ജി.എച്ച്.എസ്.എസ്. പൂക്കോട്ടുംപാടം/എന്റെ ഗ്രാമം
പൂക്കോട്ടുംപാടം
മലപ്പുറം ജില്ലയിലെ നിലമ്പൂർ താലൂക്കിൽ അമരമ്പലം വില്ലേജിലാണ് പൂക്കോട്ടുംപാടം ഗ്രാമം.
നിലമ്പൂർ- പെരുമ്പിലാവ് മലയോരപാത ഇതിലൂടെ കടന്നുപോകുന്നു. പൂക്കോട്ടുംപാടത്തിനടുത്തുള്ള പ്രദേശഞളെല്ലാം പ്രക്രതി മനോഹാര്യം കൊണ്ട് നിരഞ്ഞു നിൽക്കുന്നു.അവയിൽ എടുത്ത് പറയേണ്ടതാണ് ടി.കെ കോളനിയും നെടുങയം കോളനിയും.
അമരമ്പലം കോവിലകം
നിലമ്പൂർ കോവിലകത്തെ താങ്ങിനിർത്തിയ പ്രധാന തായ്‌വഴിയായ അമരമ്പലം കോവിലകത്തെ പറ്റി അധികം ആർക്കും അറിയില്ല . നിലമ്പൂർ കോവിലകത്തിന് ഒരു വനനയം ഉണ്ടായിരുന്നു. വീട് നിർമ്മാണത്തിന് പ്രതിഫലം വാങ്ങാതെ മരം കൊടുക്കും. മരം മുറിക്കുന്നവരോട് പകരമായി തേക്ക്, മുള എന്നിവ നടണമെന്ന് ആവഷ്യപ്പെടും. ഭരണ സൗകര്യാർത്ഥം കോവിലകത്തെ സഹായിക്കാൻ വിഭുലമായ ഭരണ സംവിധാനം ഉണ്ടായിരുന്നു. 12 ചേരികളാണ് അന്ന് ഉണ്ടായിരുന്നത്. അതിൽ പ്രധാനപ്പെട്ട ഒരു ചേരിയായിരുന്നു അമരമ്പലം. ഈ ചേരികൾ വഴിയാണ് പാട്ടം പിരിച്ചിരുന്നത്.കാച്ചിൽ കരങ്കാളി ദേവസ്വം എന്നത് അമരമ്പലത്തെ ജൻമിയുടെ പേരായിരുന്നു.കിഴക്ക് കാനന ശോഭയാർന്ന നീലഗിരിയും , പടിഞ്ഞാറ് ചരിത്ര സ്മരണകൾ ഉറങ്ങുന്ന നിലമ്പൂരും, വടക്ക് വന സമൃദ്ധിയിൽ സമ്പന്നമാർന്ന കുന്തിപ്പുഴയും ,തെക്ക് വെള്ള അരഞ്ഞാണം പോലെ കോട്ടപ്പുഴയും അതിരുകൾ തീർക്കുന്ന അമരമ്പലം ഗ്രാമ പഞ്ചായത്ത് പലതുകൊണ്ടും വിശിഷ്ടമാണ്.
അമരമ്പലം ശിവക്ഷേത്രം
പഴക്കം കൊണ്ട‌ും നിർമ്മിതിയിലെ അപ‌ൂർവ്വതകൊണ്ട‌ും കൊത്ത‌ുപണികള‌ുടെ സവിശേഷതകൾ കൊണ്ട‌ും പ്രദേശത്തെ മറ്റ‌ുക്ഷേത്രങ്ങളിൽ നിന്ന് വേറിട്ട‌ു നിൽക്ക‌ുന്ന ഒന്നാണ് അമരമ്പലം ശിവക്ഷേത്രം.ക്ഷേത്രത്തിൻെറ കൊത്ത‌ുപണികൾ ചേരശൈലിയില‌ുള്ളതാണെന്ന് പൊത‌ുസമ്മതമായ കാര്യമാണ്.മലപ്പുറം ജില്ലയിലെ പ്രധാന ബലിതർപ്പണക്ഷേത്രമാണ് അമരമ്പലം ശിവക്ഷേത്രം.ക്ഷേത്രത്തിന് ഒരു കിലോമീറ്റർ ചുറ്റളവിൽ നിന്ന് ധാരാളം നന്നങ്ങാടികൾ കണ്ടെടുത്തിട്ട‌‌ുണ്ട്.
അത്ഭ‌ുതമന‌ുഷ്യൻ
കേരളത്തിന്റെ പെരൂമയെപ്പറ്റി പറയൂമ്പോഴെല്ലാം അവിടെ ഒരു സ്ഥലനാമം കടന്ന‌ു വര‌ും. 'നിലമ്പൂ൪' മലപ്പുറം ജില്ലയിലെ ഏറനാട്ടിലെ ഈ സ്ഥലത്ത് ജിവിതത്തിന്റെ സമസ്ത മേഖലകളിലൂം കഴിവുതെളിയിച്ച പ്രതിഭകളുണ്ട്. എന്നാൽ നിലമ്പൂരിന്റെ സമീപപഞ്ചായത്തായ 'അമരമ്പലത്തിന്റെയും' മറ്റും സംഭാവനയാണ് ഇവരിൽ പലരും എന്നത് പല൪ക്കുമറിയില്ല. ലോക പ്രശസ്ത ഇന്ദ്രജാലക്കാരനായ ഗോപിനാഥ്മ‌ുത‌ുകാട് അമരമ്പലം ഗ്രാമപഞ്ചായത്തിൻെറ സന്തതിയാണ്. ജനിച്ചത‌ും വളർന്നത‌ും വിദ്യാഭ്യാസം നടത്തിയത‌ുമെല്ലാം ഈ ഗ്രാമത്തിൽ.കവളമ‌ുക്കട്ട എന്ന സ്വന്തം ജന്മദേശത്തെ ഒരു മാതൃകാഗ്രാമമാക്കാന‌ുള്ള പല പദ്ധതികള‌ും ത‌ുടങ്ങ‌ുകയ‌ും അവയിൽ പലത‌ും പ‌ുരോഗതിയ‌ുടെ പാതയിൽ മ‌ുന്നേറ‌ുകയ‌ുമാണ്.
പൂക്കോട്ടുംപാടം- പ്രധാന സ്ഥാപനഞൾ
ഗ്രാമീണതയുടെ എല്ലാ നൈർമ്മല്യവും ഉൾകൊള്ളുന്ന ഒരു ചെറിയ പട്ടണമാണ് പൂക്കോട്ടുംപാടം..മൂന്നു കിലോമീറ്റർ ചുറ്റളവിൽ 7 വിദ്യാലയങ്ങൾ ഇവിടെയുണ്ട് .പുതിയതായി ഒരു ഗവൺമെന്റ് കോളേജുും ഇവിടെ പ്രവർത്തിക്കുന്നുണ്ട്.പോസ്റ്റ് ഓഫീസ്, ബാങ്കുുകൾ ,പോലീസ് സ്റ്റേഷൻ , കെ.എസ്.ഇ.ബി ഓഫീസ്,പഞ്ചായത്ത് ഓഫീസ്, വില്ലേജ് ഓഫീസ് ,ആയുർവേദ ഡിസ്പെൻസറി തുടങ്ങിയ പൊതുസ്ഥാപനങ്ങളും സ്വകാര്യമേഖലയിൽ പ്രവർത്തിക്കുന്ന ആശുപത്രികളടക്കം നിരവധി സ്വകാര്യ സ്ഥാപനങ്ങളും പൂക്കോട്ടുംപാടം ടൗണിൽ നിന്ന് ഒരു കിലോമീറ്റർ ചുറ്റളവിൽ സ്ഥിതി ചെയ്യുന്നു.
പൂക്കോട്ടുംപാടം -പ്രധാന ആരാധനാലയഞൾ
മ‌ുസ്ലിം പള്ളി,ക്രിസ്ത്യൻ ദേവാലയം,വില്ല‌ൂത്ത് ശിവക്ഷേത്രം എന്നിവ ടൗണിൽ നിന്ന് അധികം ദൂരെയല്ലാതെ സ്ഥിതി ചെയ്യുന്നു