എ എം യു പി എസ് മാക്കൂട്ടം/അധ്യാപക രചനകൾ/ആശംസ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
നേരുന്നു ഞാൻ കോടി ആശംസകൾ
മാക്കൂട്ടം സ്‌കൂളിനു വാർഷികമായി
നാടുണരട്ടെ വീടുണരട്ടെ
വാർഷികമുല്ലാസപൂർണമാക്കാം
വന്നിടട്ടെ ഞാനും നിങ്ങളോടൊപ്പമീ-
ആഘോഷവേളയിൽ പങ്കുചേരാൻ
എന്റെ കാൽപാടുകൾ ഇന്നുമവിടെയൊക്കെ
മങ്ങാതെ മായാതെ കാണുന്നു ഞാൻ
ആയിരമായിരം കുഞ്ഞുങ്ങൾക്കറിവേകി
അഭിമാനമാകുന്നീ പാഠശാല
ചൂലാംവയലിനു തൊടുകുറിയായൊരീ
നാടിന്റെ ആശാസുമമായി വിളങ്ങട്ടെ-
നീറുമെൻ മനസ്സിനു കുളിരേകുവാൻ നല്ല
സാന്ത്വന സ്പർശമായിരുന്നെൻ കുരുന്നുകൾ
അവരുടെ കളിയും ചിരിയുമെല്ലാമെനി-
ക്കിന്നുമോർമയിൽ ആശ്വാസമായി
അറിവിന്റെ സാഗരം മുന്നിലുണ്ട്
ആവോളം കോരിക്കുടിക്കൂ നിങ്ങൾ
ഉണരുക, ഉയരുക മക്കളെ നിങ്ങൾ
നാടിന്റെ അഭിമാനമായി വിളങ്ങുക.