അതിരുകൾക്കപ്പുറം നിന്ന്,
അതിഥിയായ് വന്നവ-
രോർക്കുകയൊരു നിമിഷം
ഹസ്തദാനത്തിനായൊന്നു
കൈകൾ മലർത്തുമ്പോ-
ളോർക്കുക ഒരു നിമിഷം,
വീടുകൾതോറും കറങ്ങി-
നടക്കുമ്പോളോർക്കുക,
ഒരു നിമിഷം -
ബന്ധുമിത്രാദികൾക്കായൊന്നു
കെട്ടിപ്പിടിക്കാൻ തോന്നുമ്പോൾ,
ചിന്തിക്കുക. ......
നമ്മിൽ കുടിയേറി പാർകുമാ-
ഭീകരൻ വൈറസിനെ ചെറുക്കാൻ,
ഒന്നുചിന്തിക്കു തെല്ലിടനേരം
മറ്റുള്ളവർക്കുമായി.
വീട്ടിൽ ഒതുങ്ങാം നമുക്ക്
നമ്മളായ് മാറാം നമുക്ക്,
കൈകൾ കരുത്തിന്റെ
കാവലാളാക്കാം
കഴുകാം നമുക്കൊന്നായ്,
സമയം നമുക്കിനി ശ്രദ്ധയോടെ
സർഗ്ഗശേഷിക്കായി വിനിയോഗിക്കാം
നമുക്ക് വേണ്ടത് നമുക്ക് തന്നെ വീടുകളിൽ തുടങ്ങാം
മഹാമാരിയാം ഈ വ്യാധിയെ
ചെറുക്കുവാൻ നമുക്ക് വീട്ടിലൊതുങ്ങാം
അകലാം നമുക്ക് നല്ലൊരു
നാളെക്കായി അകലാം
അകലങ്ങൾ കൂടുമ്പോൾ
അടുക്കണം ബന്ധങ്ങൾ
കോവിഡിനെ തുരത്താൻ
ഒരു നല്ലൊരുമക്കായി
നമുക്കൊന്നകലാം
