മടുത്തില്ലേ മനുഷ്യാ കാട്ടാള ജന്മമിനിയും,... തിന്നും കുടിച്ചും ആർത്തുല്ലസിച്ചും ജീവിച്ചവനല്ലേ നീ മനുഷ്യാ,... അടച്ചിട്ടമുറികളിൽ പെട്ടെങ്കിൽ അറിയണം, നിൻ ക്രൂരത ഇനിയെങ്കിലും,.. കിട്ടുന്നതെല്ലാം തിന്നും കുടിച്ചും വാങ്ങിയതല്ലേ ഈ ദുരന്തവും,... ഓർക്കുന്നുവോ നീ കൂട്ടിലടച്ച ജീവിതങ്ങൾ.. പറവകൾ , മീനുകൾ .. അവരുടെയെല്ലാം സ്വപ്നങ്ങൾ നീ ബാക്കിയാക്കി.. ദൈവമാം കരങ്ങളാൽ നീയ ഇപ്പോൾ സ്വയം നിർമിച്ച ചില്ലുകൊട്ടാരത്തിൽ നീയും പറവയായ്‌ മത്സ്യമായ് മാറിത്തുടങ്ങിയോ? ചേലുള്ള ടാറിട്ട റോഡിലൂടോടുവാൻ ആഗ്രഹം കാണുമെന്നറിയാം എങ്കിലും പൂട്ടിയിട്ട മുറികളിൽ ഒറ്റക്കിരുന്നോരു ദൈവമായ് മാറുകയാണെന്നുമറിയാം...
