കൈറ്റ് ജില്ലാ പ്രോജക്ട് ഓഫീസ് കാസർഗോഡ്/തനത് പ്രവർത്തനങ്ങൾ

📅 22 December 2025

ലിറ്റിൽ കൈറ്റ്‌സ് മെന്റർമാർക്കായി അക്കൗണ്ടിംഗ്, സ്കൂൾ വിക്കി പരിശീലനം സംഘടിപ്പിച്ചു

ലിറ്റിൽ കൈറ്റ്‌സ് മെന്റർമാരായ അധ്യാപകർക്കായി ജി.എച്ച്.എസ്.എസ് ഹൊസ്ദുർഗിൽ വെച്ച് ഏകദിന പരിശീലനം സംഘടിപ്പിച്ചു. അക്കൗണ്ടിംഗ്, സ്കൂൾ വിക്കി എന്നീ വിഷയങ്ങളെ ആസ്പദമാക്കി നടന്ന പരിശീലനത്തിന് മാസ്റ്റർ ട്രെയിനർ ബാബു മാസ്റ്റർ നേതൃത്വം നൽകുകയും ആമുഖ ഭാഷണം നടത്തുകയും ചെയ്തു.

പരിശീലനത്തിന്റെ ആദ്യ സെഷനിൽ ലിറ്റിൽ കൈറ്റ്‌സ് എൽ.കെ.എം.എസ് (LKMS) വെബ് പോർട്ടലിലെ അക്കൗണ്ടിംഗ് വിഭാഗത്തെക്കുറിച്ച് മാസ്റ്റർ ട്രെയിനർ അഖില ടീച്ചർ ക്ലാസുകൾ നയിച്ചു. അക്കൗണ്ടിംഗുമായി ബന്ധപ്പെട്ട് അധ്യാപകർക്കുള്ള സംശയങ്ങൾ ദൂരീകരിക്കുന്നതിനും, പുതുതായി ചുമതലയേറ്റ മെന്റർമാർക്ക് പോർട്ടൽ പരിചയപ്പെടുത്തുന്നതിനും ഈ സെഷൻ സഹായകമായി.

തുടർന്ന് നടന്ന സ്കൂൾ വിക്കി പരിശീലനത്തിന് മാസ്റ്റർ ട്രെയിനർ മിഥുൻ മാസ്റ്റർ നേതൃത്വം നൽകി. സ്കൂൾ വിക്കിയുടെ ആമുഖം, പൊതുവായ ലേഔട്ട് ക്രമീകരണം, ഫോട്ടോ അപ്‌ലോഡിങ്ങ്, ലിറ്റിൽ കൈറ്റ്‌സ് പേജിന്റെയും മെയിൻ പേജിന്റെയും ക്രമീകരണം, ബാച്ച് അടിസ്ഥാനമാക്കിയുള്ള പ്രവർത്തനങ്ങൾ രേഖപ്പെടുത്തൽ, ഇൻഫോബോക്സ് നിർമ്മാണം എന്നിവ വിശദമായി ക്ലാസ്സിൽ പ്രതിപാദിച്ചു.

തുടർന്ന് അധ്യാപകർ തങ്ങളുടെ സ്കൂൾ പേജുകൾ അപ്ഡേറ്റ് ചെയ്യുന്നതിനുള്ള പ്രായോഗിക പ്രവർത്തനങ്ങളും (Practical Session) നടന്നു. വളരെ ഫലപ്രദവും പ്രയോജനകരവുമായ പരിശീലനമാണ് ലഭിച്ചതെന്ന് പങ്കെടുത്ത അധ്യാപകർ വിലയിരുത്തി.

(പങ്കെടുത്ത അധ്യാപകരുടെ വിവരങ്ങൾ താഴെ ചേർക്കുന്നു)

ലിറ്റിൽ കൈറ്റ്സ് കുട്ടികൾക്ക് സ്കൂൾ വിക്കി പരിശീലനം - ബേക്കൽ ഉപജില്ല

കുട്ടികൾക്കായി സംഘടിപ്പിച്ച ഓൺലൈൻ പരിശീനം

സ്കൂൾ വിക്കി പേജുകൾ തിരുത്തലുകൾ ഊർജ്ജിതമാക്കുന്നതിന്റെ ഭാഗമായി, ബേക്കൽ ഉപജില്ലയിലെ ഓരോ ലിറ്റിൽ കൈറ്റ്സ് യൂനിറ്റിൽ നിന്നും 4 കുട്ടികളെ വീതം ഉൾപ്പെടുത്തി ഗൂഗിൾ മീറ്റിലൂടെ പരിശീലനം സംഘടിപ്പിച്ചു. ഉപ ജില്ലയുടെ ചുമതലയുള്ള മാസ്റ്റർ ട്രൈനർ ശ്രീ. അബ്ദുൽ ജമാൽ ക്ലാസ് കൈകാര്യം ചെയ്തു. സ്കൂൾ വിക്കിയിലെ കണ്ടു തിരുത്തൽ സൗകര്യവും ചിത്രങ്ങൾ ചേർക്കുന്ന വിധവും കുട്ടികളെ പരിചയപ്പെടുത്തി. ഒഴിവു സമയങ്ങൾ ഉപയോഗപ്പെടുത്തി കുട്ടികളുടെ നേതൃത്വത്തിൽ സ്കൂൾ വിക്കിയിൽ വിവരങ്ങൾ ചേർത്ത് സ്കൂൾ താളും, ലിറ്റിൽ കൈറ്റ്സ് താളും സമ്പന്നമാക്കാൻ തീരുമാനിച്ചു. കുട്ടികൾ ആവേശപൂർവ്വം ഈ ദൗത്യം സ്വീകരിച്ചു.