ജി.എച്ച്.എസ്. കരിപ്പൂർ/പ്രവർത്തനങ്ങൾ/2020-21-ലെ പ്രവർത്തനങ്ങൾ
കുട്ടികളുടെ ചർച്ചാവേദിയുടെ ഇത്തവണത്തെ ചർച്ച 'ടോട്ടോചാൻ"
ടോട്ടോച്ചൻ -കേരളീയാനുഭവം
ടോട്ടോച്ചൻ -കേരളീയാനുഭവം'എന്നതായിരുന്നു.തെത്സുകോ കുറയൊനഗിയുടെ ടോട്ടോചാൻ എന്ന കൃതി മലയാളത്തിലേക്ക് പരിഭാഷപ്പെടുത്തിയ അൻവർ അലിയും ഈ കൃതി മലയാളത്തിനു പരിചയപ്പെടുത്താൻ മുൻകയ്യെടുത്ത കെ.കെ.കൃഷണകുമാറും കുട്ടികളുമായി സംവദിച്ചു. ഇതുവരെ നടന്നചർച്ചകളിലിത് വളരെ ചലനാത്മകമായിരുന്നു.വിഷയം ഇതല്ലേ..പങ്കെടുക്കുന്നവർ 95ശതമാനവും കുട്ടികളല്ലേ.അതാണ് കാരണം.പിന്നേ കൃഷ്ണകുമാർ സാർ തന്നെ 'കെ കെ' എന്നു വിളിച്ചു സംസാരിക്കാൻ കുട്ടികളോട് പറഞ്ഞു .കുട്ടികളത് ഇഷ്ടത്തോടെ അനുസരിക്കുകയും ഇത്രയും സർഗാത്മകമായും,രസകരമായും കുട്ടികളോട് ഇടപെടുന്നതു കണ്ടിരിക്കാനെന്തു രസമാണ്.പ്രത്യേകിച്ചും മീഡിയയിൽ.കേരളത്തിലെ ഒട്ടുമിക്ക ജില്ലകളിലേയും കുട്ടികൾ പങ്കെടുത്തു.കുട്ടികൾക്കെല്ലാം ടോമോ സ്കൂളു വേണം.😍എന്തു ചെയ്യും.🙂
സമ്പൂർണ ഡിജിറ്റൽവിദ്യാലയ പ്രഖ്യാപനവും,ഫോൺ ലൈബ്രറി ഉദ്ഘാടനവും
ഗവ.ഹൈസ്കൂൾ കരിപ്പൂര് സമ്പൂർണ ഡിജിറ്റൽ വിദ്യാലയ പ്രഖ്യാപനവും ഫോൺ ലൈബ്രറി ഉദ്ഘാടനവും 01/07/21 വ്യാഴാഴ്ച സ്കൂൾ ആഡിറ്റോറിയത്തിൽ വച്ച് ബഹു.ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി ആർ അനിൽ നിർവഹിച്ചു.വിവിധ സാമൂഹിക സംഘടനകളും,പൂർവവിദ്യാർത്ഥികളും,അധ്യാപകരക്ഷകർത്തൃസമിതിയും ചേർന്ന് സ്വരൂപിച്ച ഇരുപത്തിരണ്ട് സ്മാർട് ഫോണുകളാണ് ഇന്ന് വിതരണം ചെയ്തത്. നഗരസഭ ചെയർപേഴ്സൺ ശ്രീജ സി എസ് അധ്യക്ഷയായ ചടങ്ങിൽ ഹെ‍ഡ്മിസ്ട്രസ് ബിന്ദു ജി സ്വാഗതം പറഞ്ഞു. നെടുമങ്ങാട് നഗരസഭ വൈസ് ചെയർമാൻ എസ് രവീന്ദ്രൻ,നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ പി വസന്തകുമാരി ,പൊതുമരാമത്ത് സ്റ്റാന്റിംഗ് കമ്മിറ്റി ചെയർമാൻ പി ഹരികേശൻ നായർ വാർഡ് കൗൺസിലർ സംഗീതാ രാജേഷ് ,പി റ്റി എ പ്രസിഡന്റ് ആർ ഗ്ലിസ്റ്റസ്,സീനിയർ അസിസ്റ്റന്റ് ഷീജാബീഗം എസ്, പി റ്റി എ വൈസ് പ്രസിഡന്റ് ഡി പ്രസാദ് ,MPTA പ്രസിഡന്റ് ശ്രീലത ആർ എന്നിവർ ആശംസ പറഞ്ഞു.സ്റ്റാഫ് സെക്രട്ടറി വി എസ് പുഷ്പരാജ് നന്ദി പറഞ്ഞു.