ജി എൽ പി എസ് രാമൻകുളം

സ്ഥാപിതം	1957
സ്കൂൾ കോഡ്	18553
സ്ഥലം	രാമൻകുളം
സ്കൂൾ വിലാസം	ജി എൽ പി സ്കൂൾ രാമൻകുളം കരുവമ്പ്രം വെസ്റ്റ് പി ഒ പിൻ 676123 Mob: 9446378629
പിൻകോഡ്‌	676123
സ്കൂൾ ഫോൺ	9446378629
സ്കൂൾ ഇ മെയ്ൽ	glpsramankulam18553@gmail.com
സ്കൂൾ വെബ് സൈറ്റ്
വിദ്യാഭ്യാസ ജില്ല	മലപ്പുറം
റവന്യു ജില്ല	മലപ്പുറം
ഉപജില്ല	മഞ്ചേരി
ഭരണ വിഭാഗം	ഗവ:
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ .പി
മാധ്യമം	മലയാളം
ആൺ കുട്ടികളുടെ എണ്ണം	70
പെൺ കുട്ടികളുടെ എണ്ണം	69
വിദ്യാർത്ഥികളുടെ എണ്ണം	139
അധ്യാപകരുടെ എണ്ണം	6
പ്രധാന അധ്യാപിക	ജയശ്രീ എ
പി ടി എ പ്രസിഡന്റ്	പോക്കർ വി ടി

  അതിവേഗം വളർന്നുകൊണ്ടിരിക്കുന്ന മഞ്ചേരി നഗരത്തിൽ നിന്നും നാലുമൈൽ അകലെ മഞ്ചേരി കിഴിശ്ശേരി റോഡിൽ നഗരാതിർത്തിയിൽ തന്നെയുള്ള രാമൻകുളത്ത് സ്ഥാപിതമായ രാമൻകുളം ജി എൽ പി സ്കൂൾ ഇന്ൻ വളർച്ചയുടെ പടവുകളിലൂടെ അതിവേഗം മുന്നേറുകയാണ്.

ചരിത്രം

 വിദ്യാഭ്യാസപരമായി വളരെ പിന്നോക്കാവസ്ഥയിൽ  നിന്നിരുന്ന രാമൻകുളത്ത് മലബാർ  ഡിസ്ട്രിക്റ്റ് ബോർഡിൻറെ അംഗീകാരത്തോടെ 1957 ൽ രാമൻകുളം  ജി എൽ പി സ്കൂൾ  സ്ഥാപിതമായി ഏകാധ്യാപക വിദ്യാലയമായി തുടക്കം. ക്ലാസ് നടത്താൻ സൗകര്യങ്ങൾ ചെയ്തു തന്നത് അന്നത്തെ മദ്രസാ കമ്മറ്റിയായിരുന്നു. ആ മദ്രസാ കെട്ടിടത്തിലായിരുന്നു നീണ്ട 55 വർഷക്കാലം വിദ്യാലയം പ്രവർത്തിച്ചുവന്നത്.
       പത്തപ്പിരിയത്ത് വിശ്രമജീവിതം നയിക്കുന്ന പള്ളിക്കര ഹസ്സൻ മാസ്റ്ററായിരുന്നു സ്ഥാപനത്തിലെ പ്രഥമ പ്രധാനാധ്യാപകൻ.1958 ൽ കുട്ടികളുടെ കുറവു കാരണം അംഗീകാരം നഷടപ്പെടുമെന്ന ഘട്ടത്തിൽ പുളിയൻചീരി മൊയ്തീൻ ഹാജി തുടങ്ങിയ പ്രമുഖ വ്യക്തികൾ വീടുവീടാന്തരം കയറിയിറങ്ങി വിദ്യാഭ്യാസത്തിൻറെ മഹത്വത്തെക്കുറിച്ച് ബോധവൽക്കരണം നടത്തി കുട്ടികളെ വിദ്യാലയത്തിലെത്തിച്ചു.
വി ടി ഇബ്രാഹിം കുട്ടി ഹാജി സ്കൂൾ നടത്തിപ്പിനായി മദ്രസാ കെട്ടിടം നവീകരിക്കാനുള്ള ഫണ്ട് നൽകി. സ്ക്കൂളിൻറെ നടത്തിപ്പിൽ തളർച്ച സംഭവിച്ചപ്പോഴെല്ലാം സഹായത്തിനെത്തിയ പുളിയഞ്ചീരി മൊയ്തീൻ ഹാജി , പുല്ലാര അലവി മുസ്ലിയാർ ,വി ടി ഇബ്രാഹിം കുട്ടി ഹാജി എന്നിവരെ നന്ദിയോടെ ഓർക്കേണ്ടതുണ്ട്.

വിദ്യാലയം: ഇന്നത്തെ അവസ്ഥ

          വിദ്യാഭ്യാസ സ്ഥാപനങ്ങളുടെ നടത്തിപ്പ് തദ്ദേശസ്വയംഭരണ സ്ഥാപനങ്ങൾക്ക് നൽകിയ സർക്കാർ തീരുമാനം സ്കൂളിൻറെ ചരിത്രത്തിൽ  വഴിത്തിരിവായി. പഴയ മദ്രസാ കെട്ടിടത്തിൽ നിന്നും അധികം ദൂരെയല്ലാതെ തിക്കും തിരക്കുമില്ലാത്ത ശാന്തമായ പ്രദേശത്ത് എല്ലാ വിധ സൗകര്യങ്ങളോടും കൂടിയ ഒരു ഇരുനില കെട്ടിടത്തിലാണ് വിദ്യാലയം ഇന്ൻ പ്രവർത്തിക്കുന്നത്.

ഭൗതികസൗകര്യങ്ങൾ

    94 ആൺകുട്ടികളും 81 പെൺകുട്ടികളും പഠിക്കുന്ന ഈ വിദ്യാലയത്തിൽ ക്ലാസ്‌ മുറികളും ഓഫീസും അടങ്ങുന ഇരുനിലക്കെട്ടിടം 2 ക്ലാസ് മുറികളല്ലാത്തതെല്ലാം ടൈൽ വിരിച്ചതും ചിത്രങ്ങൾ , ഗണിതാശയങ്ങൾ എന്നിവയുള്ള ചുമരോടുകൂടിയതും ഷെൽഫ് ,പോർട്ഫോളിയോ ഹാങ്ങേഴ്സ്, ബിഗ്‌ പിക്ചർ ഡിസ്പ്ലേബോർഡ് എന്നിവയടങ്ങുന്നതും ആണ്. കെട്ടിടത്തോടു ചേർന്നുള്ള യൂറിനലുകളും ടോയ് ലറ്റുകളും ഹാൻഡ് വാഷ് ബേസിനുകളും ശുചിത്വപൂർണവും ജലലഭ്യതയുള്ളതും ആണ്. ഉച്ചഭക്ഷണം പാകം ചെയ്യുന്നതിനും സാമഗ്രികൾ സൂക്ഷിക്കുന്നതിനും എല്ലാ സൗകര്യങ്ങളോടും കൂടിയ ( ഗ്യാസ് സ്റ്റവ്‌,പുകയില്ലാത്ത അടുപ്പ് , മിക്സി ) അടുക്കളയും സ്റ്റോർ റൂമും ഞങ്ങൾക്കുണ്ട്.1000 ലിറ്റർ വെള്ളം ഉൾകൊള്ളുന്ന 3 ടാങ്കുകളും 15 ഓളം ടാപ്പുകളും വെള്ള സൗകര്യം ഒരുക്കുന്നുണ്ട്. സ്കൂളിനു ടൈൽ  വിരിച്ച മുറ്റവും ചെറിയൊരു ഷീറ്റ് വിരിച്ച ഹാളും ഉണ്ട്. ഷീറ്റ് മേഞ്ഞ സ്ഥലം അസംബ്ലി ,മാസ് ഡ്രിൽ യോഗങ്ങൾ ആഘോഷ പരിപാടികൾ എന്നിവയ്ക്ക് ഉപയോഗിക്കുന്നു. രണ്ടാം നിലയിൽ 10 ലക്ഷം രൂപ ചെലവിൽ നഗരസഭ നിർമിക്കുന്ന ഓഡിറ്റോറിയം പണി പുരോഗമിച്ചു വരുന്നു.

സ്കൂൾ: അടിസ്ഥാന വിവരങ്ങൾ