(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
അവസ്ഥ
വന്നു വിദേശത്തുനിന്നെന്നു ചൊല്ലി
ഏവരും ഒറ്റപ്പെടുത്തിയെന്നെ
കൂരിരുൾ നിറഞ്ഞ ചുവരുകൾക്കുള്ളിൽ
ഒറ്റയ്ക്കു ഫോണുമായി ഇരിപ്പാണിന്നു ഞാൻ
ചൈനയിൽ നിന്നെത്തിയ സഞ്ചാരി കോവിഡ്
നാടാകെ പരന്നു നടക്കുന്നത്രെ
കോവിഡ് കാരണം ഭയക്കുന്ന നാട്ടുകാ‍ർ
എന്നെ ഭയത്തോടെ നോക്കിനിന്നു
ആർക്കും വേണ്ടാതെ ഒരുവശത്തിരിപ്പാണെൻ
ഒട്ടിച്ചുകെട്ടിയ പെട്ടിക്കൂട്ടങ്ങൾ
ഇന്നു ഞാൻ നാട്ടിൽ താരമായ് തിളങ്ങി
കവലകളിൽ ഞാൻ ചർച്ചാവിഷയമായി
കാണാത്ത ചെടികൾക്ക് വെള്ളം കോരിയും
കാണാത്ത പാത്രങ്ങൾ എണ്ണിയടുക്കിയും
നടപ്പാണിന്നു ഞാൻ തെക്കുവടക്ക്
കൂട്ടിൽ കിടന്നു കുരയ്ക്കുന്ന പട്ടിയും
എന്നെ കളിയാക്കുന്നോ എന്നു സംശയം
എന്തൊരു അവസ്ഥയാണെന്റെ ദൈവമേ
ഇങ്ങനൊരവധി നീയെന്തിനു തന്നു
