നെന്നറിഞ്ഞ, നാം നാമായിരുന്ന സ്വപ്നം കരിവളപ്പൊട്ടുകളനക്കാതെ, കള്ളിമുൾ- ച്ചെടിയിൽ കൈകുത്തിവീണും തോട്ടിൽ മേട്ടിൽ പൂമ്പാറ്റയായ് പാറിയും, നന്മമാത്രം കൊണ്ടും- കൊടുത്തും, സ്നേഹമുണ്ടുമൂട്ടിയും ചിരി- മണിമുത്തുകൾ പൊഴിച്ചും ഒളിച്ചു- കളിച്ചും പൂമയിലായിപ്പാറിനടന്ന കാലം ബാക്കിയുണ്ടെന്നാകിലിനിയുമൊരിക്കൽ കൂടെ- യൊരുമിച്ചു കൈകോർത്തുനീങ്ങാൻ, പാതി- രാത്രിയോ പകലോ പാടിനോക്കാതെ വീണ്ടു- മൊരുവട്ടമെനിക്കായ് ചേർന്നൊട്ടിനിൽക്കൂ... കള്ളമലയുന്ന കൈമലർത്തുന്ന കാലത്തിൻ ചുഴിയിൽനിന്നും, കഠാരക്കുത്തുകൾ മുറുകി- യൊലിക്കും രണമർമ്മരങ്ങളിൽ നിന്നും- ഒരുവട്ടമെനിക്കായ് ചേർന്നൊട്ടിനിൽക്കൂ...   ശ്രീലക്ഷ്മി.കെ.പി 10 എ ജി.എച്ച്.എസ്.പെരിങ്കരി ഇരിട്ടി ഉപജില്ല കണ്ണൂർ അക്ഷരവൃക്ഷം പദ്ധതി, 2020 കവിത