വാസ്തവികസംഖ്യ
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകളെ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. നിലവാരമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ഗണിതശാസ്ത്രത്തില്‍ വാസ്തവികസംഖ്യകള്‍ അഥവാ രേഖീയസംഖ്യകള്‍ എന്നത് ഭിന്നസംഖ്യകളും അഭിന്നസംഖ്യകളും ഉള്‍പ്പെടുന്ന ഗണമാണ്.അനന്തദൈര്‍ഘ്യമുള്ള ഒരു നേര്‍രേഖയിലെ ബിന്ദുക്കളെക്കൊണ്ട് ഇവയെ സൂചിപ്പിക്കാം.
അടിസ്ഥാന പ്രത്യേകതകള്‍
വാസ്തവികസംഖ്യകള്‍ ബീജീയമോ അബീജീയമോ ഭിന്നസംഖ്യകളൊ അഭിന്നസംഖ്യകളൊ ആയിരിക്കും.ഇവ ധനസംഖ്യകളൊ ഋണസംഖ്യകളോ പൂജ്യമോ ആവാം.വിതത(Continuous) അളവുകള്‍ അളക്കാന്‍ വാസ്തവികസംഖ്യകള്‍ ഉപയോഗിക്കാം.ദശാംശരൂപത്തില്‍ ഇത്തരം വാസ്തവികസംഖ്യകളെ സൂചിപ്പിക്കുന്നു.ദശാംശബിന്ദു കഴിഞ്ഞ് മൂന്ന് കുത്തുകള്‍ ഇട്ടാല്‍ ശ്രേണി തുടരുന്നു എന്നാണര്‍ത്ഥം. ഉദാഹരണമായി 324.823122147... എന്ന സംഖ്യ.
വാസ്തവികസംഖ്യകള്‍ക്ക് ക്രമിത ക്ഷേത്രം എന്ന സ്വഭാവമുണ്ട്.എന്തെന്നാല്‍ വാസ്തവികസംഖ്യകള്‍ സങ്കലനം,ഗുണനം ഇവയെ അടിസ്ഥാനമാക്കി ക്ഷേത്രം രൂപപ്പെടുത്തുന്നു.
