നഗ്‌നനേത്രത്താൽ ദർശിതമാകാത്ത കോവി‍ഡ് കാർന്നുതിന്നീടുന്നു മാനവരെയെന്നാകിലോ....., മാതാവിൻ രക്തം- പാലായ് ന‌ുകർന്നിടും പൈതൽ-പോൽ അല്ലയൊ കൊറോണയും? പഴമതൻ മിഴിതുറക്കും പഴഞ്ചൊല്ലല്ലയൊ... വസൂരി തന്നുടെ മൃഗീയമാം സേവനം മെയ്യാകെ വരിഞ്ഞുകെട്ടീട്ടന്നു ആരോരും കാണാതെ ഉപേക്ഷിച്ചിരുന്നുപോൽ ! അന്ധകാരം വീണ്ടും ആവർത്തിക്കുന്നുവോ ? ആ അന്ധകാരം വീണ്ടും ആവർത്തിക്കുന്നുവോ ? കഷ്ടപ്പാടും ത്യാഗവും പേറി അവർ സുഖപ്രാപ്‌തരായെന്നാകിലും തടഞ്ഞീടുന്നിന്ന്... കാരണമെന്തന്ന് ചോദിച്ചാലോതുന്നു കോവിഡിൻ ശൃംഖല പൊട്ടിപ്പിളരേണമത്രെ മുഖാവരണത്താലും മറ്റു തന്ത്രങ്ങളാലും സുരക്ഷിതമാണോ ലോകമിന്ന് ? സംരക്ഷണമുണ്ടുപോൽ ലോകർക്കെന്നാകിലും ആതുരസേവകർക്കുണ്ടോ- രക്ഷാകവചം? തന്നിലധിഷ്ഠിതമാം കർമ്മമെന്നോണം, സ്വജീവിതം തൂക്കിലേയ്ക്കായി പണയപ്പെടുത്തുന്നവർ എല്ലാ പിണവും പെറുക്കുന്നു കാക്കയെന്നാകിലും കാക്കതൻ പിണമിന്നാരുപെറുക്കും?
സാങ്കേതിക പരിശോധന - Sheelukumards തീയ്യതി: 11/ 02/ 2022 >> രചനാവിഭാഗം - കവിത
