സഹോദരൻ മെമ്മോറിയൽ എച്ച്.എസ്.എസ്. ചെറായി
എറണാകുളം ജില്ലയിലെ മുനമ്പം -വൈപ്പിന്‍ ദേശീയപാതയില്‍ ചെറായി ജംഗ്ഷനില്‍ നിന്നും ഏകദേശം 2 കിലോമീറ്റര്‍ വടക്കുമാറിയാണ് സഹോദരന്‍ മെമ്മോറിയല്‍ എച്ച്.എസ്.എസ്. സ്ഥിതി ചെയ്യുന്നത്.
ഏകദേശം 90 വര്‍ഷത്തോളം പഴക്കമുള്ള സ്ക്കൂളാണിത്. 1921 ലാണ് ഈ സ്ക്കൂള്‍ സ്ഥാപിതമായത് എന്ന് കരുതപ്പെടുന്നു.ബി.വി.ആര്‍(ബാല വിദ്യാ രന്‍ജിനി) സ്ക്കൂള്‍ എന്നാണ് ഇതിന്റെ ആദ്യകാല പേര്. പിന്നീട് വി.വി സഭ യു.പി സ്ക്കൂള്‍ എന്നാക്കി.വി.വി സഭ എഡ്യൂക്കേഷണല്‍ എജന്‍സി എന്ന മാനേജ്മെന്റിന്റെ കീഴിലാണ് ഈ സ്ക്കൂള്‍ പ്രവര്‍ത്തിക്കുന്നത്.1952 ല്‍ ഹൈസ്ക്കൂളായി അപ്ഗ്രേഡ് ചെയ്തു.1962-ല്‍ എല്‍.പി വിഭാഗം ഹൈസ്ക്കൂള്‍ വിഭാഗത്തില്‍ നിന്ന് വേര്‍തിരിച്ചു. 1998-ല്‍ ഹയര്‍ സെക്കന്ററിയായി ഉയര്‍ത്തപ്പെട്ടു.
വൈപ്പിന്‍ പ്രദേശത്തെ പ്രധാനപ്പെട്ട ഒരു സ്ക്കൂളാണ് സഹോദരന്‍ മെമ്മോറിയല്‍ ഹയര്‍ സെക്കന്ററി സ്ക്കൂള്‍ .ഈ വിദ്യാലയത്തിലെ കുട്ടികള്‍ പാഠ്യവിഷയങ്ങളിലും പാഠ്യേതര വിഷയങ്ങളിലും ഉന്നതലനിലവാരം കൈവരിച്ചിട്ടുണ്ട്.4 വര്‍ഷം ഈ സ്ക്കൂളിന് ബെസ്റ്റ് സ്ക്കൂള്‍ അവാര്‍ഡ് ലഭിച്ചിട്ടുണ്ട്. മാനേജ്മെന്റിന്റെയും,അദ്ധ്യാപകരുടെയും,രക്ഷകര്‍തൃ സംഘടനയുടെയും സഹകരണത്തോടെ ഈ സ്ക്കൂള്‍ നല്ല രീതിയില്‍ പ്രവര്‍ത്തിക്കുന്നു.
മാഡം ക്യൂറി അനുസ്മരണവും രസതന്ത്രദിനാഘോഷവും
ചെറായി എസ്.എം .എച്ച്.എസിലെ സയന്‍സ് ക്ലബിന്റെ ആഭിമുഖ്യത്തില്‍ നോബല്‍ സമ്മാനജേതാവും രസതന്ത്രജ്ഞയുമായ മാഡം ക്യുറിയുടെ ചരമവാര്‍ഷികദിനമായ 2011 ജൂലായ് 4 രസതന്ത്രദിനമായി ആചരിച്ചു.ദിനാചരണത്തിന്റെ ഭാഗമായി എല്ലാ വിദ്യാര്‍ത്ഥികളും മാഡം ക്യുറിയുടെ ബാഡ്ജ് ധരിച്ചാണ് സ്കുളില്‍ എത്തിയത്.ഹെഡ് മിസ്ട്രസ് ശ്രീമതി ജമ്മു ടീച്ചറുടെ അദ്ധ്യക്ഷതയില്‍ ഉദ്ഘാടനയോഗം നടന്നു. മാഡം ക്യൂറി ശാസ്ത്രലോകത്തിനു നല്കിയ സംഭാവനകള്‍ തദവസരത്തില്‍ ടീച്ചര്‍ അനുസ്മരിച്ചു.തുടര്‍ന്ന് ശാസ്ത്രഗാനാലാപനം, പ്രസംഗം,പ്രബന്ധാവതരണം എന്നിവ ഉണ്ടായിരുന്നു.യു പി ഹൈസ്കൂള്‍ വിഭാഗങ്ങളിലെ വിദ്യാര്‍ത്ഥികള്‍ സംഘടിപ്പിച്ച ലഘു പരീക്ഷണങ്ങളുടെ പ്രദര്‍ശനം ഒരു വിസ്മയകാഴ്ചയായി.നിദ്യാലയത്തിലെ മുഴുവന്‍ വിദ്യാര്‍ത്ഥികള്‍ക്കും പ്രദര്‍ശനം കാണുവാന്‍ അവസരം ലഭിച്ചു.ശാസ്ത്രത്തിന്റെ അത്ഭുതലോകത്തേക്ക് ഒരെത്തിനോട്ടം നടത്തുവാന്‍ മാഡം ക്യൂറി ദിനാചരണത്തിലൂടെ കുട്ടികള്‍ക്ക് സാധിച്ചു.
ചില ദൃശ്യങ്ങളിലേക്ക്.............................................................