ഗവൺമെൻറ്, മോഡൽ ഗേൾസ് എച്ച്.എസ്.എസ് പട്ടം/അക്ഷരവൃക്ഷം/സ്നേഹം

സ്നേഹം സൂര്യരശ്മികൾ അവളുടെ മുഖത്തടിച്ചു. അവൾ ഓടി. ക്ലാസ്സിൻ്റെ വാതിൽക്കൽ ചെന്ന് അവൾ കിതച്ചുകൊണ്ടേയിരുന്നു. കുട്ടികൾ അവളെ നോക്കിച്ചിരിച്ചു. " ജൂ എന്താ, നീ ഇന്ന് വൈകിയത്." അത് ടീച്ചർ "ഞാൻ വൈകിയത് എന്തുകൊണ്ടാണെന്നു ചോദിച്ചാൽ... എന്താണെന്നു വച്ചാൽ.... വഴിയോരത്തുകൂടി നടന്നുകൊണ്ടിരിക്കെ ഞാനൊരു മരം കണ്ടു. അത് വല്ലാതെ വിഷമിച്ചിരിക്കുകയായിരുന്നു..... "ഇതാണോ ഇത്ര വലിയ കാര്യം"ടീച്ചർ ചോദിച്ചു. ടീച്ചർ .. എനിക്കിതൊരു വലിയ കാര്യം തന്നെയാ. പല കുട്ടികളുടെയും മുഖത്ത് പരിഹാസത്തിന്റെ നിറം ജൂ കണ്ടു. ടീച്ചർ ക്ലാസ്സിൽ കയറിയിരിക്കാൻ പറഞ്ഞു. അവളുടെ ചിന്ത മരത്തിലേക്ക് ആഞ്ഞു കൊണ്ടേയിരുന്നു. സ്കൂൾ വിട്ടു കഴിഞ്ഞു. " ജൂ,എന്താ നീ പോകാത്തത് ?" "പോകാം ടീച്ചർ..." ജൂ ഇടറിയ ശബ്ദത്തോടെ പറഞ്ഞു . വഴിയോരത്തുകൂടി നടന്നു കൊണ്ടിരുന്ന അവൾ അങ്ങോട്ടുമിങ്ങോട്ടും നോക്കി. അവളുടെ കണ്ണുകളിൽ അപ്പോഴും ആ മരം കൂട്ടുണ്ടായിരുന്നു. ജൂവിന്റെ കൈയിലേക്ക് ഒരില അടർന്നുവീണു. അവൾ മുകളിലേക്കു നോക്കി. 'അതാ ആ മരം!' ജൂ ആശ്ചര്യത്തോടെ നോക്കി. 'കൈയിലുണ്ടായിരുന്ന ഇല അവൾ നെഞ്ചിൽ ചേർത്തു വച്ചു. " ജൂ" പെട്ടെന്ന് മരത്തിൽ നിന്നും ഒരു ശബ്ദം അവളുടെ ചെവിയിൽ പതിച്ചു. ഇലകൾ മഴയായി ജൂവിന്റെ ശരീരത്തിലേക്കു കൊഴിഞ്ഞു കൊണ്ടേയിരുന്നു. അവൾ മരത്തിലേക്ക് നോക്കി. പെട്ടെന്നവൾ ഉണർന്നു . ഇതൊരു സ്വപ്നമായിരുന്നോ? അവൾ മിഴിച്ചുകൊണ്ട് വരാന്തയിലേക്ക് ഓടി. അവിടെ നിന്നും പറമ്പിലേക്കുനോക്കി .എല്ലാ മരങ്ങളേയും നിരീക്ഷിച്ചു. " ജൂ .. മരങ്ങൾ അവളെ വിളിക്കുന്നതായി തോന്നി. അതു വഴി പുതിയ റോഡുണ്ടാക്കുന്ന മാമന്മാർ അവളെ നോക്കി പുഞ്ചിരിച്ചു. അവർ ഈ മരങ്ങളെയെല്ലാം മുറിക്കുമോ...? അവളുടെ പുഞ്ചിരി മാഞ്ഞു. നിള.വി.എസ് 5 A ഗവ. മോഡൽ ഗേൾസ് എച്ച് എസ് എസ് പട്ടം തിരുവനന്തപുരം നോർത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കഥ