എം.ഇ.എസ്.എച്ച്. എസ്.എസ്. ഇരിമ്പിളിയം/പ്രവർത്തനങ്ങൾ/2025-26

2025-26

ലിറ്റിൽ കൈറ്റ്സ് ഇ പേപ്പർ -ഒക്ടോബർ

പ്രമാണം:19112 MES BYTES -Little KITEs e NEWS Paper-october.pdf

ലിറ്റിൽകൈറ്റ്സ് സ്ക്കൂൾതല ക്യാമ്പ് 2025 രണ്ടാംഘട്ടം

യൂണിറ്റ് ക്യമ്പ് 2025

ഇരിമ്പിളിയം എം.ഇ.എസ് ഹയർസെക്കൻ്ററി സ്കൂളിലെ ലിറ്റിൽകൈറ്റ്സ് 2024-27 ബാച്ചിൻ്റെ രണ്ടാംഘട്ട സ്ക്കൂൾ ക്യാമ്പ് 2025 ഒക്ടോബർ 27 തിങ്കളാഴ്ച നടന്നു .43 കുട്ടികൾ പങ്കെടുത്ത ഏകദിന ക്യാമ്പിൽ ഓപ്പൺ ടൂൺസ്, സ്ക്രാച്ച് എന്നീ സോഫ്റ്റ്‌വെയറുകളിൽ പരിശീലനം നൽകി .ഹെഡ്മാസ്റ്റർ അഷ്‌റഫലി കെ ക്യാമ്പിൻ്റെ ഉദ്ഘാടനം നിർവഹിച്ചു.ലിറ്റിൽ കൈറ്റ് മെൻ്റർ മുഹമ്മദ് മുനീർ സ്വാഗതം പറഞ്ഞു.മറാക്കര വി.വി.എം ഹയർസെക്കൻ്ററി സ്ക്കൂളിലെ ലിറ്റിൽ കൈറ്റ് മെൻ്റർ നജീബ് പറമ്പിൽ ക്ലാസെടുത്തു.ലിറ്റിൽ കൈറ്റ് മെൻ്റേർസായ മുഹമ്മദ്മുനീർ ,ഹഫ്സ ,SITC ഫൈസൽ എന്നിവർ ക്യാമ്പിന് നേതൃത്വം നൽകി.ലിറ്റിൽ കൈറ്റ്സ് അംഗം അൻസില നന്ദി പറഞ്ഞു.4 മണിക്ക് ക്യാമ്പ് അവസാനിച്ചു.

ഉദ്ഘാടനം

ശ്രദ്ധ,നവപ്രഭ മിഷൻ പോസിബിർ പ്രത്യേക പരിശീലനം

ഇരിമ്പിളിയം എം. ഇ. എസ് ഹയർസെക്കൻഡറി സ്‌ക്കൂളിലെ എട്ട് ഒമ്പത് ക്ലാസുകളിൽ പഠനത്തിൽ പിന്നോക്കം നിൽക്കുന്നവിദ്യാർത്ഥികൾക്ക് ശ്രദ്ധ,നവപ്രഭ മിഷൻ പോസിബിർ പ്രത്യേക പരിശീലനം നൽകി.എട്ടാം ക്ലാസിലെ അമ്പത് വിദ്യാർത്ഥികൾക്ക് രാവിലെയും ഒമ്പതാം ക്ലാസിലെ അമ്പത് വിദ്യാർത്ഥികൾക്ക് ഉച്ചക്ക് ശേഷവുമായാണ് പരിശീലനം നൽകിയത്. അധ്യാപകരായ അനീഷ്, അൻവർ, സുരേഷ് , റഫീഖ്, സമീർ ,നിഹാൽ എന്നിവർ വിവിധ സെഷനുകൾ കൈകാര്യം ചെയ്തു.

കുറ്റിപ്പുറം ഉപജില്ല ശാസ്‌ത്രമേള:ഹൈസ്‌ക്കൂൾ വിഭാഗം ഗണിതസാമൂഹ്യശാസ്‌ത്ര മേളയിൽ ഓവറോൾ രണ്ടാം സ്ഥാനം

കുറ്റിപ്പുറം ഉപജില്ല ശാസ്‌ത്രോൽസവത്തിൽ ഇരിമ്പിളിയം എം.ഇഎസ് ഹയർസെക്കൻഡറി സ്‌ക്കൂൾ ഹൈസ്‌കൂൾ വിഭാഗത്തിൽ ഗണിത സാമൂഹ്യശാസ്‌ത്ര മേളകളിൽ ഓവറോൾ രണ്ടാം സ്ഥാനവും ശാസ്‌ത്രമേളയിൽ ഓവറോൾ മൂന്നാം സ്ഥാനവും ഐ. ടി മേളയിൽ അഞ്ചാം സ്ഥാനവും പ്രവർത്തിപരിചയ മേളയിൽ ഏഴാം സ്ഥാനവും നേടി.വിജയികളെയും പരിശീലനത്തിന് നേതൃത്വം നൽകിയ അധ്യാപകരെയും ഹെഡ്മാസ്റ്റർ അഷ്‌റഫലി കെ അനുമോദിച്ചു.

എം.ഇഎസ് സൂപ്പർ കപ്പ് 2025 9 ക്ലാസ്‌തല ഫുട്ബോൾ മത്സരം

ഇരിമ്പിളിയം എം. ഇ. എസ് ഹയർസെക്കൻ്ററി സ്‌ക്കൂളിൽ ഒമ്പതാം ക്ലാസുകൾക്ക് എം.ഇഎസ് സൂപ്പർ കപ്പ് 2025 ക്ലാസ്‌തല ഫുട്ബോൾ മത്സരം സംഘടിപ്പിച്ചു.ഉച്ചക്കും വൈകുന്നേരവുമായി നടന്ന മത്സരങ്ങളിൽ 9B ക്ലാസും 9N ക്ലാസും ഫൈനലിൽ എത്തി. നവംബർ മാസത്തിലാണ് ഫൈനൽ മത്സരം.അധ്യാപകരായ അമീറലി, ദിലീപ്, നജ്മുദ്ധീൻ, കോച്ച് ഹാരിസ് എന്നിവർ നേതൃത്വം നൽകി.

എന്റെ സ്‌ക്കൂൾ എന്റെ അഭിമാനം -റീൽസ് നിർമ്മിച്ചു.

സംസ്ഥാനത്തെ സ്‌ക്കൂളുകൾക്ക് കൈറ്റ് വിക്ടേഴ്‌സ് സംഘടിപ്പിക്കുന്ന എന്റെ സ്‌ക്കൂൾ എന്റെ അഭിമാനം എന്ന റീൽസ് മത്സരത്തിൽ ഇരിമ്പിളിയം എം ഇ എസ് ഹയർ സെക്കൻ്റിസ്‌ക്കൂളിലെ ലിറ്റിൽ കൈറ്റ് യൂണിറ്റും പങ്കെടുത്തു.സ്‌ക്കൂളിൻ്റെ ഭൗതികസൗകര്യങ്ങളും മികവുകളും ഉൾപ്പെടുത്തി വിഡിയോ റെക്കോർഡിങും എഡിറ്റിങ്ങും നടത്തിയത് ലിറ്റിൽ കൈറ്റ്സ് അംഗങ്ങളാണ്.ലിറ്റിൽ കൈറ്റ്സ് അംഗമായ ഷാൻ ഷരീഫ് റീൽസിന് വോഴ്‌സ്ഓവർ നൽകി.ഹെഡ്മാസ്റ്റർ അഷ്‌റഫലി കെ തയ്യാറാക്കിയ റീൽസ്കൈറ്റ് വിക്ടേഴ്സിൻ്റെ വാട്സആപ്പ് നമ്പറിലേക്ക് അയച്ച് കൊടുത്തു.

ചിത്രരചന മത്സരം നടത്തി

ഇരിമ്പിളിയം എം. ഇ. എസ് ഹയർസെക്കന്ററി സ്‌ക്കൂളിൽ കൈത്തറി വസ്ത്രങ്ങളുടെ പ്രചാരം വർദ്ധിപ്പിക്കുന്നതിനും ഉപയോഗം പ്രോൽസാഹി പ്പിക്കുന്നതിനും വേണ്ടി ഒക്ടോബർ ഒമ്പതിന് ചിത്രരചന മത്സരം സംഘടിപ്പിച്ചു.അദ്വൈത 8.Iഒന്നാം സ്ഥാനവും ഫാത്തിമ സമർ 8.J രണ്ടാം സ്ഥാനവും ഫാത്തിമ ഹംദ 8G മൂന്നാം സ്ഥാനവും കരസ്ഥമാക്കി. പരിപാടിക്ക് അധ്യാപികയായ ഷബ്നാസ് നേതൃത്വം നൽകി

ലിറ്റിൽ കൈറ്റ്സ് ഇ പേപ്പർ സെപ്തംമ്പർ

പ്രമാണം:19112 MES BYTES-Little KITEse NEWS Paper-september.pdf

സ്‌ക്കൂൾതല ശാസ്ത്രമേളയും പ്രദർശനവും

ഇരിമ്പിളിയം എം ഇ എസ് ഹയർ സെക്കൻഡറി സ്‌ക്കൂളിലെ സ്ക്കൂൾ ശാസ്‌ത്രമേള Sci-XPlore 2025 സെപ്തംബർ 29 ന് സംഘടിപ്പിച്ചു. ശാസ്ത്ര, സാമൂഹ്യശാസ്ത്ര,ഗണിത, ഐ. ടി,പ്രവർത്തി പരിചയ മേളകളുടെ തത്സമയ മത്സരങ്ങളോടൊപ്പം എം.ഇ.എസ് എൻജിനിയറിങ് മെഡിക്കൽ ടീമുകളുടെ സ്‌റ്റാളുകൾ ,നയീം പാംപറമ്പിലിൻ്റെചിത്രശലഭ ഫോട്ടോ പ്രദർശനം ,തിരൂര് ഫയർ ആന്റ് റെസ്‌ക്യൂ ടീമിന്റെ ഫസ്റ്റ്എയിഡ് ഡെമോ ക്ലാസ്,എട്ടാം ക്ലാസിലെ വിദ്യാർത്ഥികൾ ഒരുക്കിയ വർണ്ണാഭമായ സാറ്റാളുകൾ, ഇംഗ്ലീഷ് ക്ലബിന്റെ ATHENIAN PAGES പുസ്‌തക പ്രദർശനം, വിദ്യാർത്ഥികൾ വീട്ടിൽനിന്ന് കൊണ്ട് വന്ന വളർത്തു മൃഗങ്ങളുടെയും മത്സ്യങ്ങളുടെയും പ്രദർശനവുംവിൽപന തുടങ്ങിയ വയെല്ലാം ശാസ്ത്ര മേളയുടെ ഭാഗമായി നടന്നു. എം.ഇ.എസ് എൻജിനിയറിങ് മെഡിക്കൽ ടീമുകളുടെ സ്‌റ്റാളുകൾ സ്‌ക്കൂൾ മാനേജ്മെൻ്റ് സെക്രട്ടറി മുസ്‌തഫകമാലും ചിത്രശലഭങ്ങളുടെ പ്രദർശനം പി.ടി.എ പ്രസിഡന്റ് സമീഹ അലിയും ഉദ്ഘാടനം ചെയ്തു.എം.പി ടി എ പ്രസിഡന്റ് ഹഫ്‌സത്ത് ബീവി,പി.ടി.എ അംഗം ഫൈസൽ, എസ്.എം.സി ട്രഷറർ ഹബീബ്റഹ്മാൻ,എം.ഇ.എസ് എൻജിനിയറിങ് കോളേജ് അധ്യാപകനായ ഷംസുദ്ധീൻ, ശാസ്‌ത്രമേള കൺവീനർ സുഷമ വി.കെ അധ്യാപകരായ നുബ്‌ല,മുംതാസ്,ഷമ്മാഷാഫി, ഫൈസൽ കെടി,റഫീഖ്,അമീറലി,ഷാഹിൽ, നിഹാൽ മൊയ്തീൻ,തസ്‌നി എന്നിവർ ആശംസകൾ അർപ്പിച്ചു. ഹെഡ്‌മാസ്‌റ്റർ അഷ്‌റഫലി കാളിയത്ത് എൻജിനിയറിങ് മെഡിക്കൽ ടീമുകൾക്കും ഫയർഫോഴ്‌സ് ടീമിനും നയീം പാംപറമ്പിലിനും സ്‌നേഹോപഹാരം നൽകി.ഡെപ്പ്യൂട്ടി ഹെഡ്‌മിസ്ട്രസ് ഷമീമ നന്ദി അറിയിച്ചു.

ക്യാമ്പുകൾ ആരംഭിച്ചു

ഇരിമ്പിളിയം എംഇഎസ് ഹയർ സെക്കൻഡറി സ്‌ക്കൂളിലെ പത്താം ക്ലാസ് വിദ്യാർത്ഥികളിൽ ഉന്നതവിജയം കരസ്ഥമാക്കുക എന്ന ലക്ഷ്യത്തോടെ "Beyond the grade" ക്യാമ്പിന് സെപ്തംബർ 27 ശനിയാഴ്ച തുടക്കം കുറിച്ചു.പാദവാർഷിക പരീക്ഷയുടെ സ്‌കോറടിസ്ഥാനത്തിൽ വിദ്യാർത്ഥികളെ സരോവരം, ലക്ഷ്യ,പ്രതീക്ഷ,വിജയഭേരി എന്നീ പേരുകളായി തിരിച്ചു നടത്തിയ ക്യാമ്പുകൾ പഠനത്തെ കൂടതൽ മെച്ചപ്പെടുത്താ൯ സാധിച്ചു എന്ന് വിദ്യാർത്ഥികൾ അഭിപ്രായപ്പെട്ടു.അക്കാദമിക്ക് കോഡിനേറ്റർ റംസി,സരോവരം കൺവീനർ സുഷമ വി.കെ,ആവറേജ് കൺവീനർ റഹീന വി.പി ,വിജയഭേരി കൺവീനർ ഷീന ആർ ചന്ദ്രൻ എന്നിവർ ക്യാമ്പിന് നേതൃത്വം നൽകി.

പി ടി എ ജനറൽ ബോഡി യോഗം ചേർന്നു

ഇരിമ്പിളിയം എം ഇ എസ് ഹയർ സെക്കൻഡറി സ്കൂൾ ഈ വർഷത്തെ പിടിഎ ജനറൽ ബോഡിയോഗം ഇരിമ്പിളിയം ഗ്രാമപഞ്ചായത്ത് പ്രസിഡണ്ട് പിടി ഷഹനാസ് മാസ്റ്റർ ഉദ്ഘാടനം ചെയ്തു.പിടിഎ പ്രസിഡണ്ട് സുരേഷ് മലയത്ത് അധ്യക്ഷം വഹിച്ചു.എസ്എംസി സെക്രട്ടറി മുസ്തഫ കമാൽ മുഖ്യപ്രഭാഷണം നടത്തി. പ്രിൻസിപ്പൽ കെ കെ നജ്മുദ്ദീൻ സ്വാഗതം പറഞ്ഞു. ഹെഡ്മാസ്റ്റർ കെ അഷ്റഫ് അലി റിപ്പോർട്ട് അവതരണം നടത്തി. എസ്എംസി ട്രഷറർ ഹബീബ് റഹ്മാൻ, എം പി ടി എ പ്രസിഡന്റ് സമീഹ അലി,എസ്എംസി അംഗം നൗഷാദ്, പിടിഎ പ്രതിനിധികളായ ഹഫ്സത്ത് ബീവി, നാരായണൻ, മുഹമ്മദാലി, ഇബ്രാഹിം,ബുഷ്റ, റഹീന, സ്റ്റാഫ് സെക്രട്ടറിമാരായ അജിത്ത്,സൈതലവി എന്നിവർ ആശംസകൾ നേർന്നു. ഡെപ്യൂട്ടി എച്ച് എം ഷമീമ നന്ദി പ്രകാശനം നടത്തി ചടങ്ങിൽ വെച്ച് സ്ഥാനമൊഴിഞ പിടിഎ പ്രസിഡണ്ട് ശ്രീ സുരേഷ് മലയത്തിനെ മാനേജ്മെന്റും,പിടിഎയും , സ്റ്റാഫും, എം പി ടി എയും ആദരിച്ചു 25- 26 വർഷത്തെ പിടിഎ പ്രസിഡണ്ടായി ശ്രീമതി സമീഹ അലിയെയും, വൈസ് പ്രസിഡണ്ടായി ശ്രീ ഷംസുദ്ദീനെയും, എം പി ടി എ പ്രസിഡണ്ടായി ശ്രീമതി ഹഫ്സത്ത്ബീവിയെയും തിരഞ്ഞെടുത്തു.എക്സിക്യൂട്ടീവ് അംഗങ്ങളായി നാരായണൻ, മുഹമ്മദാലി, അദീദ്, ജലീൽ, ഫൈസൽ, ബുഷറ, ഹുസ്ന, ഫാത്തിമ സുഹറഎന്നിവരെയും,അധ്യാപക പ്രതിനിധി കളായി ഷമീമ, സൈതലവി, അജിത്ത്, ഷാഹിന, റംസി, ഇസഹാക്ക്,റഫീക്ക്, അനീഷ് എന്നിവരെയും തിരഞ്ഞെടുത്തു.

സോഫ്‌റ്റ് വെയർ സ്വാതന്ത്യദിനം ആചരിച്ചു

സംസ്ഥാനത്തെ പൊതു വിദ്യാലയങ്ങളിൽസോഫ്‌റ്റ് വെയർ സ്വാതന്ത്ര്യദിനം ആചരിക്കുന്നതിൻ്റെ ഭാഗമായി ഇരിമ്പിളിയം എം.ഇ .എസ് ഹയർ സെക്കൻഡറി സ്ക്കൂളിലെ ലിറ്റിൽ കൈറ്റ്സ് യൂണിറ്റ് സെപ്തംബർ 22 മുതൽ 26 വരെ വിവിധ പ്രവർത്തനങ്ങൾ സംഘടിപ്പിച്ചു.സെപ്തംബർ 22ന് ഒമ്പതാം ക്ലാസിലെ ലിറ്റിൽകൈറ്റ്സ് ലീഡർ അൻസില സോഫ്‌റ്റ് വെയർ സ്വാതന്ത്യദിന പ്രതിജ്ഞ ചൊല്ലി കൊടുത്ത് പ്രവർത്തനങ്ങൾക്ക് തുടക്കം കുറിച്ചു.പത്താംക്ലാസിലെ വിദ്യാർത്ഥികൾക്ക് റോബോട്ടിക്ക് കിറ്റിൻ്റെ പ്രവർത്തനം പരിജയപ്പെടുത്തുക,റോബോട്ടിക്ക് കിറ്റുകൾ ഉപയോഗിച്ചുള്ള വിവിധ പ്രവർത്തനങ്ങളുടെ പ്രദർശനം ,സോഫ്‌റ്റ് വെയർ സ്വതന്ത്ര്യദിനവുമായി ബന്ധപ്പെട്ട സന്ദേശങ്ങൾ ഉൾപ്പെടുന്ന പേസ്റ്റർ രചനമത്സരം തുടങ്ങിയവ ഇതിൻ്റെ ഭാഗമായി നടത്തി. പരിപാടികൾക്ക് ലിറ്റിൽ കൈറ്റ് മെന്റർമാരായ മുഹമ്മദ് മുനീർ,അനീഷ് എസ്, ഹഫ്‌സ ,ഷമ്മഷാഫി എന്നിവർ നേതൃത്വം നൽകി

സ്‌ക്കൂൾ കലോത്സവം

ഇരിമ്പിളിയം എം ഇ എസ് ഹയർസെക്കൻഡറി സ്കൂളിൽ മൂന്നുദിവസമായി നടന്ന സ്കൂൾ കലോത്സവം MESTA' 2025 സ്കൂൾ മാനേജ്മെന്റ് കമ്മിറ്റി സെക്രട്ടറി ടി മുസ്തഫ കമാൽ ഉദ്ഘാടനം ചെയ്തു.പ്രശസ്ത സിനിമ- ടെലിവിഷൻ താരം കലാഭവൻ അനിൽകുമാർ വിശിഷ്ടാതിഥിയായി.പ്രിൻസിപ്പൽ കെ കെ നജ്മുദ്ദീൻ സ്വാഗതം പറഞ ചടങ്ങിൽ പി ടി എ പ്രസിഡന്റ് സുരേഷ് മലയത്ത് അധ്യക്ഷം വഹിച്ചു. എസ്എംസി ട്രഷറർ പി ഹബീബ് റഹ്മാൻ,എം പി ടി എ പ്രസിഡന്റ് സമീഹ അലി, എസ് എം സി ജോയിൻ സെക്രട്ടറി നൗഷാദ്,അംഗമായ ബീരാൻ,പിടിഎ പ്രതിനിധികളായ ഹഫ്സത്ത് ബീവി, നാരായണൻ, അനൂപ് സുന്ദർ, മുഹമ്മദാലി, ഡെപ്യൂട്ടി എച്ച് എം ഷമീമ,സ്റ്റാഫ് സെക്രട്ടറിമാരായ സൈതലവി, അജിത്ത്,അക്കാദമിക് കോഡിനേറ്റർമാരായ ഷാഹിന, റംസി, കലോത്സവ കമ്മിറ്റി കൺവീനർമാരായ ഷിബുലാൽ, അബ്ദുള്ള, അൻഷാദ്, ആബിദ എന്നിവർ ആശംസകൾ അർപ്പിച്ചു.ഹെഡ്മാസ്റ്റർ കെ അഷ്റഫലി നന്ദി പ്രകാശനം നടത്തി.

4 ഹൗസുകളായി 5 വേദികളിലായി നടന്ന കലോത്സവത്തിൽ റെഡ്‌ ഹൗസ് ഹൈസ്ക്കൂൾ വിഭാഗം ജനറൽ , സംസ്കൃതോത്സവം ,അബിക് കലോത്സവം ഓവർ ഓൾ ചാമ്പ്യൻഷിപ്പ് കരസ്ഥമാക്കി.

ഹൈസ്ക്കൂൾവിഭാഗം ജനറൽ കലോത്സവത്തിൽ 281 പോയിന്റ് നേടി റെഡ് ഹൗസ്ഒന്നാം സ്ഥാനവും244 പോയിന്റ് നേടി ബ്ലൂ ഹൗസ് രണ്ടാം സ്ഥാനവും 204 പോയിന്റ് നേടി ഗ്രീൻ ഹൗസ് മൂന്നാം സ്ഥാനവും നേടി.

സംസ്കൃത കലോത്സവത്തിൽ 61പോയിന്റ് നേടി റെഡ് ഹൗസ് ഒന്നാം സ്ഥാനത്തും 46 പോയിന്റ് നേടി ബ്ലൂഹൗസ് രണ്ടാം സ്ഥാനത്തും 36 പോയിന്റ് നേടി യെല്ലോ ഹൗസ് മൂന്നാം സ്ഥാനത്തും എത്തി.

അറബിക്ക് കലോത്സവത്തിൽ 85 പോയിന്റ് നേടി റെഡ് ഹൗസ് ഒന്നാം സ്ഥാനത്തും 78 പോയിന്റ് നേടി യെല്ലോ ഹൗസ് രണ്ടാം സ്ഥാനത്തും 72 പോയിന്റ് നേടി ഗ്രീൻ ഹൗസ് മൂന്നാം സ്ഥാനത്തുംഎത്തി.വിദ്യാർത്ഥികൾക്ക് ട്രോഫിയും സർട്ടിഫിക്കറ്റും നൽകി.

വിജയോത്സവം സംഘടിപ്പിച്ചു

എം.ഇ.എസ് ഹയർ സെക്കൻഡറി സ്‌ക്കൂളിൽ ക്ലാസ്‌തല വിജയോത്സവം സെപ്‌തംപർ 16 ന് സ്‌കൂളിലെ മുഴുവൻ ഡിവിഷനുകളിലും ക്ലാസ് അധ്യാപകരുടെ നേതൃത്വത്തിൽ നടത്തി.പരീക്ഷയിൽ ഉയർന്ന സ്‌കോർ നേടിയവർ കല കായിക സാമൂഹിക മേഖലകളിൽ മികവ് തെളിയിച്ചവർ എന്നിവരെയെല്ലാം ക്ലാസ് അധ്യാപകർ ട്രോഫിയും മെഡലും സമ്മാനങ്ങളും നൽകിയാണ് അനുമോദിച്ചത്.ഇത് വിദ്യാർത്ഥികളിൽ പഠനത്തിലും മത്സരങ്ങളിലും പങ്കെടുക്കാനുള്ള ആവേശമുണ്ടാക്കി.

പഠന പിൻതുണ ക്ലാസ് നടത്തി

ഇരിമ്പിളിയം എം.ഇ.എസ് ഹയർസെക്കൻഡറി സ്‌കൂളിൽ ഒന്നാം പാദവാർഷിക മൂല്യനിർണ്ണയത്തിന് ശേഷം പഠനത്തിൽ പിന്നിൽ പോയ എട്ട് ഒമ്പത് ക്ലാസിലെ വിദ്യാർത്ഥികൾക്ക് രാവിലെ ഒമ്പത് മണി മുതൽ ക്ലാസുകൾ നടത്തി.ഒരോ വിഷയത്തിനും പ്രത്യേക മൊഡ്യൂളുകൾ തയ്യാറാക്കിയാണ് പിൻതുണക്ലാസ് നൽകിയത്. എസ്. ആർജി കൺവീനർ റംസി എട്ട് ഒമ്പത് ക്ലാസുകളിലെ വിജയഭേരി കൺവീനർമാരായ അനിത ,ഷാക്കിറ ബാനു എന്നിവർ നേതൃത്വം നൽകി.

സ്കൗട്ട്സ് ആൻഡ് ഗൈഡ്‌സ് ശിൽപശാല

ഇരിമ്പിളിയം എം.ഇ.എസ്. ഹയർ സെക്കൻ‌ഡറി സ്കൂളിലെ സ്കൗ ട്ട്സ് ആൻഡ് ഗൈഡ്‌സ് യൂണിറ്റ് ദ്വിതീയ സോപാൻ ഏകദിന ശിൽപ ശാല സംഘടിപ്പിച്ചു. സബ്ജില്ല അടിസ്ഥാനത്തിൽ സെപ്റ്റംബർ 28, 29 തീയതികളിൽ നടക്കുന്ന ദ്വിതീയ സോപാൻ സഹവാസ ടെസ്റ്റിങ് ക്യാമ്പിന് മുന്നോടിയായാണ് ശിൽപശാല നടത്തിയത്. പ്രധാന അധ്യാപകൻ അഷ്റഫലി കാളിയത്ത് അധ്യക്ഷത വഹിച്ചു. മുൻ അസിസ്റ്റൻ്റ് സ്റ്റേറ്റ് ഓർഗനൈസിങ് കമീഷണർ ഡേവിഡ് ജോസഫ് ഉദ്ഘാടനം ചെയ്തു. സംസ്ഥാന ഓർഗനൈസിങ് കമീഷണർമാരായ ടി.പി. നൂറുൽ അമീൻ, സുധീഷ് കുമാർ എന്നിവർ മുഖ്യാതിഥി കളായി. സ്കൂൾ യൂണിറ്റ് ലീഡറും ജില്ല സെക്രട്ടറിയുമായ പി.ജെ. അമീൻ, ജില്ല ഓർഗനൈസിങ് കമീഷണർ ജിബി ജോർജ്, ജില്ല ഒ.വൈ.എം.എസ് കോ ഓഡിനേറ്റർ പി. യാസർ, സ്കൂൾ ഗൈഡ് ക്യാപ്റ്റൻ കെ. സുമയ്യ തുടങ്ങിയവർ സംസാരിച്ചു.

പ്രിലിമിനറി ക്യാമ്പ് ബാച്ച്-2

ലിറ്റിൽ കൈറ്റ് 2025-28 ബാച്ച്-2 ൻ്റെ പ്രിലിമിനറി ക്യാമ്പ് സെപ്തംബർ 18 ന് വ്യഴാഴ്ച ഐ.ടി ലാബിൽ വെച്ചു നടന്നു. കുറ്റിപ്പുറം സബ്‍ജില്ല മാസ്റ്റർ ട്രൈനർ ലാൽ എസ് ക്യാമ്പിന് നേതൃത്വം നൽകി. ലിറ്റിൽ കൈറ്റ്സ് എന്ത് എന്തിന് എന്നതായിരുന്നു ആദ്യ സെഷൻ. തുടർന്ന് അനിമേഷൻ പ്രോഗ്രാമിങ് റോബോട്ടിക് മേഖലയിലാണ് പരിശീലനം നൽകിയത്.39 അംഗങ്ങൾ ക്യാമ്പിൽ പങ്കെടുത്തു. എ.ഐ., ഇ. കൊമേഴ്സ്, റോബോ, വി.ആർ., ജി.പി.എസ്. എന്നിങ്ങനെ 5 ഗ്രൂപ്പുകളായി തിരിച്ച് മത്സര രൂപത്തിലായിരുന്നു ഒരോ സെഷനും.രണ്ട് മണിയോടെ ക്യാമ്പ് അവസാനിച്ചു.

പ്രിലിമിനറി ക്യാമ്പ് ബാച്ച്-1

ലിറ്റിൽ കൈറ്റ് 2025-28 ബാച്ച്-1ൻ്റെ പ്രിലിമിനറി ക്യാമ്പ് സെപ്തംബർ 15 ന് തിങ്കളാഴ്ച ഐ.ടി ലാബിൽ വെച്ചു നടന്നു. കുറ്റിപ്പുറം സബ്‍ജില്ല മാസ്റ്റർ ട്രൈനർ ലാൽ എസ് ക്യാമ്പിന് നേതൃത്വം നൽകി. ലിറ്റിൽ കൈറ്റ്സ് എന്ത് എന്തിന് എന്നതായിരുന്നു ആദ്യ സെഷൻ. തുടർന്ന് അനിമേഷൻ പ്രോഗ്രാമിങ് റോബോട്ടിക് മേഖലയിലാണ് പരിശീലനം നൽകിയത്.39 അംഗങ്ങൾ ക്യാമ്പിൽ പങ്കെടുത്തു. എ.ഐ., ഇ. കൊമേഴ്സ്, റോബോ, വി.ആർ., ജി.പി.എസ്. എന്നിങ്ങനെ 5 ഗ്രൂപ്പുകളായി തിരിച്ച് മത്സര രൂപത്തിലായിരുന്നു ഒരോ സെഷനും. ഇതിൽ GPS കൂടുതൽ പോയിന്റ് നേടി ഒന്നാം സ്ഥാനവും റൊബോ രണ്ടാം സ്ഥാനവും കരസ്ഥമാക്കി.ലിറ്റിൽ കൈറ്റ്സ് അംഗം ഫിസ ഷെസ്മിൻ നന്ദി രേഖപ്പെടുത്തി. മൂന്ന്മണിയോടെ ക്യാമ്പ് അവസാനിച്ചു.

പാരന്റ് മീറ്റിങ്

ഈ വർഷം എട്ടാം ക്ലാസിൽ പഠിച്ചുകൊണ്ടിരിക്കുന്ന 2025-28 ബാച്ച്-1 & ബാച്ച് - 2 ലെയും ലിറ്റിൽ കൈറ്റ് അംഗങ്ങളുടെ രക്ഷിതാകളെ പ്രിലിമിനറി ക്യാമ്പിന്റെ ഭാഗമായി വിളിച്ചു ചേർക്കുകയുണ്ടായി. ഹെഡ്മാസ്റ്റർ അഷ്റഫലി.കെ മീറ്റ്ങ് ഉദ്ഘാടനം ചെയ്തു സംസാരിച്ചു. കുറ്റിപ്പുറം ഉപജില്ല മാസ്റ്റർ ട്രൈനർ ലാൽ എസ് ലിറ്റിൽ കൈറ്റ്സിനെ കുറിച്ച് രക്ഷിതാക്കൾക്ക് വീഡിയോ പ്രസന്റേഷൻ എന്നിവയിലൂടെ പരിചയപ്പെടുത്തി. ശേഷം നടന്ന ചർച്ചയിൽ ലിറ്റിൽകൈറ്റ്സ് പ്രവർത്തനങ്ങൾക്ക് രക്ഷിതാക്കളുടെ സഹായ സഹകരണങ്ങൾ ഉറപ്പുവരുത്തി. ലിറ്റിൽകൈറ്റ്സിന് യൂണിഫോം. വർക്ക് ഡയറി എന്നിവയ്കുള്ള സഹകരണവും രക്ഷിതാക്കൾ അറിയിച്ചു. ലിറ്റിൽകൈറ്റ്സിനെക്കുറിച്ച നല്ലൊരു ധാരണ ലഭിക്കാനും ഈ വിഷയത്തിൽ കുട്ടികളെ ശ്രദ്ധിക്കേണ്ട ആവശ്യകത മനസ്സിലാക്കാനും സാധിച്ചതായി രക്ഷിതാക്കൾ ഫീഡ് ബാക്ക് നൽകി.യോഗത്തിൽ ലിറ്റിൽ കൈറ്റ് മെൻ്റേഴ്സായ മുഹമ്മദ് മുനീർ,ഹഫ്സമോൾ ,അനീഷ് എസ്, ഷമ്മ ഷാഫി എന്നിവർ സംസാരിച്ചു.

ലിറ്റിൽ കൈറ്റ് ഇ-സപ്ലിമെൻ്റ് -1

പ്രമാണം:MES BYTES e supplement-1.pdf

ഇ-സപ്ലിമെൻ്റ് ഡിജിറ്റൽ പ്രകാശനം

ലിറ്റിൽ കൈറ്റ്സ് യൂണിറ്റ് തയ്യാറാക്കിയ e Supplement ൻ്റെ ഡിജിറ്റൽ പ്രകാശനം കുറ്റിപ്പുറം സബ്ജില്ലാ കോർഡിനേറ്റർ ലാൽ .എസ് നിർവ്വഹിക്കുന്നു.

കായികോത്സവം 2025

ഇരിമ്പിളിയം എം.ഇ.എസ് ഹയർ സെക്കൻ്ററിസ്ക്കൂളിലെ സ്ക്കൂൾ കായികമേള "MESTA" സെപ്തംബർ 9, 10 തിയ്യതികളിൽ സ്ക്കൂൾ ഗൗണ്ടിൽ വെച്ച്നടന്നു.സബ്ജൂനിയർ,ജൂനിയർ സീനിയർ വിഭാഗങ്ങളിലായി ഹൗസ് അടിസ്ഥാനത്തിൽ നടത്തിയ വിവധമത്സരങ്ങളിൽ വിദ്യാർത്ഥികൾ മികച്ച പ്രകടനം നടത്തി.വിവിധ ഹൗസുകളിലായി സകൗട്ട്സ് & ഗൈഡ്സ്,ജെ. ആർ .സി,ലിറ്റിൽകൈറ്റ്സ് എന്നിവർ പങ്കെടുത്ത മാർച്ച്പാസ്റ്റോടു കൂടി ആരംഭിച്ച കായികമാമാങ്കത്തിൻ്റെ ഉദ്ഘാടനം സ്ക്കൂൾ മാനേജ്മെൻ്റ് സെക്രട്ടിറി മുസ്തഫ കമാൽ നിർവ്വഹിച്ചു.സ്ക്കൂൾ പി.ടി.എ പ്രസിഡൻ്റ് സുരേഷ് മലയത്ത് ദീപശിഖക്ക് തിരിതെളിയിച്ചു.പ്രിൻസിപ്പൽ കെ.കെ നജ്മുദ്ദീൻ പതാക ഉയർത്തി.പൂർവ്വവിദ്യാർത്ഥിയുംഐ.എസ്.എൽ മുഹമ്മദൻസ് താരവുമായ മുഹമ്മദ് ജാസിം വിശിഷ്ടാതിഥിയായി ചടങ്ങിൽപങ്കെടുത്തു.എസ്എംസി ട്രഷറർ പി ഹബീബ് റഹ്മാൻ, അംഗങ്ങളായ ബീരാൻ, നൗഷാദ്, ഹെഡ്മാസ്റ്റർ കെ അഷ്‌റഫ് അലി , ഡെപ്യൂട്ടി ഹെഡ്മിസ്ട്രസ് ഷമീമ, സ്റ്റാഫ് സെക്രട്ടറിമാരായ സൈതലവി, അജിത്ത്, അക്കാദമിക് കോർഡിനേറ്റർമാരായ ഷാഹിന, റംസി എന്നിവർ ആശംസകൾ അർപ്പിച്ചു.കായിക അധ്യാപകൻ ദിലീപ് സ്പോർട്‌സ് ബ്രീഫിങ് നടത്തി. 162പോയൻ്റ് നേടി റെഡ് ഹൗസ് ഒന്നാം സ്ഥാനവും 153 പോയൻ്റോടെ ബ്ലൂഹൗസ് രണ്ടാംസ്ഥാനവും110 പോയൻ്റുമായി യെല്ലോഹൗസ് മൂന്നാം സ്ഥാനവും 105 പോയൻ്റോടെ ഗ്രീൻഹൗസ് നാലാം സ്ഥാനവും കരസ്ഥമാക്കി.മത്സരങ്ങളിൽ വിജയിച്ചവർക്ക് മെഡലും സർട്ടിഫിക്കറ്റും നൽകി.

ഒന്നിച്ചൊരോണം 2k25

ഇരിമ്പിളിയം എംഇഎസ് ഹയർ സെക്കന്ററി സ്ക്കൂളിൽ ഓഗസ്റ്റ് 27 ബുധനാഴ്ച്ച വിപുലമായ രീതിയിൽ ഓണം ആഘോഷം നടത്തി.ഒന്നിച്ചൊരോണം 2k25 എന്ന പേരിൽ നടത്തിയ ഓണാഘോഷം ഹെഡ്മാസ്റ്റർ അഷ്റഫലി കാളിയത്ത് നെയിം റിലീസ് ചെയ്ത് ഉദ്ഘാടനം ചെയ്തു. ഡെപ്യൂട്ടി ഹെഡ്മിസ്ട്രസ് ഷമീമ ,സ്റ്റാഫ് സെക്രട്ടറി അജിത്ത് , എസ് ആർ ജി കൺവീനർ റംസി എന്നിവർ ആശംസകൾ അറിയിച്ചു.അധ്യാപികമാരുടെ മെഗാതിരുവാതിരകളി ,വിദ്യാർത്ഥികളും അധ്യാപികമാരും ചേർന്നുള്ള റീൽസ് ഡാൻസ് എന്നിവഅരങ്ങേറി ഓണഘോഷ പരിപാടിക്ക് തുടക്കം കുറിച്ചു.വിദ്യാർത്ഥികൾക്കായി കസേരകളി,ഉറിയടി,വടംവലി,വഞ്ചിപ്പാട്ട്, ബൗൾ ഔട്ട്,കിക്ക് ദ ബോട്ടിൽ ഡിജിറ്റൽപൂക്കളമത്സരം തുടങ്ങിയ ഓണമത്സരങ്ങൾ സംഘടിപ്പിച്ചു. മത്സരവിജയികൾക്കുള്ള സമ്മാന വിതരണം എം.എൽ എ ആബിദ് ഹുസൈൻ തങ്ങൾ,സ്കൂൾ മാനേജ്മെൻ്റ് സെക്രട്ടറി മുസ്തഫ കമാൽ പി ടി.എ പ്രസിഡൻ്റ് സുരേഷ് മലയത്ത് ,എസ് എം സി ട്രഷറർ പി ഹബീബ് റഹ്മാൻ എന്നിവർ വിതരണം ചെയ്തു. സ്ക്കൂളിലെ മുഴുവൻ വിദ്യാർത്ഥികൾക്കും അതിവിപുലമായ സദ്യയും നൽകി. ഓണാഘോഷ ചുമതലയുള്ള അധ്യാപകരായ അമീറലി എ, ശിൽപ .എസ് .കുമാർ, നസീബ പി.കെ, ഖമറുൽ ഇസ്ലാം,ഷഫ്ന ,ജുനൈദ്,അനീഷ് എസ് ,അനൂപ് എൻ.എം ,റഫീഖ്, അക്ബർ,ഷഹനാസ് ബിന്ദു,നിജില എന്നിവർ പരിപാടിക്ക് നേതൃത്വം നൽകി.

ഓണം സൗഹൃദ സംഗമം സംഘടിപ്പിച്ചു

ഇരിമ്പിളിയം:എം ഇ എസ് ഡയമണ്ട് ജൂബിലിയോടനു ബന്ധിച്ച് എംഇഎസ് ഹയർസെക്കൻഡറി സ്കൂളിൽ ഓണം സൗഹൃദ സംഗമം സംഘടിപ്പിച്ചു. സാഹോദര്യത്തിന്റെയും, മതമൈത്രിയുടെയും ബന്ധങ്ങൾ വിളിച്ചോതിയ പരിപാടി കോട്ടക്കൽ നിയോജകമണ്ഡലം എം എൽ എ പ്രൊഫ. ആബിദ് ഹുസൈൻ തങ്ങൾ ഉദ്ഘാടനം ചെയ്തു. എം ഇ എസ് എയ്ഡഡ് സ്കൂൾ സ്റ്റാൻഡിങ് കമ്മിറ്റി ചെയർമാൻ വി യു ഹംസക്കോയ അധ്യക്ഷം വഹിച്ച പരിപാടിയിൽ ഇരിമ്പിളിയം ഗ്രാമപഞ്ചായത്ത് പ്രസിഡണ്ട് പി ടി ഷഹനാസ് മാസ്റ്റർ മുഖ്യപ്രഭാഷണം നടത്തി.ബ്ലോക്‌ വൈസ് പ്രസിഡന്റ്‌ പി സി നൂർ,ഇരിമ്പിളിയം സ്റ്റാന്റിങ് കമ്മറ്റി ചെയർമാൻ മുഹമ്മദാലി,വാർഡ് മെമ്പർ ഷഫീദ ബേബി,പറമ്പത്ത് കാവ് മേൽശാന്തി രാജീവ്‌ നമ്പൂതിരി, കോഞ്ചത്ത് ഭാസ്കരൻ,എം ഇ എസ് സംസ്ഥാന വൈസ് പ്രസിഡന്റ്‌ ഷാഫി ഹാജി, ,എം ഇ എസ് സംസ്ഥാന എക്‌സിക്യൂറ്റീവ് അംഗം കെ അബ്ദു ലത്തീഫ്, ട്രാഫിക് എസ് ഐ നസീർ തിരൂർക്കാട്, പഞ്ചായത്ത്‌ സെക്രട്ടറി ഷാജി, വില്ലേജ് ഓഫീസർ,എന്നിവർ ചടങ്ങിൽ സംബന്ധിച്ചു.എസ് എം സി സെക്രട്ടറി ടി.മുസ്തഫ കമാൽ സ്വാഗതം പറഞ്ഞ പരിപാടിയിൽ എസ് എം സി ട്രഷറർ പി ഹബീബ് റഹ്മാൻ നന്ദി പ്രകാശനം നടത്തി. അസഹിഷ്ണുതയുടേയും, വിദ്വേഷത്തിന്റെയും ഈ കാലഘട്ട ത്തിൽ എം ഇ എസ് നടത്തുന്ന സൗഹൃദ സംഗമങ്ങൾ തികച്ചും മാതൃകാപരവും, ശ്ലാഘനീയവുമാണെന്ന് ചടങ്ങിൽ സൗഹൃദ സന്ദേശങ്ങൾ നൽകിയ സാഹിത്യകാരൻ പി സുരേന്ദ്രൻ അഭിപ്രായപ്പെട്ടു.ഓണം സൗഹൃദകിറ്റിന്റെ ഉദ്ഘാടനം വാർഡ് മെമ്പർ കെ വി സുനിതനിർവഹിച്ചു. ചടങ്ങിൽ എസ് എം സി വൈസ് പ്രസിഡന്റ്റുമാരായ അബ്ദുൽ അസീസ്, പ്രൊഫ. സൈനബ, എസ് എം സി ജോ. സെക്രട്ടറിമാരായ പ്രൊഫ. സാജിദ്, നൗഷാദ്,പി ടി എ പ്രസിഡന്റ്‌ സുരേഷ് മലയത്ത്, പ്രിൻസിപ്പൽ കെ കെ നജ്മുദ്ദീൻ,ഹെഡ്മാസ്റ്റർകെ അഷ്‌റഫലി, എം പി ടി എ പ്രസിഡന്റ്‌ സമീഹ അലി,എസ് എം സി അംഗങ്ങളായ നൗഷാദ്, ബീരാൻ, സജീദ് മോൻ,ജിഷാർ, ഡോ. ഫസലു റഹ്മാൻ, കെ ടി മുഹമ്മദ്‌ മാസ്റ്റർ, ഷെയ്ഖ് അബ്ദുള്ള, ഷാജു നജീബ്, സൈനുദ്ദീൻ, സെൻട്രൽ സ്കൂൾ പ്രിൻസിപ്പൽ ജോബിൻ സെബാസ്റ്റ്യൻ,പി ടി എ പ്രതിനിധികളായ മുഹമ്മദാലി,ഹഫ്‌സത്ത് ബീവി, ബുഷ്‌റ,, ഡെപ്യൂട്ടി ഹെഡ്‌മിസ്‌ട്രെസ്‌ ഷമീമ, സ്റ്റാഫ്‌ സെക്രട്ടറിമാരായ സെയ്ദലവി, അജിത്ത്, അക്കാദമിക് കോർഡിനേറ്റർ മാരായഷാഹിന, റംസി എന്നിവർ ആശംസകൾ അർപ്പിച്ചു.ഓണ സദ്യയും വിവിധമത്സരങ്ങളും സംഘടിപ്പിച്ചു. .പരിപാടിക്ക് അധ്യാപകരായ അനീഷ്, നജ്മുദ്ദീൻ, അനൂപ്, ഇസ്ഹാഖ്, സുബൈർ, റഫീഖ്, സൈനുദ്ധീൻ,മുനീർ,മൻസൂർ,ഷിബിലി എന്നിവർ നേതൃത്വം നൽകി.

ഡിജിറ്റൽ പൂക്കളമത്സരം

ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിൽ ഓണാഘോഷത്തോടനുബന്ധിച്ച് ലിറ്റിൽ കൈറ്റ്സ് യൂണിറ്റിൻ്റെ നേതൃത്വത്തിൽ ഡിജിറ്റൽപൂക്കളമത്സരം സംഘടിപ്പിച്ചു.മത്സരത്തിൽ ഇസ്സ ഫാത്തിമ 8J ഒന്നാംസ്ഥാനവും നിദനസ്റിൻ 8C ,ഫിസഷെസ്മിൻ 8N രണ്ടാംസ്ഥാനവും നസീഫ് 9P മൂന്നാംസ്ഥാനവും നേടി.പരിപാടിക്ക് ലിറ്റിൽ കൈറ്റ്സ് മെൻ്റേർസായ മുഹമ്മദ് മുനീർ ഹഫ്സ എന്നിവർ നേതൃത്വം നൽകി.

ലിറ്റിൽ കൈറ്റ്സ് ഇ പേപ്പർ ആഗസ്ത്

പ്രമാണം:MES BYTES -Little KITEs e NEWS Paper-AUGUST-2025.pdf

വർണാഭം സ്വാതന്ത്ര്യദിനം

രാജ്യത്തിന്റെ 79 ആം സ്വാതന്ത്ര്യദിനത്തിന്റെ ഭാഗമായി ഇരിമ്പിളിയം എംഇഎസ് ഹയർ സെക്കൻഡറി സ്കൂളിൽനടന്ന ആഘോഷ പരിപാടികൾ സ്കൂൾ മാനേജ്മെന്റ് കമ്മിറ്റി സെക്രട്ടറി ടി മുസ്തഫ കമാൽ ഉദ്ഘാടനം ചെയ്തു.രാവിലെ 9 മണിക്ക് പ്രിൻസിപ്പൽ കെ കെ നജ്മുദ്ദീൻ പതാക ഉയർത്തി.ഹെഡ്മാസ്റ്റർ അഷഫലി കെ സ്വാഗതം പറഞ്ഞ ചടങ്ങിൽ പി ടി എ പ്രസിഡന്റ്‌ സുരേഷ് മലയത്ത് അധ്യക്ഷം വഹിച്ചു.എസ്എംസി വൈസ് പ്രസിഡന്റ് അബ്ദുല്ലസീസ്, എസ്എംസി ട്രഷറർ ഹബീബ് റഹ്മാൻ, ജോയിൻ സെക്രട്ടറി പ്രൊഫസർ സാജിദ്, പിടിഎ പ്രതിനിധികളായ ഹഫ്സത്ത് ബീവി, മുഹമ്മദാലി, മാനേജ്മെന്റ് പ്രതിനിധികളായ ബീരാൻ, പി വി നൗഷാദ്, അധ്യാപകരായ സൈതലവി, അജിത്ത്, ഷാഹിന, റംഷി, അമീൻ,നവാസ്, വിദ്യാർത്ഥി പ്രതിനിധി സിയാ നസ്രിൻ എന്നിവർ ആശംസകൾ അർപ്പിച്ചു.തുടർന്ന് സ്കൗട്ട്, ഗൈഡ്, ജെ ആർ സി, ലിറ്റിൽ കൈറ്റ്സ്, എൻഎസ്എസ് വിദ്യാർത്ഥികളുടെ മാർച്ച് പാസ്റ്റ് നടന്നു. വിദ്യാർത്ഥികളുടെ കലാപരിപാടികളുടെ ഭാഗമായി ദേശഭക്തിഗാനം, എൻഎസ്എസ് ഗീതം,പിരമിഡ് നിർമ്മാണം, ദേശസ്നേഹം വിളിച്ചോതുന്ന ഡിസ്പ്ലേ ഡാൻസ് എന്നിവ അരങ്ങേറി. ദേശീയ ഗാനത്തോടെ ചടങ്ങുകൾ അവസാനിച്ചു.തുടർന്ന് വിദ്യാർഥികൾക്ക് രുചികരമായ പായസം വിതരണം ചെയ്തു.

മൾട്ടിമീഡിയ പ്രസൻ്റേഷൻ മത്സരം സംഘടിപ്പിച്ചു

ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിലെ സ്വാതന്ത്ര്യ ദിനത്തോടനുബന്ധിച്ച് ലിറ്റിൽ കൈറ്റ്സ് യൂണിറ്റിൻ്റെനേതൃത്വത്തിൽ ആഗസ്റ്റ് 14 ന് ഇന്ത്യൻ സ്വാതന്ത്ര്യ സമര സേനാനികൾ എന്ന വിഷയത്തിൽ മൾട്ടിമീഡിയ പ്രസൻ്റേഷൻ മത്സരം സംഘടിപ്പിച്ചു.ധാരാളം കുട്ടികൾ പങ്കെടുത്ത മത്സരത്തിൽ മുഹമ്മദ് ഇഷാൻ കൊടി 8 U ഒന്നാംസ്ഥാനവും ഫർസാൻ അൻവർ 9 B രണ്ടാംസ്ഥാനവും റിൻഷ മൂന്നാംസ്ഥാനവും നേടി.പരിപാടിക്ക് ലിറ്റിൽ കൈറ്റ്സ് മെൻ്റേർസായ മുഹമ്മദ് മുനീർ ,ഹഫ്സ എന്നിവർ നേതൃത്വം നൽകി.

ഗാന്ധിദർശൻക്ലബ് പോസ്റ്റർനിർമ്മാണ മത്സരം നടത്തി.

ഇരിമ്പിളിയം എം.ഇ.എസ് ഹയർ സെക്കൻ്ററി സ്കൂളിലെ ഗാന്ധിദർശൻ ക്ലബ് ഗാന്ധിജിയും ഇന്ത്യൻ സ്വാതന്ത്ര്യസമരവും എന്ന വിഷയത്തിൽ പോസ്റ്റർ നിർമ്മാണ മത്സരം സംഘടിപ്പിച്ചു.അധ്യാപകരായ ശ്രീജിത്ത്. ഇ.പി,ഷമ്മഷാഫി എന്നിവർ പരിപാടിക്ക് നേതൃത്വം നൽകി.

വിജയഭേരി പഠന പിൻതുണ ക്ലാസ് നൽകി

ഇരിമ്പിളിയം എം.ഇ.എസ് ഹയർ സെക്കൻ്റി സ്കൂളിലെ വിജയഭേരി ക്ലബിൻ്റെ ആഭിമുഖ്യത്തിൽ ആഗസ്റ്റ് 14 ന് വിജയഭേരിയിൽ ഉൾപ്പെട്ട വിദ്യാർത്ഥികൾക്കായി നടത്തിയ പഠനപിൻതുണാക്ലാസ് ഹെഡ്മാസ്റ്റർ അഷ്‌റഫലി കാളിയത്ത് ഉദ്ഘാടനം ചെയ്തു.രാവിലെ പത്ത് മണിക്ക് ആരംഭിച്ച് വൈകുന്നേരം നാല് മണി വരെ നാല് സെഷനുകളായി നടത്തിയ ക്ലാസ് സാമൂഹ്യശാസ്ത്ര അധ്യാപകനായ അൻവർ സി.എം,കെമിസ്ട്രി അധ്യാപകനായ അനീഷ് എസ്,ഹിന്ദി അധ്യാപകനായ സുരേഷ് കെ ,ബയോളജി അധ്യാപകനായ നിഹാൽ മെയ്തീൻ എന്നിവർ നയിച്ചു. പഠനതാൽപര്യം കൂട്ടാനും പരീക്ഷയെ ആത്മവിശ്വാസത്തോടെ നേരിടാനും വിദ്യാർത്ഥികൾക്ക് ഈ ക്ലാസുകൾ സഹായിച്ചു .വിജയഭേരി ചുമതലയുള്ള അധ്യാപകരായ ഷീന ആർ ചന്ദ്രൻ ,തസ്നീം കെ.പി ,റംസി എന്നിവർ പരിപാടിക്ക് നേതൃത്വം നൽകി.

ലിറ്റിൽ കൈറ്റ്സ് യൂണിഫോം വിതരണം

2025-28 ലിറ്റിൽ കൈറ്റ്സ് ബാച്ചിന്റെ കൈറ്റ്സ് യൂണിഫോം പ്രധാന അദ്ധ്യാപകൻ അഷ്റഫലി കാളിയത്തിന്റെ നേതൃത്വത്തിൽ വിതരണം ചെയ്തു. ലിറ്റിൽ കൈറ്റ്സ് പദ്ധതിയുമായി ബന്ധപ്പെട്ട എല്ലാ പ്രവർത്തനങ്ങളിലും വിദ്യാർത്ഥികൾ ഈ യൂണിഫോം ധരിക്കുന്നു.

രാമായണ പ്രശ്നോത്തരി നടത്തി

ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിലെ സംസ്കൃത ക്ലബ് രാമയണ മസത്തോടനുബന്ധിച്ച് രാമായണ പ്രശ്നോത്തരി നടത്തി. അപർണ10.B,അദ്വൈത 8 I അമ്യത കൃഷ്ണ10C എന്നിവർ ഒന്നും രണ്ടും മൂന്നും സ്ഥാനം നേടി.സംസ്കൃത അധ്യാപികയായ സിന്ധു.പി പരിപാടിക്ക് നേതൃത്വം നൽകി.

വിദ്യാരംഗം കലാസാഹിത്യവേദി കുറ്റിപ്പുറം ഉപജില്ല പ്രവർത്തനോദ്ഘാടനം കുറ്റിപ്പുറം എ. ഇ. ഒ ശ്രീ.അജിത് കുമാർ ഉദ്ഘാടനം ചെയ്തു.

എം. ഇ. എസ്. ഹയർസെക്കൻഡറി സ്കൂളിലെ പ്രിൻസിപ്പൽ ശ്രീ നജ്മുദീൻ അധ്യക്ഷത വഹിച്ചു. എച്ച്. എം ഫോറം സെക്രട്ടറി പവിത്രൻ , ഹെഡ്മാസ്റ്റർ അഷറഫലി കാളിയത് എന്നിവർ ആശംസ പറഞ്ഞു.തുടർന്ന് പ്രഭാഷകനും അദ്ധ്യാപകനുമായ ബിജു കാവിൽ വിദ്യാരംഗം മാർഗരേഖ യെ കുറിച്ച് വളരെ ഗംഭീരമായി ക്ലാസ്സ്‌ എടുത്തു.കവിത ചൊല്ലലും, കടങ്കഥയും ചൊല്ലുകളുമായി വളരെ സരസമായി കൺവീനർമാരോട് മാഷ് സംവദിച്ചു.തുടർന്ന് ക്ലാസ്സ്‌ റൂം ഡിജിറ്റൽ സാധ്യതകൾ എന്നവിഷയത്തിൽ അധ്യാപകനായ റിയാസ് ക്ലാസ്സ്‌ എടുത്തു.അധ്യാപകരായ സനൂജ , നിഷ , അഞ്ജു, അനൂപ് എന്നിവർ വിവിധ സെഷനുകളിൽ സംസാരിച്ചു.

ജൂനിയർ റെഡ് ക്രോസ് കേഡറ്റുകളുടെ സ്കാർഫിംഗ് സെറിമണി

ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിലെ 2025-28വർഷത്തെ ജൂനിയർ റെഡ് ക്രോസ് കേഡറ്റുകളുടെ സ്കാർഫിംഗ് സെറിമണി ആഗസ്റ്റ് 11 ന് സ്ക്കൂൾ ഗ്രൗണ്ടിൽ വെച്ച് നടത്തി.ഹെഡ്മാസ്റ്റർ അഷ്റഫലി കാളിയത്ത് എ ലെവൽ ഗ്രൂപ്പ് ലീഡർ ഫാത്തിമ റിഷ്ലക്ക് സ്കാർഫ് അണിയച്ച് കൊണ്ട് പരിപാടി ഉദ്ഘാടനം ചെയ്തു.പരിപാടിയിൽ സ്റ്റാഫ് സെക്രട്ടറി അജിത്ത് ഇ,ഡെപ്യൂട്ടി ഹെഡ്മിസ്ട്രസ് ഷമിമ,ജെ. ആർ സി. കോർഡിനേറ്റർമാരായ നവാസ്,അബ്ദുൽ ഷമീർ,ഫാത്തിമ നുബ്‌ല എന്നിവർ പരിപാടിക്ക് നേതൃത്വം നൽകി.

ഹിരോഷിമ–നാഗസാക്കി ദിനം ആചരിച്ചു

വിദ്യാർത്ഥികളിൽ സമാധാനവും സഹജീവനവും വളർത്തുക എന്ന ലക്ഷ്യത്തോടെ ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിലെ സോഷ്യൽ സയൻസ്ക്ലബ് ഹിരോഷിമ നാഗസാക്കി ദിനാചരണം നടത്തി.സോഷ്യൽസയൻസ് ക്ലബ് ലീഡറായഷിൻസ ഹിരോഷിമ നാഗസാക്കി സംഭവങ്ങളുടെ ചരിത്രം വിവരിച്ചു..വിദ്യാർത്ഥികൾക്കായി കൊളാഷ് നിർമ്മാണം,ഒറിഗാമി നിർമ്മാണം എന്നീ മത്സരങ്ങൾ സംഘടിപ്പിച്ചു.സോഷ്യൽ സയൻസ് അധ്യാപകരായ ഷമ്മ ഷാഫി ,ജുനൈദ് എന്നിവർ പരിപാടിക്ക് നേതൃത്വം നൽകി.

സ്കൗട്ട്സ് & ഗൈഡ്സ് ടീ ഷർട്ട് യൂണിഫോം വിതരണം

സ്കൗട്ട്സ് & ഗൈഡ്സ് ടീ ഷർട്ട് യൂണിഫോം തിരൂര് ഡി.ഇ. ഒ ബാബുരാജ് ആർ.പി ഹെഡ്മാസ്റ്റർ അഷ്‌റഫലി കാളിയത്തിന് ന്ൽകി ഉദ്ഘാടനം ചെയ്യുന്നു.

സരോവരം വിദ്യർത്ഥികൾക്കുള്ള മാതൃക ചോദ്യപേപ്പർ നൽകി

ഇരിമ്പിളിയം എം. ഇ. എസ് ഹയർസെക്കൻ്ററിസ്ക്കൂളിലെ സരോവരം ക്ലബിൻ്റെ നേതൃത്വത്തിൽ സരോവരം വിദ്യർത്ഥികൾക്കുള്ള മാതൃക ചോദ്യപേപ്പർ സ്ക്കൂൾമാനേജ്മെൻ്റ് സെക്രട്ടറി ടി. മുസ്തഫ കമാൽ സ്ക്കൂൾ പാർലമെൻ്റ് സെക്രട്ടറി ഷിൻസക്ക് കൈമാറി ഉദ്ഘാടനം ചെയ്തു.പരിപാടിയിൽ സ്ക്കൂൾ പ്രിൻസിപ്പാൾ നജ്മുദ്ധീൻ,സരോവരം ചുമതലയുള്ള അധ്യാപകരായ സുഷമ വി.കെ,ഷഹനാസ്ബിന്ദു ശ്രീജ കെ. എം ,അനീഷ് എസ് എന്നിവർ പങ്കെടുത്തു.

സ്കൂൾ അവധി മാറ്റം -ടേബിൾ ടോക്ക് ചർച്ച സംഘടിപ്പിച്ചു

ഇരിമ്പിളിയം:മഴക്കെടുതികളും, പ്രളയവും മറ്റും മൂലം സ്കൂൾപ്രവൃത്തിദിനങ്ങൾ നഷ്ടപ്പെടുന്നതിന് പരിഹാരമെന്നോണം സ്കൂൾ വേനൽ അവധി ഏപ്രിൽ- മെയ്‌ മാസങ്ങളിൽ നിന്നും ജൂൺ- ജൂലൈ മാസങ്ങളി ലേക്ക് മാറ്റുന്നതുമായി ബന്ധപ്പെട്ട് ഇരിമ്പിളിയംഎം ഇ എസ് ഹയർ സെക്കൻഡറി സ്കൂളിൽടേബിൾ ടോക്ക് ചർച്ച സംഘടിപ്പിച്ചു.സ്കൂൾ മാനേജ്മെന്റ് പി ടി എ-അധ്യാപക- വിദ്യാർത്ഥി പ്രതിനിധികൾ ഉൾപ്പെടെയുള്ളവരുമായി സംഘടിപ്പിച്ച ചർച്ച എംഇഎസ് സംസ്ഥാന കമ്മിറ്റി അംഗം അബ്ദുല്ലത്തീഫ് ഉദ്ഘാടനം ചെയ്തു സ്കൂൾ മാനേജ്മെന്റ് കമ്മിറ്റി വൈസ്പ്രസിഡന്റ്‌ അബ്ദുൽ അസീസ്അധ്യക്ഷം വഹിച്ച പരിപാടിയിൽ എസ് എം സി സെക്രട്ടറി ടി മുസ്തഫ കമാൽ സ്വാഗതം പറഞ്ഞു. ചർച്ചയിൽ എസ് എം സി ജോ.സെക്രട്ടറിയും, വളാഞ്ചേരി കെ വി എം കോളേജ് പ്രിൻസിപ്പൽ ഇൻചാർജുമായ പ്രൊ. സാജിദ് വിഷയാവതരണം നടത്തി.തുടർന്ന് നടന്ന ക്രിയാത്മകമായ ചർച്ചയിൽ എസ് എം സിവൈസ് പ്രസിഡന്റ് പ്രൊ. സൈനബ, ട്രഷറർ ഹബീബ് റഹ്മാൻ, എസ് എം സി ജോ. സെക്രട്ടറി നൗഷാദ്, എം പി ടി പ്രസിഡണ്ട് സമീഹ അലി, എസ് എം സി അംഗങ്ങളായ ബീരാൻ, നൗഷാദ്, പി ടി എ പ്രതിനിധികളായ ഹഫ്സ ത്ത്ബീവി, നാരായണൻ, മുഹമ്മദാലി, ബുഷ്‌റ ഡെപ്യൂട്ടി എച്ച് എം ഷമീമ, സ്റ്റാഫ് സെക്രട്ടറി അജിത്ത്, അക്കാദമിക് കോഡിനേറ്റർമാരായ ഷാഹിന, റംഷി, അധ്യാപകരായഅനീഷ്, നജ്മുദ്ദീൻ, ശ്രീജിത്ത്, റഫീഖ്, മൻസൂർ, സുബൈർ, സുധീർ, അൻവർ വിദ്യാർത്ഥികളായ റാഫി, അനാമിക,അനഘ, ഷിൻസ എന്നിവർ അഭിപ്രായങ്ങൾ രേഖപ്പെടുത്തിപ്രിൻസിപ്പൽ കെ കെ നജ്മുദ്ധീൻ നന്ദി പ്രകാശനം നടത്തി സ്കൂൾ അവധിമാറ്റം സമൂഹത്തിന്റെ എല്ലാതലത്തിലും വിശദമായ ചർച്ചകൾക്ക് വിധേയമാക്കേണ്ടതാ ണെന്നും,പ്രായോഗികമായി നിലവിലുള്ള സംവിധാനമാണ്കൂടുതൽ നല്ലതെന്നും ചർച്ച വിലയിരുത്തപ്പെടുക യുണ്ടായി

ആഗസ്റ്റ് 1 -ലോക സ്കാർഫ് ദിനചരണം

സ്കൗട്ട്സ് & ഗൈഡ്സ് ലോക സ്കാർഫ് ദിനാചരണം നടത്തി

ഇരിമ്പിളിയം എം.ഇ.എസ് ഹയർ സെക്കൻ്ററി സ്കൂളിലെ സ്കൗട്ട്സ്& ഗൈഡ്സ് ആഗസ്റ്റ് 1 ന് ലോക സ്കാർഫ് ദിനചരണം സ്ക്കൂൾ ഹെഡ്മാസ്റ്റർ അഷ്റഫലി കാളിയത്ത് ഉദ്ഘാടനം നിർവ്വഹിച്ചു. ദിനാചരണത്തിൽ റിക്രൂട്ടുകൾക്ക് സ്കൗട്ട്സ് ഗൈഡ്‌സിൽ അംഗത്വം നൽകുന്ന ചിഹ്നദാന ചടങ്ങും സ്കാർഫ് അണിയിക്കലും സംഘടിപ്പിച്ചു.പരിപാടിയിൽ തിരൂര് വിദ്യാഭ്യാസജില്ല സ്കൗട്ട് സെക്രട്ടറിയും സ്ക്കൂൾ സ്കൗട്ട്സ് സെക്രട്ടറിയുമായ അമീൻ പി.ജെ,ഗൈഡ്സ് അധ്യാപികമാരായ സുമയ്യ ,ഹസീന,ഷഫ്ന,റൈഹാനത്ത്, ഷബ്ന എന്നിവർ പരിപാടിക്ക് നേതൃത്വം നൽകി.

സുരക്ഷ ബോധവൽക്കരണ ക്ലാസ് സംഘടിപ്പിച്ചു

തിരൂർ ഫയർ ആൻ്റ് റസ്ക്യൂ ടീമിന്റെ സഹകരണത്തോടെ ഇരിമ്പിളിയം എം.ഇ.എസ് ഹയർ സെക്കൻഡറി സ്കൂളിലെ സ്ക്കൂൾ പ്രൊട്ടക്ഷൻ വിംങ് വിദ്യാർത്ഥികൾക്ക് സുരക്ഷാ ബോധവൽക്കരണ ക്ലാസ് സംഘടിപ്പിച്ചു. സ്കൂൾ പ്രിൻസിപ്പാൾ കെ കെ നജ്മുദ്ദീൻ അധ്യക്ഷത വഹിച്ച പരിപാടി പി ടി എ പ്രസിണ്ടൻ്റ് സുരേഷ് മലയത്ത് ഉദ്ഘാടനം ചെയ്തു. ഫയർ ഓഫീസർമാരാർ വിവേക്,വിഷ്ണു രവീന്ദ്രൻ എന്നിവർ പരിശീലനത്തിന് നേതൃത്വം നൽകി. ഹെഡ്മാസ്റ്റർ അഷ്റഫലി കാളിയത്ത് സ്കൂൾ സുരക്ഷ മാസ്റ്റർ പ്ലാൻ അവതരിപ്പിച്ചു. സുരക്ഷ കോഡിനേറ്റർ കെ റഫീഖ് ,സെപ്യൂട്ടി ഹെഡ്മിസ്ട്രസ് ഷമീമ, ഹയർസെക്കൻ്ററി സ്റ്റാഫ് സെക്രട്ടറി സൈതലവി, ഹൈസ്ക്കൂൾ സെക്രട്ടറി അജിത്ത് ,സ്കൗട്ട് മാസ്റ്റർ പി ജെ അമീൻ തുടങ്ങിയവർ സംസാരിച്ചു.

ജൂലൈ 31 പ്രേംചന്ദ്ദിനം

ഹിന്ദി ക്ലബ് ഷോർട്ട് ഫിലിം പ്രദർശനം നടത്തി.

ജൂലൈ 31 എം.ഈ.എസ് ഹൈസ്കൂളിലെ ഹിന്ദി ക്ലബ്ബിന്റെ ആഭിമുഖ്യത്തിൽ പ്രേം ചന്ദ് കൃതികളെ കുറിച്ചുള്ള ചർച്ചയും ഷോർട്ട് ഫിലിം പ്രദർശനവും നടന്നു .സ്കൂൾഓഡിറ്റോറിയത്തിൽ നടത്തിയ ഷോർട്ട് ഫിലിം പ്രദർശനം ഹെഡ്മാസ്റ്റർ അഷ്റഫലി കെ ഉദ്ഘാടനം ചെയ്തു. പ്രോംചന്ദിൻ്റെ ചെറു കഥയായ " ഈദ്ഗാഹ്" ദൂരദർശൻ ആർക്കൈവിലുള്ള ഷോർട്ട് ഫിലിമാണ് ഹിന്ദിക്ലബ്അംഗങ്ങൾക്കായി പ്രദർശനം നടത്തിയത്. ഹിന്ദി ക്ലബ്ബ് അംഗം അമൃത കൃഷ്ണ കവിതാലാപനം നടത്തി . ഹിന്ദി ക്ലബ് കൺവീനർ റോഷൻ , ക്ലബ് മീഡിയ കൺവീനർ ബാസിംഎന്നിവർ പരിപാടിക്ക് നേതൃത്വം നൽകി . ഹിന്ദി അധ്യാപകരായ സുരേഷ് ,സീമ , ആഷ്‌ലി , സുമ , റീന, റഫീഖ് ,എന്നിവരും ചടങ്ങിൽ പങ്കെടുത്തു

കലാ-കായികമേളകൾ കളറാക്കാൻ ഹൗസുകൾ

ഇരിമ്പിളിയം എം.ഇ.എസ് ഹയർ സെക്കന്ററിസ്കൂളിലെ 2025-25 വർഷത്തെ സ്ക്കൂൾ കലാ-കായിക മേളകൾ ഭംഗിയായി നടത്തുന്നതിനായി സ്കൂളിലെ മുഴുവൻ കുട്ടികളെയും നാല് ഹൗസുമായി തിരിച്ചു. എല്ലാ ഹൗസകളുടെയും പ്രഥമയോഗം ജൂലൈ 29 വൈകുന്നേരം 3.30 ന് സ്ക്കൂൾ ഗ്രൗണ്ടിന്റെ വിവിധഭാഗങ്ങളിൽ വെച്ച് നടത്തി.യോഗത്തിന് കായിക അധ്യാപകനായ ദിലീപ്,മ്യൂസിക്ക് അധ്യാപകനായ ഷിബുലാൽ എന്നിവർ നേതൃത്വം നൽകി.നാല് ഹൗസുകളുടെയും ഹൗസ്ചാർജ് അധ്യാപകർക്ക് നൽകി.ഗ്രീൻ ഹൗസ് അധ്യാപകരായ മുബാരിസ്, ഫാത്തിമ,നുബ്‌ല,സബീനയും യെല്ലോ ഹൗസ്-അധ്യാപകരായ റോഷൻ ,ശ്രുതി,റുബീന,സുമയും റെഡ് ഹൗസ്-അധ്യാപകരായ ഷമീർ,സുമയ്യ,ഷമ്മ,ഫർസാനയും ബ്ലു ഹൗസ്-അധ്യാപകരായ ബാസിം,ഹസീന,ഖദീജ നർഷി, റൈഹാനത്തും കലാകായിക മേളക്കൾക്കായി വിദ്യാർത്ഥികളെ മത്സരാവേശത്തോടെ പങ്കെടുപ്പിക്കാനുള്ള തയ്യാറെടുപ്പുകൾ തുടങ്ങി. ഹൗസ് മീറ്റിംഗിൽ നാല് ഹൗസിലേയും വിദ്യാർത്ഥി ക്യാപ്റ്റൻ ,വൈസ് ക്യാപ്റ്റൻ എന്നിവരെ തിരഞ്ഞെടുത്തു.ക്യാപ്റ്റൻമാരും, വൈസ് ക്യാപ്റ്റൻ മാരുമായി ബ്ലൂഹൗസിൽ നിന്ന് അക്യൂബ് IOJ യും ഫാത്തിമ റിയ 10.H ഉം റെഡ് ഹൗസിൽ നിന്ന് മുഹമ്മദ് ആദിൽ 10.R ഉം റിസ്വാന 10N നേയും യെല്ലോഹൗസിൽ നിന്ന് ഷാഹിദ് അഫ്രീദ് 10F ഉം ഫാത്തിമ ഹംന 10 N ഉം ഗ്രീൻ ഹൗസിൽനിന്ന് ഫൈസാൻ 10 S ഉം ദിയ 10.H നേയും തിരഞ്ഞെടുത്തു.

ഏകദിന ചലച്ചിത്രസ്വാദന ക്യാമ്പ് നടത്തി.

എംഇഎസ് ഹയർസെക്കൻഡറി സ്കൂൾ ഇരുമ്പിളിയവും പൊന്നാനി ഫിലിം സൊസൈറ്റിയും സംയുക്താഭിമുഖ്യത്തിൽ ഏകദിന ചലച്ചിത്രസ്വാദന ക്യാമ്പ് നടത്തി.സ്കൂൾ സെക്രട്ടറി ശ്രീ. മുസ്തഫ കമാൽ ഉദ്ഘാടനം ചെയ്ത ചടങ്ങിൽപിടിഎ പ്രസിഡണ്ട് ശ്രീ. സുരേഷ് മലയത്ത് അധ്യക്ഷനായിരുന്നു.ഫിലിം ക്ലബ് കൺവീനർ ശ്രീമതി തുളസി സ്വാഗതം ആശംസിച്ചു.പ്രിൻസിപ്പൽ ശ്രീ. നജ്മുദ്ദീൻ ,ഹെഡ്മാസ്റ്റർ അഷ്റഫ് അലി കാളിയത്ത്,ഡെപ്യൂട്ടി എച്ച് എം ഷമീമ , അജിത്ത്,റംസി,എന്നിവർആശംസകൾ നേർന്നു.പ്രമുഖ ചലച്ചിത്ര നിരൂപകൻ ശ്രീ വിധ സെഷനുകൾ നയിച്ചു..മധു ജനാർദ്ദനൻ,പൊന്നാനി ഫിലിം സൊസൈറ്റി ഭാരവാഹി ശ്രീ റിയാസ്അഹമ്മദ് എന്നിവർ വിവിധ സെഷനുകൾ നയിച്ചു.ചടങ്ങിൽ പങ്കെടുത്തവർക്ക് ശ്രീ. മുനീർനന്ദി പറഞ്ഞു

സ്ക്കൂൾപാർലമെന്റ് തിരഞ്ഞെടുപ്പ് നടന്നു.

ഇരിമ്പിളിയം എം.ഇ.എസ് ഹയർ സെക്കൻഡറി സ്കൂളിലെ 2025-26 വർഷത്തെ സ്ക്കൂൾ പാർലമെൻ്റിലേക്കുള്ള ക്ലാസ് പ്രതിനിധി തെരഞ്ഞെടുപ്പ് ജൂലൈ 29 ന് നടന്നു.ജനാധിപത്യം,തെരഞ്ഞെടുപ്പ്,ഗവൺമെൻ്റ് എന്നീ ക്ലാസ്റൂമിലെ പഠനാശയങ്ങൾ കുട്ടികളെ നേരിട്ടറിയിക്കുന്നതിന് വേണ്ടി സാമൂഹ്യശാസ്ത്ര ക്ലബിന്റെയും ലിറ്റിൽ കൈറ്റിന്റെയും ആഭിമുഖ്യത്തിലാണ് തിരഞ്ഞെടുപ്പ് സംഘടിപ്പിച്ചത്.ക്ലാസ് അധ്യാപകരുടെ മേൽനോട്ടത്തിൽ തിരഞ്ഞെടുപ്പ് നടത്തിപ്പ് കുട്ടികൾ നിർവ്വഹിച്ചു.രാവിലെപത്ത്മണിക്ക് വോട്ടെടുപ്പ് ആരംഭിച്ചു. 10.30 ന് വോട്ടെണ്ണി വിജയികളെ പ്രഖ്യാപിച്ചു.വ്യാഴാഴ്ച 63 ക്ലാസുകളിലെയും ക്ലാസ് പ്രതിനിധികളുടെ യോഗം വിളിച്ചു. സാമൂഹ്യശാസ്ത്ര അധ്യാപകരായ നജ്മുദ്ധീൻ സി.പി,ഷമ്മഷാഫി,അബ്ദുൽ ഷമീർ എന്നിവർ പരിപാടിക്ക് നേതൃത്വം നൽകി.

സ്ക്കൂൾ കലോത്സവം-സ്റ്റേജിതരമത്സരങ്ങൾ തുടങ്ങി.

ഇരിമ്പിളിയം എം.ഇ.എസ് ഹയർസെക്കൻഡറിയിൽ 2025 വർഷത്തെ സ്ക്കൂൾകലോത്സവ സ്റ്റേജിതര മത്സരങ്ങൾ ചിത്രരചന -പെൻസിൽ മത്സരം നടത്തി തുടക്കക്കുറിച്ചു.ജൂലൈമാസത്തിൽ നടക്കുന്ന സ്റ്റേജിതര മത്സരങ്ങളിൽ ചിത്രരചന -ജലഛായം എണ്ണഛായം,കാർട്ടൂൺ,വിവിധഭാഷകളിൽ ഉപന്യാസരചന,കവിത രചന കഥരചന തുടങ്ങിയ മത്സരങ്ങൾ നടന്നു.മത്സരങ്ങൾക്ക് വിവിധ ക്ലാസുകളിൽ നിന്നായി ധാരളം വിദ്യാർത്ഥികൾ ഒഴുകിയെത്തി.കലോത്സവ കൺവീനർമാരായ ഷിബുലാൽ,അൻഷാദ് പി.എന്നിവർ പരിപാടികൾക്ക് നേത്രുത്വം നൽകി.ഒന്നാംസ്ഥാനം കരസ്ഥമാക്കിയവർക്ക് സബ്ജില്ലാ ക്വിസ്മത്സരങ്ങളിൽ പങ്കെടുക്കാൻ അവസരം ലഭിക്കുന്നതായിരിക്കും

ജൂലൈ 21 ചാന്ദ്രദിനം

വീഡിയോ പ്രദർശനം നടത്തി

ഇരിമ്പിളിയം എം.ഇ.എസ് ഹയർ സെക്കൻ്റിസ്കൂളിലെ സയൻസ്ക്ലബിൻ്റെ നേതൃത്വത്തിൽ ജൂലൈ 21 ചാന്ദ്രദിനത്തിൽ സയൻസ്ക്ലബ് അംഗങ്ങൾക്ക് ശാസ്ത്രലോകം ഇതുവരെ നടത്തിയ ചന്ദ്രദൗത്യങ്ങളുടെ അപൂർവ്വ കാഴ്ചകളും വരും നാളുകളിലെ ചന്ദ്രദൗത്യ പദ്ധതികളും ഉൾപ്പെടുത്തി വീഡിയോ പ്രദർശനം നടത്തി.സയൻസ് അധ്യാപകനായ നിഹാൽ മൊയ്തീൻ ചാന്ദ്രദിനത്തിൻ്റെ പ്രാധാന്യത്തെക്കുറിച്ചും ഭാവിയിലെ ഇന്ത്യയുടെ ചാന്ദ്രദൗത്യത്തെകുറിച്ചും ക്ലാസെടുത്തു.വിദ്യാർത്ഥികൾക്കായി ക്വിസ്മത്സരവും ലെറ്റർ ടു മൂൺ എന്ന മത്സരവും നടത്തി.സയൻസ് അധ്യാപകരായ ഫഹ്മിദ ,അനീഷ് എസ് ,തസ്നീംകെ.പി, സുഷമ വി.കെ,ശ്രീജ കെ.എം,ഫൈസൽ കെ.ടി ഷമീന ,ഹഫ്സത്ത് ഇ.വി,ഖദീജനർഷിഎന്നിവർ പരിപാടിക്ക് നേത്രുത്വം നൽകി.

സമഗ്ര പ്ലസ് പോർട്ടൽ പരിശീലനം

പൊതു വിദ്യാഭ്യാസ വകുപ്പിൻ്റെ നിർദ്ദേശപ്രകാരം ഇരിമ്പിളിയം ഹയർ സെക്കൻഡറി സ്കൂളിലെ എല്ലാ അദ്ധ്യാപകർക്കും സമഗ്ര പ്ലസ് പോർട്ടലിലെ ഡിജിറ്റൽ ഉള്ളടക്കങ്ങളെക്കുറിച്ചുള്ള പരിശീലനം 2025 ജൂലൈ പതിനാറാം തീയതി ബുധനാഴ്ച സ്കൂൾ ഐടി ലാബിൽ വിജയകരമായി പൂർത്തിയാക്കി. സ്കൂളിലെ എസ് ഐ ടി സി ഫൈസൽ കെ.ടി ,ജോയൻ്റ് എസ്. ഐ. ടി സി സുരാജ് ,എസ് ആർ ജി കൺവീനർ റംസി,അധ്യാപകനായ അനീഷ് എസ് എന്നിവർ പരിശീലനത്തിന് നേതൃത്വം നൽകി. എല്ലാ വിഷയങ്ങളുടെയും പഠന ലക്ഷ്യങ്ങൾക്ക് അനുസൃതമായി കൈറ്റ് രൂപകൽപ്പന ചെയ്ത നൂതന ഡിജിറ്റൽ മൾട്ടിമീഡിയ സംവിധാനമാണ് സമഗ്ര ലേണിംഗ് റൂം..പരിശീലനത്തിൽ, സമഗ്ര പ്ലസ് പോർട്ടലിലെ വിവിധ വിഭാഗങ്ങളെ ക്കുറിച്ച് അധ്യാപകർക്ക് വിശദമായ അവബോധം നൽകി. ഇതിൽ ടെക്സ്റ്റ് ബുക്ക്, ലേണിംഗ് റൂം, പോഡ്‌കാസ്റ്റ്, ക്വസ്റ്റ്യൻ ബാങ്ക്, മോഡൽ ക്വസ്റ്റ്യൻ പേപ്പർ എന്നിവ ഉൾപ്പെടുന്നു. ഈ വെബ്സൈറ്റ് പഠന പ്രക്രിയകളെ എങ്ങനെ കൂടുതൽ മെച്ച പ്പെടുത്താൻ സഹായിക്കുമെന്ന് അധ്യാപകരെ പരിശീലിപ്പിച്ചു.കൂടാതെ,സമഗ്ര പ്ലസ് പോർട്ടലിലൂടെ ടീച്ചിംഗ് മാനുവലുകൾഅയക്കുന് നരീതിയെകുറിച്ച് വിശദമായ ക്ലാസുകൾ നൽകി.ഓഫ് ലൈനിൽ ഉപയോഗിക്കാനായി പഠന ആവശ്യകതകൾക്കുള്ള വിഭവങ്ങൾ ഡൗൺലോഡ് ചെയ്യുന്ന വിധം, ടീച്ചിംഗ് മാനുവലുകൾ വിവിധ ക്ലാസുകളിലേക്ക് എഡിറ്റ് ചെയ്ത് അപ് ലോഡ് ചെയ്യുന്ന രീതി, അവ ഡൗൺലോഡ് ചെയ്ത് ഓഫ്ലൈനായി ഉപയോഗിക്കുന്ന രീതി എന്നിവയും അദ്ധ്യാപകരെ പരിശീലിപ്പിച്ചു. ഈ പരിശീലനം അദ്ധ്യാപകർക്ക് അവരുടെ ദൈനദിന അദ്ധ്യാപന പ്രവർത്തനങ്ങൾക്ക് വളരെ പ്രയോജനകരമായി

ജൂലൈ 11 ലോക ജനസംഖ്യാദിനം

ഫ്ലാഷ് മോബ് സംഘടിപിച്ചു.

ലോകജനസംഖ്യാവളർച്ചയുടെ വെല്ലുവിളികളെ കുറിച്ചും അവസരങ്ങളെ കുറിച്ചും വിദ്യാർത്ഥികളിൽ അവബോധം നൽകുക എന്ന ലക്ഷ്യത്തോടെ ഇരിമ്പിളിയം എം.ഇ.എസ് ഹയർ സെക്കൻ്ററി സ്ക്കൂളിലെ സാമൂഹൃശാസ്ത്രക്ലബിൻ്റെ നേതൃത്വത്തിൽ ജൂലൈ 11 ന് ലോകജനസംഖ്യാദിനം ആചരച്ചു.ദിനാചരണത്തിൻ്റെ ഭാഗമായി ഫ്ലാഷ് മോബും ലോക ജനസംഖ്യ കൂടുന്നത് ഗുണമോ ദോഷമോ? എന്ന വിഷയത്തിൽ സംവാധവും സംഘടിപ്പിച്ചു .വിദ്യാർത്ഥികൾക്കായി പ്ലകാർഡ് മത്സരം നടത്തി.സാമൂഹ്യ ശാസ്ത്ര അധ്യാപകരായ ഷമ്മാ ഷാഫി,അബ്ദുൽ ഷമീർ,അൻവർ സി.എം. എന്നിവർ പരിപാടികൾക്ക് നോതൃത്വം നൽകി.

വായന ലഹരിയാക്കാൻ റീഡിംഗ് തീയേറ്റർ

ഇരിമ്പിളിയം എം.ഇ.എസ് ഹയർസെക്കൻ്റി സ്ക്കൂളിലെ സ്ക്കൂൾ ലൈബ്രറി കൗൺസിൽ '63 ലൈബറി 2000ത്തിൽ പരം പുസ്തകങ്ങൾ 2800 വിയനക്കാർ' എന്ന സന്ദേശവുമായി ജൂലൈ 11 ന് മെഗാലൈബ്രറി -റീഡിംഗ് തിയേറ്ററിന് തുടക്കം കുറിച്ചു.പരിപാടിയുടെ ഉദ്ഘാടനം സ്ക്കൂൾ ഹെഡ്മാസ്റ്റർ അഷ്റഫലി കെ നിർവ്വഹിച്ചു.ഉദ്ഘാടനത്തോടന്നു ബന്ധിച്ച് ക്ലസ്റൂം റീഡിംഗ് തിയേറ്റർ ഉദ്ഘടന റീൽസ് മത്സരം സംഘടിപ്പിച്ചു.തുടർന്ന് നല്ല വായനാക്കുറിപ്പ്മത്സരം ,ക്വിസ് മത്സരം എന്നിവ നടത്തും.സ്ക്കൂൾ ലൈബറി കൗൺസിൽ ചുമതലയുളള അധ്യാപകരായ മനു മാത്യൂ ,അനിത.സി,നസീബ .പി.കെ,അബ്ദുൽ ഷമീർ എന്നിവർ പരിപാടിക്ക് നേതൃത്വം നൽകി.

ജൂലൈ - 4 മേരിക്യൂറിദിനം

ദിനാചരണം നടത്തി

ഇരിമ്പിളിയം എം.ഇ.എസ് ഹയർ സെക്കൻ്ററി സ്ക്കൂളിൽ സയൻസ് ക്ലബിൻ്റെ ആഭിമുഖ്യത്തിൽ മേരിക്യൂറിദിനാചരണം നടത്തി.ദിനാചരണത്തോടനുബന്ധിച്ച് സ്ക്കൂൾ സയൻസ് കോർണറിൽ മേരി ക്യൂറിയുടെ ഫോട്ടോയും ജീവചരിത്രവും പതിച്ചു..വിദ്യാർത്ഥികൾക്ക് മേരിക്ക്യൂറിയെ അടുത്തറിയാൻ വേണ്ടി ക്ലാസ്തല കൊളാഷ് നിർമ്മാണ മത്സരം നടത്തി.എട്ടാ ക്ലാസിൽ നിന്ന് 8 I ഉം ഒമ്പതാം ക്ലാസിൽ നിന്ന് 9U ക്ലാസും ഒന്നാംസ്ഥാനം കരസ്ഥമാക്കി സയൻസ് അധ്യാപകരായ ഫഹ്മിദടി.കെ ,സുഷമ വി.കെ,നിഷ ടി,ശ്രീജ കെ.എം,നിഹാൽമൊയ്തീൻ,തസ്‌നി കെ.പി എന്നിവർ നേതുത്വം നൽകി.

STELLARIS 25

സഹവാസ ക്യാമ്പ് സംഘടിപ്പിച്ചു.

ഇരിമ്പിളിയം എം.ഇ.എസ് ഹയർസെക്കൻ്ററിസ്ക്കൂളിൽ പത്താം ക്ലാസിലെ എ പ്ലസ് വിദ്യാർത്ഥികൾക്കായി STELLARIS -25 സഹവാസ ക്യാമ്പ് സംഘടിപ്പിച്ചു.ജൂലൈ 4 ന് വൈകുന്നേരം തുടങ്ങിയ ഏകദിന സഹവാസ ക്യാമ്പ് ജൂലൈ 5 ന് രാവിലെ അവസാനിച്ചു.143 വിദ്യാർത്ഥികൾ പങ്കെടുത്ത ക്യാമ്പ് സ്ക്കൂൾ മാനേജ്മെൻ്റ് സെക്രട്ടറി ശ്രീ മുസ്തഫ കമാൽ ഉദ്ഘാടനം ചെയ്തു.പി.ടി.എ പ്രസിഡൻ്റ് ശ്രീ സുരേഷ് മലയത്ത് അധ്യക്ഷത വഹിച്ചു.കമ്മിറ്റി കൺവീനർവി.കെ സുഷമ സ്വാഗതം ആശംസിച്ച ചടങ്ങിൽ പ്രിൻസിപ്പൾ നജ്മുദ്ധീൻകെ.കെ,ഹെഡ്മാസ്റ്റർ അഷ്റഫലി കെ എന്നിവർ മുഖ്യപ്രഭാഷണം നടത്തി.സ്റ്റാഫ് സെക്രട്ടറി അജിത്ത്.ഇ,എസ്.ആർ.ജി കൺവീനർ റംസി എന്നിവർ ആശംസകൾ അറിയിച്ചു.ഡെപ്യൂട്ടി ഹെഡ്മിസ്ട്രസ് ഷമീമ.പി.ടി നന്ദി പറഞ്ഞു.തുടർന്ന് അധ്യാപകൻ അനീഷ് എസ് പുതിയ പാഠ്യ പദ്ധതി പരിഷ്ക്കരണങ്ങളുടെ വിശദീകരണവും സമഗ്രപോർട്ടൽ പരിചയപ്പെടുത്തലും നടത്തി. മിഷൻ പോസിബിൾ -ചെയ്സ് യുവർ ഡ്രിംസ് എന്ന മോട്ടിവേഷൻ സെഷൻ മോട്ടിവേഷൻ ട്രെയിനർമാരായ ശ്രീ റിയാസ് കാപ്പിൽ ശ്രീ ജലീൽ ആമയൂർ എന്നിവർ നയിച്ചു.വിദ്യാർത്ഥികളിൽ ബുദ്ധിപരവും മാനസികവുമായ മാറ്റങ്ങളുണ്ടാക്കാൻ ക്യാമ്പിന് കഴിഞ്ഞു.സ്കൗട്ട് ക്യാപ്റ്റൻ അമീൻ പി.ജെ യുടെ നേതൃത്വത്തിൽ നടത്തിയ ക്യാമ്പ് ഫയറിൽ കുട്ടികൾ ഉത്സാഹത്തോടെ പങ്കെടുത്തു. രാവിലെ അധ്യാപകനായ കെ.സുരേഷ് നയിച്ച യോഗ ക്ലാസിന് ശേഷം ക്യാമ്പ് അവസാനിച്ചു.

ഉദ്ഘാടനം
സമഗ്ര പോർട്ടൽ പരിചയപ്പെടുത്തൽ
മോട്ടിവേഷൻ ക്ലാസ്
മോട്ടിവേഷൻ ക്ലാസ്
മോട്ടിവേഷൻ ക്ലാസ്
ക്യാമ്പ്ഫെയർ
യോഗപരിശീലനം

ജൂലൈ 4 ജാക്ക് ഫ്രൂട്ട് ഡേ

ചക്ക പായസം വിതരണം ചെയ്തു.

ജൂലൈ 4 വേൾഡ് ജാക്ക് ഫ്രൂട്ട് ഡേയുമായി ബന്ധപ്പെട്ട് ഇരിമ്പിളിയം എംഇഎസ് ഹയർ സെക്കൻഡറി സ്കൂൾ ഉച്ചഭക്ഷണ കമ്മിറ്റി വിദ്യാർത്ഥികൾക്കായി ചക്ക പായസം വിതരണം ചെയ്തു പ്രാദേശികമായി സുലഭമായ ചക്കയുടെ പോഷണ മൂല്യങ്ങളെപ്പറ്റി വിദ്യാർത്ഥികൾക്ക് ബോധവൽക്കരണം നടത്തി സ്കൂളിലെ കണക്ക് അധ്യാപകൻ സതീഷ് .ഇ. ചന്ദർ പായസത്തിന് ആവശ്യമായ ചക്കകൾ സ്കൂളിന് ലഭ്യമാക്കി. ഹെഡ്മാസ്റ്റർ അഷ്റഫലി കെ, ഉച്ചഭക്ഷണ സമിതി അംഗങ്ങളായ അക്ബർ റഫീക്ക് ,ഷമീർ,ദിൽഷാദ് തുടങ്ങിയവർ നേതൃത്വം നൽകി

പുസ്തക പ്രദർശനവും വിൽപ്പനയും സംഘടിപ്പിച്ചു

ഇരിമ്പിളിയം:വിദ്യാർത്ഥികൾക്ക് ഇഷ്ടമുള്ള പുസ്തകങ്ങൾ സ്വന്തമാക്കാനും വായനാശീലം പ്രോത്സാഹിപ്പിക്കാനും വേണ്ടി ഇരിമ്പിളിയം എം.ഇ.എസ് ഹയർ സെക്കൻ്ററി സ്ക്കൂളിലെ വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ പുസ്തക പ്രദർശനവും വിൽപ്പനയും സംഘടിപ്പിച്ചു.പുസ്തകമേള പി.ടി.എ പ്രസിഡൻ്റ് സുരേഷ് മലയത്ത് ഉദ്ഘാടനം ചെയ്തു.പ്രിൻസിപ്പിൾ നജ്മുദ്ധീൻ .കെ.കെ അധ്യക്ഷനായ ചടങ്ങിൽ ഹെഡ്മാസ്റ്റർ അഷ്റഫലി കെ മുഖ്യ പ്രഭാഷണം നടത്തി.എം.പി.ടി.എ പ്രസിഡൻ്റ് സമീഹ അലി ,ഡെപ്യൂട്ടി ഹെഡ് മിസ്ട്രസ് ഷമീമ പിടി,സ്റ്റാഫ് സെക്രട്ടറി അജിത്ത് ഇ, എസ്. ആർ ജി. കൺവീനർ റംസി ,മലയാളം അധ്യാപകരായ ഷിബ എം,മനുമാത്യൂ,അനിത.സി,ദേവി,നവാസ്,അനീഷ,സബീന എന്നിവർ ആശംസകൾ അറിയിച്ചു..വിദ്യാരംഗം കൺവീനർ അനൂപ് എൻ.എം ചടങ്ങിന് നന്ദി പറഞ്ഞു

ക്ലബുകൾ രൂപീകരിച്ചു

എം. ഇ. എസ് ഹയർസെക്കൻ്ററിയിലെ എല്ലാ ക്ലബുകളുടെയും രൂപീകരണം ജൂൺ 30 തിങ്കളാഴ്ച ഉച്ചക്ക് 2.30 സ്ക്കൂളിൽ വെച്ച് നടന്നു.ഒരേ സമയം നടന്ന ക്ലബ് രൂപീകരണ ത്തിലൂടെ സ്ക്കൂളിലെ മുഴുവൻ കുട്ടികളെയും ഏതെങ്കിലും ഒരു ക്ലബിൽ അംഗമാക്കി.എല്ലാ ക്ലബുകളും ക്ലബ് സെക്രട്ടറി,ജോയൻ സെക്രട്ടറി യെയും തിരഞ്ഞെടുത്തു.അധ്യാപകരായ ക്ലബ് കൺവീനർമാർ ഈ വർഷത്തെ ക്ലബ് പ്രവർത്തനങ്ങൾ വിശദീകരിച്ചു.

ലഹരിക്കെതിരെ

ജൂൺ 26-ലോക ലഹരി വിരുദ്ധ ദിനം

ഇരിമ്പിളിയം എം.ഇ.എസ് ഹയർസെക്കൻ്ററി സ്ക്കൂളിൽ ലോക ലഹരിവിരുദ്ധദിനം ആചരിച്ചു.പരിപാടികളുടെ ഉദ്ഘാടനം എക്സൈസ് ഓഫീസർ അഖിൽ പി.എം. നിർവഹിച്ചു.ഹെഡ്മാസ്റ്റർ അഷ്റഫലി കാളിയത്ത് ലഹരി വിരുദ്ധ സന്ദേശം കുട്ടികൾക്ക് നൽകി.സ്ക്കൂൾ സ്കൗട്ട് & ഗൈഡും ,ജൂനിയർ റെഡ്ക്രോസും ചേർന്ന് ലഹരിവിരുദ്ധ ഫ്ലാഷ് മോബും, സൂംബ ഡാൻസ്,ലിറ്റിൽകൈറ്റ്സിൻ്റെ നേത്രുത്വത്തിൽ ഡിജിറ്റൽ പോസ്റ്റർനിർമ്മാണ മത്സരം എന്നീ വിവിധ പരിപാടികൾ സംഘടിപ്പിച്ചു.അധ്യാപകരായ അമീൻ,നവാസ്,അൻഷാദ്,റോഷൻ,മുനീർ,തുളസി,ഷമ്മ ശാഫി,എഫ്സ എന്നിവർ പരിപാടികൾക്ക് നേത്രുത്വം നൽകി.

DIGITAL POSTER
DIGITAL POSTER
DIGITAL POSTER
ZUMBA
ZUMBA
FLASHMOB
FLASHMOB

അഭിരുചി പരീക്ഷ-2025

ഇരിമ്പിളിയം എം ഇ.എസ് ഹയർ സെക്കൻഡറി സ്കൂളിലെ 2025- 28 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷ 2025 ജൂൺ 25 ബുധനാഴ്ച സ്കൂൾ ഐടി ലാബിൽ നടന്നു. 204 വിദ്യാർത്ഥികൾ അഭിരുചി പരീക്ഷയ്ക്ക് രജിസ്റ്റർ ചെയ്തു. 197 കുട്ടികൾ പരീക്ഷ അറ്റൻഡ് ചെയ്തു. വിദ്യാർത്ഥികൾക്കുള്ള പരിശീലന ക്ലാസ് മറ്റ് ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി. കമ്പ്യൂട്ടറിൽ പ്രത്യേകം തയ്യാറാക്കിയ സോഫ്റ്റ് വെയറിലാണ് പരീക്ഷ നടത്തിയത്. 30 മിനിറ്റ് ദൈർഘ്യമുള്ള 20 ചോദ്യങ്ങൾ ആയിരുന്നു പരീക്ഷയിൽ ഉണ്ടായിരുന്നത്. ലോജിക് ആൻഡ് റീസണിങ്, പ്രോഗ്രാമിംഗ് വിഭാഗം,5,6,7 ഐ.സി.ടി പാഠപുസ്തകങ്ങൾ അടിസ്ഥാനമാക്കിയുള്ള ചോദ്യങ്ങൾ, ഐടി പൊതുവിജ്ഞാനം ഇവയുമായി ബന്ധപ്പെട്ട ചോദ്യങ്ങളാണ് അഭിരുചി പരീക്ഷയ്ക്ക് വന്നത്. 22 കമ്പ്യൂട്ടറുകളിലാണ് പരീക്ഷ ഇൻസ്റ്റാൾ ചെയ്തത്. ഒമ്പത് ബാച്ചുകളായി പരീക്ഷ നടത്തി. പരീക്ഷയിൽ ഉടനീളം കൈറ്റ് മെൻഡേഴ്സ് ആയ മുഹമ്മദ് മുനീർ , ഹഫ്സമോൾ ,അഹ്സൻ വസീം,എസ് .ഐ.ടി.സി ഫൈസൽ , എന്നിവർ നോതുത്വം നൽകി.

അഭിരുചി പരീക്ഷ

യോഗാദിനം

ജൂൺ 21 അന്താരാഷ്ട്ര യോഗദിനത്തിൻ്റെഭാഗമായിഎം. ഇ. എസ് ഹയർസെക്കൻ്ററി സ്ക്കൂളിലെ ഭാരത് സ്കൗട്ട്&ഗൈഡ്യൂണിറ്റ് യോഗപരിശീലനം സംഘടിപ്പിച്ചു.സ്ക്കൂളിൽവെച്ച് നടന്നപരിപാടിയുടെഉദ്ഘാടനം സ്ക്കൂൾ ഹെഡ്മാസ്റ്റർ അഷ്റഫലി കാളിയത്ത്നിർവ്വഹിച്ചു.യോഗപരിശീലനത്തിന് സ്ക്കൂൾ ഹിന്ദി അധ്യാപകനായേ സുരേഷ് നേത്രുത്വം നൽകി.സ്കൗട്ടിംഗ്&ഗൈഡ് വിഷയത്തിൽ പൂർവ്വവിദ്യാർത്ഥിനി പി.ജെ ഹനീന ക്ലാസെടുത്തു.പ്ലാസ്റ്റിക്ക് ഫ്രീ ക്യാമ്പസിൻ്റെ ഭാഗമായി ശുചീകരണ പ്രവർത്തനങ്ങളും നടത്തി.തിരൂർ വിദ്യാഭ്യാസസകൗട്ട് സെക്രട്ടറിയും സ്ക്കൂൾസകൗട്ട്യൂണിറ്റ്അധ്യാപകനുമായ പി.ജെ അമീൻ ,ഗൈഡ് ടീച്ചറായ സഫ്നയും പരിപാടികൾക്ക് നോതുത്വംനൽകി.

NMMS-രക്ഷിതാക്കളുടെ യോഗംചേർന്നു.

ജൂൺ 19 വ്യാഴാഴ്ച NMMS screening test ൽ വിജയികളായ കുട്ടികളുടെ രക്ഷിതാക്കളുടെ യോഗം ചേർന്നു.ENSKOOL പ്രതിനിധി ജിഷ്ണു രക്ഷിതാക്കൾക്ക് ക്ലാസുകൾ നൽകി. 197 രക്ഷിതാക്കൾപങ്കെടുത്ത യോഗത്തിൽ കഴിഞ്ഞ വർഷത്തെ NMMS നേടിയ കുട്ടികളെ PTA അനുമോദിച്ചു.യോഗത്തിൽ പ്രിൻസിപ്പാൾ നജ്മുദ്ധീൻ ,ഹെഡ്മാസ്റ്റർ അഷ്റഫിലി,പി.ടി.എപ്രിസിഡൻ്റ് സുരേഷ് മലയത്ത് NMMS കൺവീനർ നസീബ കഴിഞ്ഞവർഷത്തത്തെയും ഈ വർഷത്തെയും NMMS കമ്മറ്റി അംഗങ്ങളായ അധ്യാപകരും പങ്കെടുത്തു.

ജൂൺ 19-വായനദിനം

വായിച്ച് വളരുക

വായിച്ച് വളരുക എന്ന സന്ദേശം നൽകി ഇരിമ്പിളിയം എം.ഇ.എസ് ഹയർസെക്കൻ്റി സ്ക്കൂളിൽ വായനാദിന പരിപാടികൾക്ക് തുടക്കമായി.വിദ്യാരംഗം ഇംഗ്ലീഷ്,അറബി,ഉർദു, ഹിന്ദി എന്നീ ക്ലബുകളുടെ നേതുത്വത്തിൽ വായനാമത്സരം,മെഗാ ക്വിസ്,ഭാവാത്മക വായനാമത്സരം,ഭാവാഭിനയമത്സരം ,പുസ്തക പരിചയം,ക്രിയേറ്റ്ബുക്ക് മാർക്ക്,പദ്യം ചൊല്ലൽ,കാലിഗ്രഫി തുടങ്ങിയ വിവിധ പരിപാടികൾ നടത്തി. പരിപാടികളിൽ കുട്ടികളുടെ പങ്കാളിത്തം ആവേശമായി.

സുകൃതം വായനമൂല ഉൽഘാടനം ചെയ്തു.

വായന പ്രോൽസാഹിപ്പിക്കുന്നതിനായി ഇരിമ്പിളിയം എം.ഇ.എസ് ഹയർ സെക്കൻ്റി സ്ക്കൂളിൽ വിദ്യാരംഗം കലാ സാഹിത്യ വേദി ആരംഭിച്ച സുകൃതം വായനമൂല ഹെഡ്മാസ്റ്റർ അഷ്‌റഫലി കെ ഉദ്ഘാടനം ചെയ്തു.വിദ്യാരംഗം കൺവീനർ അനൂപ് .പി.എം വായനയുടെ സാധ്യതകൾ കുട്ടികളുമായി പങ്ക് വെച്ചു. സ്‌റ്റാഫ് സെക്രട്ടറി അജിത്ത് ആശംസകൾ അറിയിച്ചു.അധ്യാപകരായ ഷീബ,അനിത,ദേവി,നവാസ്,അനീഷ ,സബീന എന്നിവർ പ്രസംഗിച്ചു.

പരിസ്ഥിതി ദിനം

പരിസ്ഥിതി ദിനാചരണത്തിന്റെ ഭാഗമായി ഇരിമ്പിളിയം എം ഇ എസ് ഹൈസ്കൂളിൽ വിപുലമായ പരിപാടികൾ സംഘടിപ്പിച്ചു. ഇതൊടാനുബന്ധിച്ചു 8ആം ക്ലാസ്സ്‌ വിദ്യാർത്ഥികൾക്കായി നടത്തിയ സൗഹൃദ മരത്തൈ കൈമാറ്റം ഹെഡ് മാസ്റ്റർ അഷ്‌റഫലി കാളിയത്ത് ഉൽഘാടനം ചെയ്തു. സ്കൂൾ ഹരിത വൽക്കരണത്തിന്റെ ഭാഗമായി പരിസ്ഥിതി ക്ലബ്‌ അംഗങ്ങളും സ്കൗട്ട് ആൻഡ്‌ ഗൈഡ്സ് വിദ്യാർത്ഥികളും ചേർന്ന് ഫല വൃക്ഷ ത്തൈകൾ വച്ചു പിടിപ്പിച്ചു.ചടങ്ങിന് അമീൻ സർ, ദേവി ടീച്ചർ, റഹീന ടീച്ചർ, ഷീബ ടീച്ചർ, ഫഹ്‌മിദ ടീച്ചർ, നിഹാൽ സർ തുടങ്ങിയവർ നേതൃത്വം നൽകി.

ഉദ്ഘാടനം

സർഗ്ഗവേദി ക്ലബ് ഉദ്ഘാടനംചെയ്തു

ഇരിമ്പിളിയം എം.ഇ.എസ് വയർ സെക്കൻ്ററി സ്ക്കൂളിൽ 2025-26 ബക്രീദ് ആഘോഷത്തിന് തുടക്കം കുറിച്ച് കൊണ്ട് സർഗ്ഗവേദി ക്ലബിൻ്റെ ഉദ്ഘാടനം സർഗ്ഗവേദി ക്ലബ് കൺവീനർ അൻവർ സി.എം.നിർവ്വഹിച്ചു.ഉദ്ഘാടനത്തിനോടനുബന്ധിച്ച് വിദ്യാർത്ഥികൾക്ക് മാപ്പിളപ്പാട്ടു മത്സരവും നൃത്തമത്സരവും നടന്നു.അധ്യാപകരായ അൻഷാദ്,ഷമ്മ,ഷഫ്‌ന തുടങ്ങിയവർ പരിപാടിക്ക് നേത്രുത്വം നൽകി.

പെരുന്നാൾ ഫെസ്റ്റ് -2025

ബക്രീദിനോടനുബന്ധിച്ച് ജൂൺ 5 വെള്ളിയാഴ്ച 8, 9, 10 ക്ലാസുകളിലെ കുട്ടികൾക്കായി പെരുന്നാൾ ഫെസ്റ്റ് സംഘടിപ്പിച്ചു . കുട്ടികൾക്കായി മെഹന്തിമത്സരം, പെരുന്നാൾ സന്ദേശം , ഗ്രീറ്റിംഗ് കാർഡ് നിർമ്മാണം എന്നിങ്ങനെ വിവിധ തരം മത്സരങ്ങളൾ നടത്തി. അതിനോടൊപ്പം തന്നെ രക്ഷിതാക്കൾക്കുള്ള മെഹന്തി മത്സരവും സംഘടിപ്പിച്ചു. അധ്യാപകരായ മനു മാത്യു , പ്രേകുമാർ ഷഫ്‌ന , ബാസിം എന്നിവർ പരിപാടിക്ക് നേതൃത്വം നൽകി. മത്സരത്തിന് ശേഷം വിജയികൾക്കുള്ള സമ്മാനങ്ങളും നൽകി.

പ്രവേശനോത്സവം

ഇരിമ്പിളിയം എം ഇ എസ് ഹയർ സെക്കൻഡറി സ്‌കൂളിൽ സംഘടിപ്പിച്ച പ്രവേശനോത്സവം സ്ക്കൂൾചെയർമാൻ ശ്രീഉബൈദുല്ല ഉദ്ഘാടനം ചെയ്തു .പി ടി എ പ്രസിഡന്റ് സുരേഷ് മലയത്ത് , പ്രിസിപ്പൽ കെ കെ നജ്മുദ്ദീൻ , ഹെഡ്മാസ്റ്റർ യാസർ , ഡെപ്യൂട്ടി ഹെഡ്മിസ്ട്രസ് ഷമീമ ,സ്റ്റാഫ് സെക്രട്ടറി അജിത്ത്, എസ് ആർ ജി റംസി എന്നിവർ സംസാരിച്ചു . അധ്യാപകരായ , അൻവർ , അൻഷാദ് , ഷിബുലാൽ ,അമീൻ , നജ്മുദ്ധീൻ,ഫൈസൽ ,റഫീഖ് ,മൻസൂർ ,ദിലീപ് ,ഹമീദ് ,ഷിബിലി എന്നിവർ നേത്രുത്വം നൽകി

ഉദ്ഘാടനം

പ്രവേശനോത്സവ ഒരുക്കങ്ങൾ

സ്ക്കൂൾ സകൗട്ട്& ഗൈഡിൻ്റെ നേതൃത്വത്തിൽ 2025 ജൂൺ ഒന്നിന് പ്രവേശനോത്സവ ഒരുക്കങ്ങൾ നടന്നു.

സ്ക്കൂൾതല ക്യാമ്പ് 2025 ആദ്യഘട്ടം

ഇരിമ്പിളിയം എം.ഇ.എസ് ഹയർസെക്കൻ്ററിസ്കൂളിലെ ലിറ്റിൽകൈറ്റ്സ് 2024-27 ബാച്ചിൻ്റെ ആദ്യഘട്ട സ്ക്കൂൾ ക്യാമ്പ് 2025 മെയ് 31 സംഘടിപ്പിച്ചു.40കുട്ടികൾ പങ്കെടുത്തു.ഏകദിന ക്യാമ്പിൽ ക്യാമറയിലും മൊബൈൽ ഫോണിലും വീഡിയോകൾ എടുക്കുന്നതിനും റീൽസ്,ഷോട്ട് വീഡിയോ,പ്രമോവീഡിയോ എന്നിവ യുടെ നിർമ്മാണത്തിനായി എഡിറ്റിങ്ങ് സോഫ്റ്റ് വെയറായ കേഡൻ ലൈവ് എങ്ങനെ ഉപയോഗിക്കണം എന്നുള്ള പരിശീലനവും കുട്ടികൾക്ക് നൽകി.ഹെഡ്മാസ്റ്റർ യാസിർ സാർ ക്യാമ്പിൻ്റെ ഉദ്ഘാടനം നിർവഹിച്ചു. എസ്.ഐ.ടി.സി ഫൈസൽ സാർ ,നജ്മുദ്ധീൻസാർ എന്നിവർ ആശംസകൾ അറിയിച്ചു. മറാക്കര വി.വി.എം ഹയർസെക്കൻ്ററി സ്ക്കൂളിലെ ലിറ്റിൽ കൈറ്റ് മാസ്റ്റർ നജീബ് സാർ ക്ലാസെടുത്തു.ക്യാമ്പിൽ ഇരിമ്പിളിയം എം.ഇ.എസ് ഹയർസെക്കൻ്ററി സ്കൂളിലെ ലിറ്റിൽ കൈറ്റ്മാസ്റ്റർ മുഹമ്മദ്മുനീർ ലിറ്റിൽ കൈറ്റ് മിസ്ട്രസ് ഹഫ്സ എന്നിവർ നോതുത്വം നൽകി.ലിറ്റിൽ കൈറ്റ് അംഗം ജുമാന സ്വാഗതാവും ആര്യനന്ദ് ജോതിഷ് നന്ദിയും പറഞ്ഞു.

സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്
സ്ക്കൂൾക്യാമ്പ്

വിജയോത്സവം 2025

ഉൽഘാടനം

ഇരിമ്പിളിയം എം ഇ എസ് ഹയർ സെക്കൻഡറി സ്കൂളിൽ എസ്എസ്എൽസി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർഥികളെ ആദരിക്കുന്നതിനായി വിജയോത്സവം സംഘടിപ്പിച്ചു.എംഇഎസ് സ്കൂൾസ് സ്റ്റാൻഡിങ് കമ്മിറ്റി ചെയർമാൻ വി യു ഹംസക്കോയ ഉദ്ഘാടനം ചെയ്തു.സ്കൂൾ മാനേജ്മെന്റ് കമ്മിറ്റി ചെയർമാൻ ഇ പി ഉബൈദുള്ള അധ്യക്ഷം വഹിച്ചു. വളാഞ്ചേരി സ്റ്റേഷൻ ഇൻ ചാർജ് സന്തോഷ് കുമാർ മുഖ്യാതിഥിയായി പങ്കെടുത്തു ചടങ്ങിൽ പ്ലസ് ടു പരീക്ഷയിൽ മുഴുവൻ മാർക്കും നേടിയ മുഹമ്മദ് ജസീലിന് മെമെന്റോയും ക്യാഷ് അവാർഡും നൽകി അനുമോദിച്ചു.വിവിധ വിഭാഗങ്ങളിലായി എസ്എസ്എൽസി പരീക്ഷയിൽ 69 സമ്പൂർണ്ണ എ പ്ലസ് നേടിയവരെയും, 439 എ പ്ലസ്കാരെയും, ഹയർ സെക്കൻഡറി വിഭാഗത്തിൽ 55 സമ്പൂർണ്ണ എ പ്ലസ് കാരെയും, 375 എ പ്ലസ്കാരെയും, പ്ലസ് വൺ പരീക്ഷയിൽ മികച്ച വിജയം നേടിയ ഏഴ് പേരെയും ആദരിക്കുകയുണ്ടായി. പ്രിൻസിപ്പൽ കെ കെനജ്മുദ്ദീൻ സ്വാഗതം പറഞ്ഞ ചടങ്ങിൽ പിടിഎ പ്രസിഡണ്ട് സുരേഷ് മലയത്ത് മുഖ്യപ്രഭാഷണം നടത്തി. എം ഇ എസ് സ്റ്റേറ്റ് കമ്മറ്റി അംഗം അബ്ദുലത്തീഫ്,കൊടുങ്ങല്ലൂർ സ്കൂൾ സെക്രട്ടറി ഇബ്രാഹിം, പൊന്നാനി സ്കൂൾ സെക്രട്ടറി അബ്ദുറഹ്മാൻ മാസ്റ്റർ, എസ്എംസി ട്രഷറർ ഷാജു നജീബ്,എം പി ടി എ പ്രസിഡണ്ട് സമീഹഅലി, മാനേജ്മെന്റ് കമ്മിറ്റി അംഗങ്ങളായ ടി പി മുസവിർ, ഡോ. ഷാജിത, നൗഷാദ്,പിടിഎ പ്രതിനിധികളായ മുഹമ്മദാലി, ഹഫ്സത്ത്ബീവി എന്നിവർ വിജയികളെ ആദരിച്ചു.സ്റ്റാഫ് സെക്രട്ടറിമാരായ ഷറഫുദ്ദീൻ, സുഷമ, അക്കാദമിക് കോഡിനേറ്റർ സെയ്ദലവി എന്നിവർ ആശംസകൾ അർപ്പിച്ചു ഹെഡ്മാസ്റ്റർ കെ യാസിർ നന്ദി പ്രകാശനം നടത്തി ചടങ്ങിന് അജിത്ത്, ഷാഹിന, അക്ബർ, മുഹമ്മദാലി, ഇസ്ഹാഖ്,അനീഷ്, ശ്രീജിത്ത്‌, സമീർ, അൻഷാദ്,സുബൈർ,മുഷറഫ്,സൈനുദ്ദീൻ,റസിയ, അബ്ദുള്ള,റഫീഖ്, ഷിബുലാൽ, പ്രേകുമാർ, നിഹാൽ, ദേവി, മുനീർ, അൻവർ, റംഷി, ഷിബിലി, സന്തോഷ്‌, മറ്റു അധ്യാപകരും സ്കൂൾ ജീവനക്കാരും, എൻ എസ് എസ് വോളന്റീർസും നേതൃത്വം നൽകി