അൽ ഫാറൂഖിയ്യ ഹയർ സെക്കന്ററി സ്കൂൾ ചേരാനല്ലൂർ/നാടോടി വിജ്ഞാനകോശം

സ്ഥലനാമ ചരിത്രം

സ്ഥലനാമ ത്തെക്കുറിച്ച് ഒട്ടേറെ വിവാദവും പരാമർശങ്ങളും ഉണ്ട് .നെല്ലും തെങ്ങും സമൃദ്ധമായി വളരുന്ന ഊര് (നാട്) എന്നർത്ഥ  ത്തിലാണ് ചേരാനല്ലൂരിന്റെ സ്ഥനാമോൽപത്തിയെന്ന് ചരി ത്രകാരനായ കോമാട്ടിൽ അച്യുതമേനോന്റെ വിവരണം.  കേരളം ഒരുകാലത്ത് തമിഴ്നാടിന്റെ ഭാഗമായിരുന്നുവെന്നും  കേരളം ചേരം എന്ന പേരിലായിരുന്നു അറിയപ്പെട്ടിരുന്നത്. അതിനാൽ ചേരശബ്ദവാചിയായ സ്ഥലനാമങ്ങൾ കേര ളത്തിൽ അന്യമല്ലാതെ വരുന്നു.ചേരമാൻ പെരുമാളിന്റെ നല്ല ഊര് ലോപിച്ചാണ് ചേരാ നല്ലൂർ എന്ന പേരുണ്ടായതെന്ന് പ്രശസ്ത ചരിത്രകാരൻ വി. വി. കെ. വാലത്ത് അഭിപ്രായപ്പെടുന്നതിനോടാണ് ടി. എം. കുമാറിനെപ്പോലുള്ളവരുടെ  അഭിപ്രായം.

നാട്ടുചൊല്ലും അർത്ഥവും

നാട്ടു പ്രയോഗം	അർത്ഥം
ഞങ്ങ	ഞങ്ങൾ
നമ്മ	നമ്മൾ
നുമ്മ	നമ്മൾ
കുമ്മട്ടി	തണ്ണിമത്തൻ
നിങ്ങ	നിങ്ങൾ
പൊക്കത്ത്	മുകളിൽ
കുപ്ലിക്ക	വായയിൽ വെള്ളം ഇട്ട് കഴുകുന്നതിന്
ചാള	മത്തി
പുള്ള	കുട്ടി
കപ്പങ്ങ	പപ്പായ

ഒറ്റമൂലികൾ

ഒറ്റമൂലികൾ നമ്മുടെ നാടിന്റെ നാട്ടറിവുകളാണ്. പണ്ടുകാലത്ത് ഏതു രോഗത്തിനും ഒറ്റമൂലിമരുന്നുകൾകൊണ്ട് ആശ്വാസം കണ്ടെത്തിയവരായിരുന്നു കേരളീയർ. ഇന്നത്തെപ്പോലെ ആശുപത്രികളും മരുന്നുകളുമൊന്നും ഇല്ലാതിരുന്ന പഴയകാലത്ത് പ്രകൃതിയിൽ സുലഭമായി ലഭിച്ചിരുന്നതും എന്നാൽ ഔഷധഗുണങ്ങളുമുള്ള ധാരാളം ചെടികൾ രോഗശമനത്തിനുള്ള ഒറ്റമൂലികളായി ഉപയോഗിച്ചിരുന്നു.നമ്മുടെ വീട്ടുമുറ്റത്തും പറമ്പിലുമെല്ലാം ഔഷധസസ്യങ്ങളുടെ വലിയ ശേഖരം തന്നെ ഉണ്ടായിരുന്നു. വീട്ടിലെ മുത്തശ്ശിമാർക്കും അമ്മമാർക്കുമൊക്കെ ഇവ ഓരോന്നിനെക്കുറിച്ചും അവയുടെ ഔഷധഗുണത്തെക്കുറിച്ചും അറിവുണ്ടായിരുന്നു. കാലം പുരോഗമിച്ചതോടെ നമ്മുടെ വീട്ടുമുറ്റങ്ങളിൽനിന്നും തൊടികളിൽനിന്നും നാടിന്റെ പൈതൃകങ്ങളായ ഔഷധസസ്യങ്ങളെല്ലാം അന്യംനിന്നുപോയി.

ഏതുരോഗത്തിനും തൊടിയിൽ നിന്നൊരു ഒറ്റമൂലി. അതിൽ രോഗം ശമിക്കും. കുറച്ചുകാലം മുമ്പുവരെ നമ്മുടെ വീട്ടമ്മമാർക്ക് ധാരാളം ഔഷധസസ്യങ്ങളെക്കുറിച്ചും അവയുടെ രോഗശമനശക്തിയെക്കുറിച്ചും അറിവുണ്ടായിരുന്നു.

അല്പം മെനക്കെട്ടാൽ ഈ അറിവുകൾ നമുക്കും സ്വന്തമാക്കാം.ഇന്നത്തെ പുതു തലമുറയ്ക്ക് ഇതൊന്നും പരിചിതമല്ലെങ്കിലും താൽപ്പര്യമുള്ളവർക്ക് ഉപയോഗപ്രദമാണ്. സാധാരണയുണ്ടാകാവുന്ന ചില അസുഖങ്ങൾക്കുള്ള ഏതാനും ഒറ്റമൂലികളാണ് ഇവിടെ ചേർക്കുന്നത്

രോഗവും നാട്ടുവൈദ്യവും	രോഗവും നാട്ടുവൈദ്യവും
മുടികൊഴിച്ചിൽ, താരൻ, അകാലനര ചെമ്പരത്തി പൂവും മെയിലാഞ്ചിയും ചേർത്ത്‌ എണ്ണ കാച്ചി പുരട്ടുക. അരിത്തവിട്‌ അരിപ്പട്ട ചക്കര ഇടിച്ച്‌ ദിവസേന കഴിച്ചാലകാല നര ഇല്ലാതാകും. തുളസി ഇല, വെറ്റില, തെച്ചിപ്പൂവ്‌ ഇവ ചതച്ചിട്ട്‌ എണ്ണ കാച്ചി തലയിൽ പുരട്ടുക താരൻ മാറികിട്ടും.	തൊണ്ടവേദന ഗ്രാമ്പു, ഏലത്തരി എന്നിവയിലേതെങ്കിലും വായിലിട്ട്‌ ചതച്ച്‌ തുപ്പി കളയുക. കൽക്കണ്ടവും ചുക്കും ജീരകവും ഒന്നിച്ച്‌ പൊടിച്ച്‌ ഇടവിട്ട്‌കഴിക്കുക. തൊണ്ടവേദനയും ചുമയും മാറും. പനങ്കൽകണ്ടത്തിൽ ചുവന്നുള്ളി അരിഞ്ഞ്‌ ചേർത്ത്‌ ഇളക്കുക. ഇതിൽ നിന്നും ഊറി വരുന്ന നീര്‌ രണ്ട്‌ സ്പൂൺ വീതം കുടിച്ചാൽ തൊണ്ട വേദന ചുമ എന്നിവ ശമിക്കും. പപ്പായയുടെ കറ തൊണ്ടയിൽ പുരട്ടുക. ചെറുചൂടുവെള്ളത്തിൽ ഉപ്പുകലർത്തി കവിൾകൊള്ളുക
മുടികൊഴിച്ചിൽ, താരൻ, അകാലനര ചെമ്പരത്തി പൂവും മെയിലാഞ്ചിയും ചേർത്ത്‌ എണ്ണ കാച്ചി പുരട്ടുക. അരിത്തവിട്‌ അരിപ്പട്ട ചക്കര ഇടിച്ച്‌ ദിവസേന കഴിച്ചാലകാല നര ഇല്ലാതാകും. തുളസി ഇല, വെറ്റില, തെച്ചിപ്പൂവ്‌ ഇവ ചതച്ചിട്ട്‌ എണ്ണ കാച്ചി തലയിൽ പുരട്ടുക താരൻ മാറികിട്	കുഴിനഖം കറ്റാർ വാഴയുടെ നീരും പച്ചമഞ്ഞളും കൂടി അരച്ചിടുക. പച്ചമഞ്ഞൾ വേപ്പെണ്ണയിലരച്ച്‌ കുഴി നഖമുള്ള വിരലിൽതേക്കുക. കത്തി നിൽക്കുന്ന നിലവിളക്കിലെ തിരിയിലൂടെ എണ്ണ കുഴിനഖത്തിൽ ഒഴിക്കുക. എരിക്കിൻ പാൽ ഇടുക. നാടൻമഞ്ഞളും മെയിലാഞ്ചി ഇലയും സമം ചേർത്ത്‌ അരച്ച്‌ നഖം പൊതിഞ്ഞു കെട്ടുക
വയറുവേദന ഇഞ്ചി, ഇടിച്ചുപിഴിഞ്ഞ തെളിനീര്‌ ഉപ്പ്‌ ചേർത്ത്‌കഴിക്കുക. കറിവേപ്പില ചതച്ചിട്ട്‌ കഷായം വച്ച്‌ കഴിക്കുക ഉലുവ കഷായം വച്ച്‌ കഴിക്കുക.	കഫക്കെട്ട്‌ അയമോദകം പഞ്ചസാര ചേർത്തു പൊടിച്ചു കഴിക്കുക. കടുക്ക ചാലിച്ച്‌ തേൻ ചേർത്തു കഴിക്കുക. ഉലുവക്കഷായം തേൻ ചേർത്തു കഴിക്കുക. നാരങ്ങാവെള്ളം തേനിൽ ചേർത്തു കഴിക്കുക.
മുഖക്കുരുവിന്‌: പച്ചമഞ്ഞളും പേരയുടെ കുരുന്നിലയും ചേർത്തരച്ച്‌ മുഖത്ത്‌ തേക്കുക	ദഹനക്കേടിന്‌: ജാതിക്കായ പൊടിച്ച്‌ തേനിൽ ചേർത്ത്‌ കഴിക്കുക
പഴുതാര കുത്തിയാൽ: തുമ്പയിലയും കുരുമുളകും അരച്ചിടുക.	കണ്ണിനു ചതവുപറ്റിയാൽ നന്ത്യാർവട്ടപ്പൂവ്‌ കിഴികെട്ടി മുലപ്പാലിൽ മുക്കിപ്പിഴിഞ്ഞ്‌ കണ്ണിൽ രണ്ടോ മൂന്നോ തുള്ളി ഒഴിക്കുക.
രക്തസമ്മർദ്ദം മുരിങ്ങ ഇല നിത്യവും കഴിക്കുക. ജീരകം, ഉലുവ, വെളുത്തുള്ളി എന്നിവ വറുത്തിട്ട്‌ വെള്ളം തിളപ്പിച്ച്‌ നിത്യവും കുടിക്കുക.	തലവേദന കടുക്ക്‌ അരച്ച്‌ നെറ്റിയിൽ പുരട്ടുക. ചുവുള്ളിയും കല്ലുപ്പും അരച്ചുപുരട്ടുക.
ചെന്നികുത്ത്‌ നാൽപാമരതോല്‌ അരച്ച്‌ പുരട്ടുക.	പല്ലുവേദന വേപ്പിൻ കുരു എണ്ണയിൽ വറുത്തെടുത്തു പുരട്ടുക. ഗ്രാമ്പു ചതച്ച്‌ തേനും ഇഞ്ചിനീരും ചേർത്ത്‌ വേദന ഭാഗത്ത്‌ വെയ്ക്കുക.
തീപ്പൊള്ളൽ തേനും നെയ്യും മിശ്രിതമാക്കി പുരട്ടുക. മുള്ളുമുരികിന്റെ തൊലി അരച്ച്‌ പുരട്ടുക. ഉപ്പുവെള്ളമോ മോരോ ഒഴിക്കുക.	ആണിരോഗം കഞ്ഞിവെള്ളത്തിൽ ഇന്തുപ്പുചാലിച്ചു പുരട്ടുക. കശുവണ്ടിത്തോടിന്റെ കറ കടുകെണ്ണയിൽ ചാലിച്ചു പുരട്ടുക.
ക്യാൻസർ കറുക പുല്ല്‌ നീരിൽ വെള്ളം ചേർത്തു കഴിക്കുക. നിലംപാല അരച്ചെടുത്ത്‌ പാലും ചേർത്ത്‌ കഴിക്കുക.	തുമ്മൽ ചുവന്ന ഉള്ളി എണ്ണ കാച്ചി ഉപയോഗിക്കുക. മഞ്ഞൾ കഷ്ണം കത്തിച്ച്‌ പുക ശ്വസിക്കുക.
പനി കുരുമുളകും ചുക്കും പൊടിയാക്കീഞ്ചി നീരിൽ ചേർത്ത്‌ ചൂടാക്കി കുടിക്കുക. തുളസി നീരിൽ തേൻ ചേർത്ത്‌ കഴിക്കുക. ചുക്കും മല്ലിയുമിട്ട്‌ തിളപ്പിച്ച വെള്ളം കുടിക്കുക.	അപസ്മാരം വയമ്പ്‌ പൊടിച്ചതും തേനും ബ്രഹ്മി നീരിൽ ചേർത്തു കഴിക്കുക.
ചെങ്കണ്ണ്‌ ചെറുതേൻ കണ്ണിൽ ഉറ്റിക്കുക. നമ്പ്യാർവെട്ടത്തിന്റെ ഇലയോ, മൊട്ടോ, പൂവോ നുള്ളുമ്പോൾ വരു പാൽ കണ്ണിൽ ഉറ്റിക്കുക.	ചുണങ്ങ്‌ മാറുവാൻ ആര്യവേപ്പില മഞ്ഞൾ ചേർത്ത്‌ അരച്ചിടുക. കടുക്ക്‌ അരച്ചെടുത്ത്‌ ചുണങ്ങിൽ പുരട്ടുക. ചെറുനാരങ്ങയുടെ നീരിൽ ഉപ്പ്‌ ചേർത്ത്‌ ചുണങ്ങുള്ള ഭാഗത്ത്‌ പുരട്ടുക.
ജലദോഷം ചെറുനാരങ്ങാനീരിൽ തേൻ ചേർത്ത്‌ കഴിക്കുക. തുളസിയില കഷായം വച്ച്‌ കഴിക്കുക.	നടുവേദന ആവണക്കെണ്ണ ചുടുകഷായത്തിൽ ചേർത്ത്‌ കഴിക്കുക. അരിക്കാടിയും മുളയില നീരും ചേർത്ത്‌ തിളപ്പിച്ച്‌ നടുവിന്‌ പുരട്ടുക.
ചെവിവേദന ഉള്ളി നീര്‌ ചൂടാക്കി ചെറു ചൂടോടെ ചെവിയിലൊഴിക്കുക. ഇഞ്ചി നീര്‌ ചൂടാക്കി അരിച്ചെടുത്ത്‌ ചെറുചൂടോടെ ചെവിയിൽ ഒഴിക്കുക.	പ്രമേഹം തൊട്ടാവാടി നീരിൽ പാൽ ചേർത്ത്‌ കഴിക്കുക. ബ്രഹ്മി ഉണക്കിപ്പൊടിച്ച്‌ ഓരോ സ്പൂൺ പാലിൽ ചേർത്ത്‌ കഴിക്കുക. പച്ചനെല്ലിക്ക ഇടിച്ചു പിഴിഞ്ഞ നീരിൽ തേനും മഞ്ഞൾപ്പൊടിയും ചേർത്ത്‌ കഴിക്കുക.
സന്ധിവേദന തൊട്ടാവാടി ഇടിച്ച്‌ പിഴിഞ്ഞ നീര്‌ തേൻ ചേർത്ത്‌ രാവിലെയും വൈകുന്നേരവും കഴിക്കുക. വെളിച്ചെണ്ണയും നാരങ്ങാ നീരും തുല്യ അളവിലെടുത്ത്‌ ചൂടാക്കി വേദനയുള്ളിടത്ത്‌ പുരട്ടുക.	കൊടിഞ്ഞി ജീരകം ചതച്ചിട്ട് പാൽ കാച്ചി രാവിലെ കുടിക്കുക. മുക്കൂറ്റി സമൂലമെടുത്ത് (വേരും തണ്ടും ഇലയും പൂക്കളുമെല്ലാം) നെറ്റിയുടെ ഇരുവശങ്ങളിലും അരച്ചിടുക. ചുക്കും കൂവളത്തിന്റെ വേരും കാടിവെള്ളത്തിൽ അരച്ചു പുരട്ടുക.
അമിതവണ്ണം തേനും വെള്ളവും സമംചേർത്ത് അതിരാവിലെ കഴിക്കുക. (ചെറുതേനായാൽ വളരെ നല്ലത്) ഒരു ടീസ്പൂൺ നല്ലെണ്ണയിൽ അഞ്ചുഗ്രാം ചുക്കുപൊടി ചേർത്തു പതിവായി കഴിക്കുക. ബ്രഹ്മി ഇടിച്ചുപിഴിഞ്ഞ നീരിൽ തേൻ ചേർത്തു കഴിക്കുക.	കൊളസ്‌ട്രോൾ കുറയ്ക്കുന്നതിന് നാലോ അഞ്ചോ വെളുത്തുള്ളി തൊലികളഞ്ഞ് ചതച്ച് ‘ക്ഷണത്തോടൊപ്പം കഴിക്കുക. തൈരും ഇഞ്ചിയും കറിയാക്കി പതിവായി ‘ഭക്ഷണത്തിൽ ഉൾപ്പെടുത്തുക. നാലോ അഞ്ചോ വെളുത്തുള്ളി പാലിൽ ചതച്ചിട്ട് കുറുക്കി ദിവസവും ഒരു നേരം കുടിക്കുക.

പഴഞ്ചൊല്ലുകൾ

പരമ്പരാഗതമായ ആശയ കൈമാറ്റത്തിന്റെ സമഗ്രവും സംക്ഷിപ്തവുമായ രൂപമാണ് പഴഞ്ചൊല്ലുകൾ. ജീവിതത്തിൽ ഒരിക്കലെങ്കിലും പഴഞ്ചൊല്ലുകൾ ഉപയോഗിക്കാത്തവരായി നമ്മളിൽ ആരും ഉണ്ടാവുകയില്ല. പറഞ്ഞ് പതം വന്ന ചൊല്ലുകളെന്നും ഇവയ്ക്ക് അർത്ഥം കൽപ്പിച്ചിരിക്കുന്നു. ഗ്രാമീണ ജനതയുടെ സാമൂഹികവും ബൗദ്ധികവുമായ വളർച്ചയിൽ ഇവ കാര്യമായ പങ്കുവഹിച്ചിട്ടുണ്ട്. പഴഞ്ചൊല്ലുകൾ അവയുണ്ടായ കാലത്തെ സമഗ്രമായി അനാവരണം ചെയ്യുന്നുണ്ട്.

മഹാകവി ഉള്ളൂരിന്റെ അഭിപ്രായം കടമെടുത്താൽ, പണ്ടേയ്ക്ക് പണ്ടേ പലരും പറഞ്ഞു പഴക്കം വന്നിട്ടുള്ള ചൊല്ലുകളാണ് പഴഞ്ചൊല്ലുകൾ അഥവാ പഴമൊഴികൾ. ശബ്ദതാരാവലിയിൽ ഈ വാക്കിന്റെ അർത്ഥം പഴക്കമുള്ള ചൊല്ല്, പണ്ടുള്ളവരുടെ വാക്ക് എന്നിങ്ങനെയാണ് നൽകിയിട്ടുള്ളത്. നമ്മുടെ നാടൻ സാഹിത്യത്തിന്റെ ഭാഗമായി രൂപം കൊണ്ടിട്ടുള്ളവയാണ് പഴഞ്ചൊല്ലുകൾ. ഈ ചൊല്ലുകൾ വാമൊഴിയായി തലമുറകളിൽ നിന്നും തലമുറകളിലേക്ക് കൈമാറ്റം ചെയ്യപ്പെടുകയും കാല ദേശങ്ങൾക്ക് അനുസരിച്ച് വികാസം പ്രാപിക്കുകയും ചെയ്തു.

 1.തലവിധി തൈലം കോണ്ട് മാറില്ല

2.കോൽകാരന് അധികാരിപ്പണി

3.ചുട്ട ചട്ടി അറിയുമോ അപ്പത്തിൻറെ സ്വാദ്

4.പാലം കുലുങ്ങിയാലും കേളൻ കുലുങ്ങില്ല

5.ഇരിക്കുന്നതിന് മുൻപ് കാലു നീട്ടരുത്

6.അടിതെറ്റിയാൽ ആനയും വീഴും

7.ചേറ്റിൽ കുത്തിയ കൈ ചോറ്റിൽ കുത്താം

8.വിത്താഴം ചെന്നാൽ പത്തായം നിറയും

9.മുളയിലറിയാം വിള

10.കൂറ്റൻ മരവും കാറ്റത്തിളകും

11.സമ്പത്തു കാലത്തു തൈ പത്തു വെച്ചാൽ ആപത്തുകാലത്ത് കാ പത്ത് തിന്നാം

12.കോൽക്കാരൻ അധികാരി പ്പണി

13.രാജാവിനില്ലാത്ത രാജഭക്തി

14.നല്ലവന് നാട് ബന്ധു

15.അങ്ങാടീയിൽ തോറ്റതിനു അമ്മയോട്

16.മുല്ല പൂമ്പൊടിയേറ്റൂ കിടക്കും കല്ലിനുമുണ്ടാമൊരു സൗരഭ്യം

നടൻ കളികൾ

 ഗോലി കളി

പല സ്ഥലങ്ങളിലും വ്യത്യസ്ഥമാണ്. മണ്ണിൽ ചെറിയ കുഴിയുണ്ടാക്കിയ ശേഷം അല്പം അകലെ ഒരു വരയിടുന്നു. അവിടെ നിന്നും കോട്ടി കുഴിയിൽ വീഴ്ത്തുകയാണ് വേണ്ടത്. കുഴിയിൽ വീണ ഗോലി കളിക്കാരന് സ്വന്തമാക്കാം. കളി വരച്ച് എതിർ ടീം പറയുന്ന ഗോലിക്ക് എറിഞ്ഞ് അത് കളിയുടെ പുറത്തേക്ക് തെറിപ്പിച്ചാൽ ആ കളിയിലെ ഗോലി മുഴുവൻ കളിക്കാരന് സ്വന്തമാക്കുന്നത് വേറൊരു കളി. രണ്ട് കുഴികൾ അടുത്തടുത്തും മറ്റൊന്ന് കുറച്ച് അകലെയായും കുഴിക്കുന്നു. ഊഴം അനുസരിച്ച് അടുത്തടുത്ത കുഴിയിൽ നിന്നും അകലെയുള കുഴിക്ക് മുന്നിൽ വച്ചിരിക്കുന്ന എതിരാളിയുടെ ഗോലി അകലേക്ക് തെറിപ്പിക്കണം. പച്ച,ഇട,പാസ് എന്നിങ്ങനെയാണ് കുഴികളെ പറയുന്നത്. കുറഞ്ഞത് രണ്ടുപേർ കളിക്കു വേണം. ടീമായിട്ടും ഒറ്റതിരിഞ്ഞും രണ്ടിൽ കൂടുതൽ പേർക്കും കളിക്കാം.