(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
കൊറോണക്കാലം
ഇത് കാലം കൊറോണക്കാലം
ലോക്കഡൗണുകളാൽ നിറഞ്ഞോരീ കാലം
തിരക്കിലോടുമീ ജീവിതത്തെ
പിടിച്ചുനിർത്തിയൊരീ കാലം
ഒരു കുടക്കീഴിൽ ഒരു കുടുംബത്തെ
പഠിപ്പിച്ചൊരീ കാലം
ജീവിതത്തിൽ വിരിയും താളുകളെ
അനുഭവങ്ങളാൽ നിറച്ചൊരീ കാലം
വിദ്യാലയത്തിൻ പൂമുഖത്തെ ഓർമ്മകളായി
ഒതുക്കിയോരീ കാലം
ഞായറും തിങ്കളുമാവും ദിനങ്ങളെ
രാവും പകലുമായി പിരിച്ചൊരീ കാലം
സൂര്യതാപത്താൽ ഉരുക്കും ദിനങ്ങളെ
പൂക്കളിൻ വാസനയാൽ നിറച്ചൊരീ കാലം
വൃക്ഷലതാദികൾ നിറഞ്ഞോരീ പ്രകൃതിയെ
ജീവിതത്തിൽ ലയിപ്പിച്ചൊരീ കാലം
പ്രകൃതിയാകുമീ മാതാവിനെ
സ്നേഹിക്കുവാൻ പഠിപ്പിച്ചൊരീ കാലം
തിക്കിതിരക്കുന്ന റോഡുകളെല്ലാം
വിജനതയിലാഴ്ത്തിയോരീ കാലം
ജീവിതത്തിൻ അനിവാര്യതകളെ
ചുരുക്കുവാൻ നിർബന്ധിതമാക്കിയ കാലം
കൊറോണയെന്നൊരു മരണക്കുരുക്കിനെ
പൊരുതി മുന്നേറാൻ ശ്രമിക്കുമീ ലോകം
കൊറോണയില്ലാത്തൊരു പുതുനാമ്പിനെ
പ്രതീക്ഷയോടെ കാത്തിരിക്കുമീ ലോകം
