കൊല്ലവർഷം 1100ൽ (1925 ൽ ) ഷണ്മുഖവിലാസം മലയാളം പ്രൈമറി സ്കൂൾ എന്ന പേരിൽ ശ്രീ .അയ്യപ്പൻ നായർ ആരംഭിച്ച ഈ വിദ്യാലയംകൊല്ലവർഷം 1123ൽ (1948ൽ ) സർക്കാർ സ്കൂളായി അംഗീകാരം നേടി. 5 തലമുറകൾക്ക് അറിവിന്റെ ആദ്യാക്ഷരം പകർന്നു നൽകിക്കൊണ്ട്നൂറാം വയസ്സിലേക്ക് കടക്കാനൊരുങ്ങുകയാണ് മേവട ഗവ.എൽ പി സ്കൂൾ . 1972-ലാണ് ഇപ്പോഴത്തെ കരിങ്കല്ലുകൊണ്ടു നിർമിച്ച ഓടിട്ട സ്കൂൾ കെട്ടിടം പണിതത്. 2003 ൽ പുതിയ ഓഫീസ് മുറി പണിതു.ശ്രീ വക്കച്ചൻ മറ്റത്തിൽ എം പി യുടെ ഫണ്ട് ഉപയോഗിച്ച്സ്റ്റേജ് നിർമിച്ചു. 2020 -21ൽ ഓഫീസിനു മുകളിൽ ഒരു മുറി കൊഴുവനാൽ പഞ്ചായത്ത് പണിതു നൽകി.ജില്ലാ പഞ്ചായത്ത് 2020 -21 ൽ അസ്സംബ്ലി ഹാൾ പണിതു നൽകി .
