തൊടുപുഴ-മൂവാറ്റുപുഴ റൂട്ടില്‍ ആവോലി ഗ്രാമപഞ്ചായത്തിന്റെ നാലാം വാര്‍ഡില്‍ ആനിക്കാട്‌ സെന്റ്‌ സെബാസ്റ്റ്യന്‍സ്‌ സ്‌കൂള്‍ നിലകൊള്ളുന്നു. ഈ പഞ്ചായത്തിലെ ഏക ഹൈസ്‌കൂളായ ഈ കലാലയം 1964 ല്‍ സ്ഥാപിതമായി. 1966-ല്‍ ഈ സ്‌കൂള്‍ അപ്‌ഗ്രേഡ്‌ ചെയ്‌ത്‌ ഹൈസ്‌കൂളായി ഉയര്‍ത്തി. ഇന്നത്തെപ്പോലെ യാത്രാസൗകര്യമോ, സാമ്പത്തിക ഭദ്രതയോ, സാമൂഹിക സന്തുലിതാവസ്ഥയോ ഇല്ലാതിരുന്ന ഒരു വ്യവസ്ഥിതിയിലാണ്‌ സംസ്‌കാരവും പരിഷ്‌കാരവും അധികമൊന്നും കടന്നുവരാത്ത ഈ പഞ്ചായത്തില്‍ ഈ സരസ്വതീക്ഷേത്രത്തിന്‌ പ്രാരംഭം കുറിച്ചത്‌. ഈ സ്‌കൂളിന്റെ സ്ഥാപകന്‍ യശഃശരീരനായ റവ. ഫാ. ജയിംസ്‌ വെമ്പിള്ളിയാണ്‌. അര്‍പ്പണബോധവും ത്യാഗാത്മകതയും കര്‍മ്മകുശലതയും ദീര്‍ഘവീക്ഷണവും കൈമുതലാക്കിയ കോതമംഗലം രൂപതയിലെ ആരാധനാ സഭാധികാരികളുടെയും ഈ പ്രദേശത്തെ നാട്ടുകാരുടെയും ബഹു. പള്ളി വികാരി ഫാ. ജെയിംസ്‌ വെമ്പിള്ളിയുടെയും ഒത്തുചേര്‍ന്നുള്ള പ്രവര്‍ത്തനമാണ്‌ ഈ സ്‌കൂളിന്റെ സ്ഥാപനത്തിന്‌ പിന്നിലുള്ളത്‌. ഈ സ്‌കൂളിന്റെ ഇപ്പോഴത്തെ മാനേജര്‍മദര്‍ ബര്‍ത്തയും ഹെഡ്‌മിസ്‌ട്രസ്‌ സിസ്റ്റര്‍ ഷേര്‍ളി ജോസഫുമാണ്‌.

സെന്റ്.സെബാസ്റ്റ്യൻസ് എച്ച്.എസ്സ്. ആനിക്കാട്
വിലാസം
anicadu

ernakulam ജില്ല
സ്ഥാപിതം01 - 06 -
വിദ്യാഭ്യാസ ഭരണസംവിധാനം
റവന്യൂ ജില്ലernakulam
വിദ്യാഭ്യാസ ജില്ല muvattupuzha
സ്കൂൾ ഭരണ വിഭാഗം
മാദ്ധ്യമംമലയാളം‌
അവസാനം തിരുത്തിയത്
15-01-2010Sshsanicadu



ചരിത്രം

ആവോലി, മഞ്ഞള്ളൂര്‍, ആരക്കുഴ എന്നീ പഞ്ചായത്തുകളില്‍ നിന്നും, മൂവാറ്റുപുഴ മുനിസിപ്പല്‍ ഏരിയയില്‍ നിന്നുമുള്ള കുട്ടികള്‍ ജാതിമതഭേദമന്യേ ഇവിടെ വിദ്യ അഭ്യസിക്കുന്നു. അദ്ധ്യാപകരും അനദ്ധ്യാപകരും ഉള്‍പ്പെടെ 41 പേര്‍ ഇവിടെ സേവനമനുഷ്‌ഠിക്കുന്നു. 2002-ല്‍ ഈ സ്‌കൂളില്‍ അണ്‍ എയ്‌ഡഡ്‌ +2 ലഭിച്ചു. 5 മുതല്‍ 12 വരെയുള്ള ക്ലാസ്സുകളിലായി 1257 കുട്ടികള്‍ പഠിക്കുന്നു. ആരാധനാസഭയുടെ മാനേജ്‌മെന്റിലുള്ള ഈ എയ്‌ഡഡ്‌ സ്‌കൂളിന്‌ എസ്‌.എസ്‌.എല്‍.സി. പരീക്ഷയില്‍ 100% വിജയം നേടിയതിനുള്ള ഖ്യാതിയും ലഭിച്ചിട്ടുണ്ട്‌. 2003-04 അധ്യയനവര്‍ഷത്തില്‍ മെബിന്‍ മാത്യു എന്ന വിദ്യാര്‍ത്ഥി എസ്‌.എസ്‌.എല്‍.സി. പരീക്ഷയ്‌ക്ക്‌ 16-ാം റാങ്ക്‌ കരസ്ഥമാക്കി. 2004-2005-ല്‍ ഇംഗ്ലീഷ്‌ പരിജ്ഞാനം കുട്ടികളില്‍ വളര്‍ത്തുക എന്ന ലക്ഷ്യത്തോടെ അഞ്ചാം ക്ലാസ്സില്‍ ഒരു ഡിവിഷന്‍ ഇംഗ്ലീഷ്‌ മീഡിയമാക്കി. കല്ലൂര്‍ക്കാട്‌ സബ്‌ജില്ലയില്‍ തലയുയര്‍ത്തി നില്‍ക്കുന്ന ഈ കലാക്ഷേത്രം കലാ, കായിക ശാസ്‌ത്ര, സാഹിത്യരംഗങ്ങളില്‍ തിളങ്ങി നില്‍ക്കുന്നു. കൂടാതെ ബെസ്റ്റ്‌ സ്‌കൂളിനുള്ള പ്രശസ്‌തിയും ലഭിച്ചിട്ടുണ്ട്‌. 1993 മുതല്‍ 98 വരെ ഈ സ്‌കൂളിലെ വിദ്യാര്‍ത്ഥിയായിരുന്ന സിനി ജോസ്‌ കായികരംഗത്ത്‌ അന്തര്‍ദ്ദേശീയതലം വരെ എത്തി നിരവധി സ്വര്‍ണ്ണം നേടി. പരേതനായ മുന്‍ ആവോലി പഞ്ചായത്ത്‌ പ്രസിഡന്റ്‌ ശ്രീ. ജോര്‍ഡി പൈലിയും ഈ സ്‌കൂളിന്റെ സന്തതിയാണ്‌. കമ്പ്യൂട്ടര്‍ പഠനം വിജ്ഞാനപ്രദവും ആകര്‍ഷകവുമാക്കുവാന്‍ വേണ്ടി 15 കമ്പ്യൂട്ടറുകള്‍ ഈ സ്‌കൂളില്‍ വാങ്ങുകയും കുട്ടികള്‍ക്ക്‌ പരിശീലനം നല്‍കുകയും ചെയ്യുന്നു. പെണ്‍കുട്ടികളുടെ വ്യക്തിത്വ വികസനത്തിനും സ്വഭാവ സംസ്‌കരണത്തിനും ഉതകുന്ന ഗൈഡിംഗ്‌ പരിശീലനവും ഈ വിദ്യാപീഠത്തില്‍ നല്‍കിവരുന്നു. ആനുകാലിക വിദ്യാഭ്യാസത്തിനാവശ്യമായ എഡ്യൂസാറ്റ്‌, സി.ഡി. ലൈബ്രറി തുടങ്ങിയ സൗകര്യങ്ങളും പ്രയോജനപ്പെടുത്തിവരുന്നു. കാലഘട്ടത്തിന്റെ ആവശ്യം മനസ്സിലാക്കി കുട്ടികളെ പക്വതയാര്‍ന്ന വ്യക്തിത്വത്തിന്റെ ഉടമകളാക്കി നാടിനുതകുന്ന, ഈശ്വരവിശ്വാസമുള്ള നല്ല പൗരന്മാരെ സൃഷ്‌ടിക്കുവാനുള്ള പാവനവേദിയായി ഈ വിദ്യാലയം നിലകൊള്ളുന്നു.

ഭൗതികസൗകര്യങ്ങള്‍

മൂന്ന് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 41 ക്ലാസ് മുറികളും ഹയര്‍ സെക്കണ്ടറിക്ക് ഒരു കെട്ടിടത്തിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.

ഹൈസ്കൂളിനും ഹയര്‍സെക്കണ്ടറിക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.

പാഠ്യേതര പ്രവര്‍ത്തനങ്ങള്‍

  • സ്കൗട്ട് & ഗൈഡ്സ്.

ഈ സ്കൂളില്‍ നല്ല രീതിയില്‍ സ്കൗട്ട് & ഗൈഡ്സ് പ്രവര്‍ത്തിക്കുന്നു

  • എന്‍.സി.സി.
  • ബാന്റ് ട്രൂപ്പ്.
  • ക്ലാസ് മാഗസിന്‍.
  • വിദ്യാരംഗം കലാ സാഹിത്യ വേദി.
വിദ്യാരംഗം കലാ സാഹിത്യ വേദി ഈ സ്കൂളില്‍ നല്ല രീതിയില്‍  പ്രവര്‍ത്തിക്കുന്നു.
  • ക്ലബ്ബ് പ്രവര്‍ത്തനങ്ങള്‍.

എല്ലാ ക്ലബ്ബുകളും ഉയര്‍ന്ന നിലവാരം പുലര്‍ത്തുന്നു

ദിവ്യകാരുണ്യ ആരാധനാ സന്യാസിനി സമൂഹത്തിന്റെ കോതമംഗലം പ്രോവിന്‍സാണ് ഈ വിദ്യാലയത്തിന്റെ ഭരണം നടത്തുന്നത്. നിലവില്‍ 2 ഹൈസ്ക്കൂള്‍,1 യു.പി.സ്ക്കൂള്‍,1 എല്‍.പി.സ്ക്കൂള്‍, എന്നിങ്ങനെ4എയ്ഡഡ് സ്ക്കൂളുകളും 2അണ്‍എയ്ഡഡ് ഹയര്‍സെക്കണ്ടറിസ്ക്കൂളുകളും 4CBSE സ്ക്കൂളുകളും ഈ മാനേജ്മെന്റിന്റെ കീഴില്‍ പ്രവര്‍ത്തിക്കുന്നുണ്ട്. സി.ബ്രിജീറ്റ് മുതുപ്ലാക്കല്‍ മാനേജരായും സി.സെലിന്‍ കല്ലുങ്കല്‍ വിദ്യാഭ്യാസ കൗണ്‍സിലറായും പ്രവര്‍ത്തിക്കുന്നു. ഹെഡ്മിട്രസ സി. ഷേര്ളി

മുന്‍ സാരഥികള്‍

സി.ജൂലിറ്റ്, സി.ആന്‍സി, സി.ക്‍ലെയര്‍, സി.ജോവിറ്റ, സി.ഫിലോമിന :

പ്രശസ്ട്ര്രാസയ

വഴികാട്ടി


വര്‍ഗ്ഗം: സ്കൂള്‍


== സെന്റ് സെബാസ്റ്റയസ് ഹൈസ്‌ക്കൂള്‍, ആനിക്കാട്‌ ആവോലി പി.ഒ == സെന്റ്‌ സെബാസ്റ്റ്യന്‍സ്‌ ഹൈസ്‌ക്കൂള്‍, ആനിക്കാട്‌