(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
അമ്മ
എൻ്റെ അമ്മയ്ക്കായി എൻ മൃദു
മേനിയിൽ;പതിഞ്ഞൊരാദ്യ നിശ്വാസം,
എൻ കവിൾത്തടങ്ങളിൽ
ആദ്യമായ് ചേർന്നൊരാ ചുണ്ടുകൾ,
അത് നിൻറെസ്നേഹാമൃതം
എൻ പെറ്റമ്മ തൻ ജീവാമൃതം.
ഉദരത്തിൽ ഉരുവായ എന്നെ നീ
കരളിലും ചില്ലിട്ടടച്ചു,
നിൻ ആശാമോഹസ്വപ്നങ്ങൾ
നീ എനിക്കായുപേക്ഷിച്ചു !
മാറു ചുരന്നു നീ ചോര തരുമ്പോളും
ആസ്വദിച്ചു രസിച്ചു ഞാൻ ,
ഊട്ടിയുരുട്ടിയ ഓരോ മണിയിലും നിൻറെ
സ്നേഹത്തിന് കരുതൽ,ഒടുവിൽ
ചിറകു വിടർത്തി പറന്നപ്പോൾ
നന്മകൾ നേർന്നു നീ മൂകമായ്
എൻ ചിരി കാണുവാൻ നീ ശയനപ്രദക്ഷിണം, ,
ചെയുമ്പോൾ ശീതികരിച്ച മുറിയിൽ
ശയിച്ചു ഞാൻ, അറിഞ്ഞില്ല-
നിൻറെ ആത്മ താപം.
ഒടുവിലെ മാന്തടിയും കത്തിയമരും വരെ
എന്ത് ഞാൻ പകരം തരും അമ്മേ.
നിൻറെയീ മാതൃജന്മത്തിനായി-
സ്വീകരിക്കൂ ജനനീ,
എൻ ബാഷ്പാഞ്ജലി !
