പോരാടുവാൻ നേരമായിന്നു കൂട്ടരെ പ്രതിരോധമാർഗ്ഗത്തിലൂടെ കണ്ണിപൊട്ടിക്കാം നമുക്കീ ദുരന്തത്തിനലയടികളിൽ നിന്നും മുക്തി നേടാം ഒഴിവാക്കീടാം സ്നേഹസന്ദർശനം അല്പാകലം നാം അകന്നിരിന്നാലും പരിഭവിക്കേണ്ട പരിഹാസരൂപേണ കരുതലില്ലാതെ നടക്കുന്ന സഹോദരരേ കേട്ടുകൊൾക നിങ്ങൾ തകർക്കുന്നതൊരു ജീവനല്ല ഒരു ജനതയെ തന്നെയല്ലോ... ആരോഗ്യരക്ഷയ്ക്കുനൽകും നിർദ്ദേശങ്ങൾ പാലിച്ചീടാം മടിക്കാതെ ആശ്വാസമേകുന്ന ശുഭവാർത്ത കേൾക്കാൻ ഒരുമനസ്സോടെ ശ്രമിക്കാം ജാഗ്രതയോടെ ശുചിത്വബോധത്തോടെ മുന്നേറീടാം ഭയക്കാതെ ശ്രദ്ധയോടീ നാളുകൾ സമർപ്പിക്കാം ഈ ലോക നന്മയ്ക്കുവേണ്ടി
സാങ്കേതിക പരിശോധന - Anilkb തീയ്യതി: 27/ 09/ 2024 >> രചനാവിഭാഗം - കവിത
