ഗൾഫിലാണുപ്പയ്ക്കു ജോലി. രണ്ടുവർഷത്തിലൊരു ദിനം എത്തുമുപ്പ. ഉപ്പയെക്കാണുവാൻ ഞാനും എൻറുമ്മയും മുറ്റത്തു കാത്തുനിൽക്കും. ചാരത്തുവന്നെന്നെ കോരിയെടുത്തിട്ട് ഒത്തിരി മുത്തം തരുമെന്നുപ്പ. പിന്നെ ചോക്കളേറ്റ്, ഈന്തപ്പഴം കളിപ്പാട്ടം പുത്തൻ ഉടുപ്പും തരുമെന്നുപ്പ. ഞാനെപ്പോഴും ഉപ്പയ്ക്കരികിൽ വേണം അല്ലെങ്കിലുപ്പ പിണക്കമാകും. രാവിലെ ഉപ്പയോടൊപ്പമെഴുന്നേറ്റ് പല്ലുതെയ്ക്കാനും കുളിക്കാനും കളിക്കാനും എന്നൊപ്പമെത്തുമുപ്പ. മുറ്റത്ത് ചുറ്റിനടന്നുകൊണ്ടെന്നുപ്പ പ്ളാസ്റ്റിക് പാഴ്വസ്തു ശേഖരിക്കും. ചപ്പുചവറുകൾ നീക്കി അടുപ്പിച്ച് മണ്ണിട്ട് വൃത്തിയാക്കീടുമുപ്പ. വീടും പരിസരവും വൃത്തിയാക്കീടുവാൻ എന്നെയും ഒപ്പം നടത്തുമുപ്പ. കാലും കരങ്ങളും സോപ്പിട്ട നന്നായി വൃത്തിയിൽ തേച്ച കഴുകുമുപ്പ രോഗാണുമുക്തമാം ജീവിതവൃത്തീക്ക് വൃത്തിയാണുത്തമം എന്നുമുപ്പ.
സാങ്കേതിക പരിശോധന - Shefeek100 തീയ്യതി: 27/ 04/ 2020 >> രചനാവിഭാഗം - കവിത
