എം.എം.വി.എച്ച്.എസ്സ്.എസ്സ്. പരപ്പിൽ
| എം.എം.വി.എച്ച്.എസ്സ്.എസ്സ്. പരപ്പിൽ | |
|---|---|
| വിലാസം | |
കോഴിക്കോട് കോഴിക്കോട് ജില്ല | |
| സ്ഥാപിതം | 05 - 10 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | കോഴിക്കോട് |
| സ്കൂൾ ഭരണ വിഭാഗം | |
| മാദ്ധ്യമം | മലയാളം, ഇംഗ്ലീഷ് |
| അവസാനം തിരുത്തിയത് | |
| 16-12-2016 | Haris |
കോഴിക്കോട് നഗരത്തിന്റെ ഹൃദയഭാഗത്തായി സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് മദ്രസത്തുല്‍ മുഹമ്മദിയ ഹയര്‍ സെക്കണ്ടറി സ്കൂള്‍. 'പരപ്പില്‍ സ്കൂള്‍' എന്ന പേരിലാണ് പൊതുവെ അറിയപ്പെടുന്നത്.
ചരിത്രം
കോഴിക്കോട്ടെ മുസ്ലിംകളുടെ സാമൂഹ്യജീവിതത്തിലെ ഒരു നാഴിക കല്ലാണ് തൊണ്ണൂറ് വര്‍ഷങ്ങള്‍ക്ക് മുമ്പ് സ്പാപിതമായ അന്‍സാറുല്‍ ഇസ്ലാം ഫീ തഅലീമുല്‍ അനാം (മുഹമ്മദന്‍ എഡുകേഷന്‍ അസോസിയേഷന്‍)
ചെമ്പയില്‍ മമ്മദാക്ക എന്ന അന്നത്തെ ഒരു പുരോഗമനവാദി കല്ലായി പുഴയുടെ പരിസരത്ത് ഒരു മതപഠനശാല നടത്തി വന്നിരുന്നു. പഴയ മട്ടിലുള്ള ഓത്തുപള്ളിയില്‍ നിന്ന് ഭിന്നമായിരുന്നു ഇതിന്റെ പ്രവര്‍ത്തന രീതി. സാമാന്യം നല്ല നിലയില്‍ നടന്നു വന്നിരുന്ന ആ മദ്രസയുടെ വാര്‍ഷികാഘോഷത്തില്‍ പട്ടണത്തിലെ പ്രമുഖരായ മുസ്ലിം പ്രമാണികളെല്ലാം പങ്കെടുത്തിരുന്നു. വാര്‍ഷികം കഴഞ്ഞ് തിരുച്ചു വരുമ്പോള്‍ കാമക്കന്റകത്ത് കുഞ്ഞഹമ്മദ് കോയ ഹാജിയുടേയും വലിയകത്ത് അലിബറാമിയുടേയും മനസ്സില്‍ ഈ പിന്നോക്ക പ്രദേശത്ത് വിപുലമായ ഒരു മദ്രസ ആരംഭിക്കേണ്ടതിനെകുറിച്ചുള്ള ചില ആശയങ്ങള്‍ ഉദയം ചെയ്തു. സ്കൂളിന്റെ പിറവിക്ക് പ്രചോദനം അതായിരുന്നു.
അന്‍സാറുല്‍ ഇസ്ലാം ബി തഅലിമുല്‍ അനാം
( മദ്രസത്തുല്‍ മുഹമ്മദീയ സ്കൂള്‍ )
കോഴിക്കോട്ടെ മുസ്ലിംകളുടെ സാമൂഹ്യ ജീവിതത്തിലെ ഒരു നാഴികക്കല്ലാണ് 100 വര്‍ഷങ്ങള്‍ക്കു മുന്‍പ് സ്ഥാപിതമായ ' അന്‍സാറുല്‍ ഇസ്ലാം ബി തഅലിമുല്‍ അനാം'.മുഹമ്മദന്‍ എജ്യുക്കേഷണല്‍ അസോസിയേഷന്‍.
ചെമ്പയില്‍ മമ്മദാക്ക എന്ന അന്നത്തെ ഒരു പുരോഗമനവാദി കല്ലായിപുഴയുടെ പരിസരത്ത് ഒരു മത പഠനശാല നടത്തിവന്നിരുന്നു. പഴയ മട്ടിലുള്ള ഓത്തുപള്ളിയില്‍ നിന്ന് ഭിന്നമായിരുന്നു ഇതിന്റെ പ്രവര്‍ത്തന രീതി. സാമാന്യം നല്ല നിലയില്‍ നടന്നു വന്നിരുന്ന ആ മദ്രസയുടെ വാര്‍ഷികാഘോഷത്തല്‍ പട്ടണത്തിലെ പ്രമുഖരായ മുസ്ലിം പ്രമാണികളെല്ലാം പങ്കെടുത്തിരുന്നു. വാര്‍ഷികം കഴിഞ്ഞ് തിരിച്ചു വരുമ്പോള്‍ കാമക്കാന്റകത്ത് കുഞ്ഞഹമ്മദ് കോയ ഹാജിയുടെയും , വലിയകത്ത് അലി ബറാമിയുടെയും മനസില്‍ ഈ പിന്നോക്ക പ്രദേശത്ത് വിപുലമായ ഒരു മദ്രസ ആരംഭിക്കേണ്ടതിനെക്കുറിച്ചുള്ള ചില ആശയങ്ങള്‍ ഉദയം ചെയ്തു. മദ്രസയുടെ പിറവിക്ക് പ്രചോദനം അതായിരുന്നു.
കുഞ്ഞഹമ്മദ് കോയ ഹാജിയുടെ കടപ്പുറത്തെ പാണ്ടികശാലയില്‍ വെച്ച് അദ്ദേഹവും ,ആലി ബറാമിയും ,കോയപ്പത്തൊടി മുഹമ്മദ് കുട്ടിഹാജി അധികാരിയും മദ്രസ സ്ഥാപിക്കുന്നതിനെക്കുറിച്ച് ആലോചിച്ച് തീരുമാനിക്കുകയും ടുവില്‍ ഒരു ലക്ഷം രൂപ മൂലധനം മൂവരും ഇതിലേക്കായി വകയിരുത്തുകയും ചെയ്തു.
1918 ആഗസ്റ്റ് 18-ാം തിയതി അന്‍സാറുല്‍ ഇസ്ലാം ബി തഅ് ലീമുല്‍ അനാം എന്ന പേരില്‍ ഒരു കമ്മറ്റി രജിസ്റ്റര്‍ ചെയ്തു ഈ കമ്മറ്റിയുടെ കീഴിലാണ് മദ്രസത്തുല്‍ മുഹമ്മദീയ സ്കൂള്‍ ആരംഭിച്ചത്. 1918 ആഗസ്റ്റ് 10-ാം തിയതി മദ്രാസ് ഗവര്‍ണര്‍ ആയിരുന്ന പെറ്റ്ലാന്റ് പ്രഭു കോഴിക്കോട് സന്ദര്‍ശിച്ചപ്പോള്‍ മുഹമ്മദന്‍ എജുക്കേഷനല്‍ അസോസിയേഷന്‍ വകയായി പണി തീര്‍ന്നു കൊണ്ടിരിക്കുന്ന മദ്രസയുടെ പുതിയ കെട്ടിടത്തില്‍ വെച്ച് ഒരു സ്വീകരണം നല്‍കുകയുണ്ടായി.കോഴിക്കോട്ടെ മുസ്ലിംകളുടെ വിദ്യാഭ്യാസത്തിനു വേണ്യ സഹായങ്ങള്‍ അഭ്യര്‍ത്ഥിക്കുന്ന ഒരു മെമ്മോറാണ്ടം തദവസരത്തില്‍ സമര്‍പ്പിക്കുകയും ചെയ്തു. ഫ്രാന്‍സിസ് റോഡില്‍ കോഴിക്കോട്ടെ പഴക്കം ചെന്ന ഒരു തറവാടായ ഇടിയാനം വീടിന് തൊട്ടു പടിഞ്ഞാറ് ശാദുലി പള്ളിയുടെ മുന്‍വശത്തെ വെളിമ്പറമ്പാണ് മദ്രസാ കെട്ടിടത്തിനുള്ള സ്ഥലമായി തെര‍ഞ്ഞെടുത്തത് . ഇടിയങ്ങര ശൈഖിന്റെ പള്ളിയില്‍ ആണ്ടുതോറും നടക്കാറുള്ള നേര്‍ച്ചക്ക് വരുന്ന അപ്പവാണിഭക്കാരുടെ ഒരു സങ്കേതമായിരുന്നു ഈ പറമ്പ് .
ഒറ്റയില്‍ ഇമ്പിച്ചമ്മതാക്കയുടെ വിദഗ്ധമായ മേല്‍നോട്ടത്തില്‍ കെട്ടിടത്തിന്റെ തറക്കല്ലിടലും ഉത്തരം കയറ്റലും ഒച്ചപ്പാടില്ലാതെ നടന്നു. ഏതാനും മാസത്തിനുള്ളില്‍ പണി പൂര്‍യാക്കുകയും ചെയ്തു. അന്നത്തെ മദിരാശി ഹൈക്കോടതി ജഡ്ജ് സര്‍ അബ്ദൂറഹീം ആയിരുന്നു മദ്റസത്തുല്‍ മുഹമ്മദീയയുടെ ഉല്‍ഘാടനം നിര്‍വഹിച്ചത്. സ്വര്‍ണ്ണ താക്കോല്‍ കൊണ്ടാണ് സ്കൂള്‍ തുറന്നത്.ഹാജി വി.ആലി ബറാമി ,അഡ്വക്കറ്റ് ബി.പോക്കര്‍ സാഹിബിനോടൊപ്പം മദിരാശിയില്‍ പോയി സര്‍ അബ്ദുറഹീമിനെ ക്ഷണിക്കുകയാണുണ്ടായത്. 1918 ഒക്ടോബര്‍ 5-ാം തിയ്യതി ശനിയാഴ്ച്ചയായിരുന്നു. മദ്രസയുടെ ഉദ്ഘാടനം. മലബാറിന്റെ വിവിധ ഭാഗങ്ങളില്‍ നിന്ന് പൗരപ്രധാനികളും ഉദ്യോഗസ്ഥ പ്രമുഖരും വമ്പിച്ച ജനാവലിയും സന്നിഹിതരായിരുന്നു. ജസ്റ്റിസ് അബ്ദുറഹീം തന്റെ ഉദ്ഘാടന പ്രസംഗത്തില്‍ ആധുനിക വിദ്യാഭ്യാസത്തിന്റെ പ്രാധാന്യം ബോധ്യപ്പെടുത്തി.
ഒമ്പത് വിദ്യാര്‍ത്ഥികളും രണ്ട് അധ്യാപകരുമായിട്ടാണ് സ്കൂള്‍ ആരംഭിച്ചത്. ക്രമേണ അഭിവൃദ്ധിയുടെ പടവുകള്‍ കയറി 10 വര്‍ഷം പൂര്‍ത്തിയായപ്പോള്‍ 17 അധ്യാപകരും 430 വിദ്യാര്‍ത്ഥികളുമായി. മദ്രസയുടെ മൂലധനമായി 130000 രൂപയില്‍ 40000 രൂപ പ്രധാന കെട്ടിടത്തിനു വേണ്ടി ചിലവഴിച്ചു. ബാക്കി വന്ന 90000 രൂപക്ക് പട്ടണത്തിന്റെ പ്രധാന ഭാഗങ്ങളില്‍ സ്വത്ത് വാങ്ങി സ്ഥിരവരുമാനം കണ്ടെത്തി.മദ്രസ ഒരു ഹൈസ്കൂളാക്കി ഉയര്‍ത്തുന്നതിനും വിദ്യാര്‍ത്ഥികള്‍ക്ക് ഒരു ഹോസ്റ്റല്‍ പണിയുന്നതിനും ആവശ്യമായ സാമ്പത്തികസഹായത്തിനു 1923 ല്‍ ഹൈദ്രാബാദ് നൈസാമിനെ സമീപിച്ചു. നൈസാം അനുവദിച്ച ഒരു ലക്ഷം രൂപ കോഴിക്കോട്ടെ മുസ്ലിംകളുടെ ഭാഗപ്പോരില്‍ മദ്രസത്തുല്‍ മുഹമ്മദീയക്കു നഷ്ടപ്പെട്ടു.
സ്രാമ്പിക്കല്‍ മാളിയേക്കല്‍ മൊയ്തീന്‍കോയ മേലേക്കണ്ടി മൊയ്തു,മൊയ്തീന്‍ വീട്ടില്‍ മമ്മദ് ഹാജി,കെ പി മൂസ ബറാമി തുടങ്ങിയവര്‍ സാമ്പത്തികമായി സഹായിച്ചവരാണ്. ഒരു മിഡില്‍ സ്ക്കൂളായി പ്രവര്‍ത്തനം ആരംഭിച്ച ഇൗ സ്ഥാപനം 1947-ല്‍ പൂര്‍ണ്ണ ഹൈസ്ക്കൂളായി.
1969 ഏപ്രില്‍ 27-ാം തിയ്യതി മദ്രസത്തുല്‍ മുഹമ്മദീയ അതിന്റെ 50-ാം പിറന്നാള്‍ ആഘോഷിച്ചു. കനക ജൂബിലി ആഘോ‍ഷങ്ങള്‍ കോഴിക്കോട് സര്‍വ്വകലാശാലയുടെ പ്രഥമ വൈസ് ചാന്‍സലറായിരുന്ന പ്രൊഫസര്‍ എം മുഹമ്മദ് ഗനി ഉദ്ഘാടനം ചെയ്തു. സംസ്ഥാന ഗതാഗത വകുപ്പു മന്ത്രി ഇമ്പിച്ചി ബാവ അധ്യക്ഷം വഹിച്ചു. കേരള ഹൈക്കോടതി ജസ്റ്റിസ് ഇ.കെ മൊയ്തു ആശംസ നേര്‍ന്നു. പിന്നീട് തങ്ങള്‍സ് റോഡില്‍ എം.എം. ജൂബിലി പ്രിപ്പറേറ്ററി സ്കൂള്‍ സ്ഥാപിച്ചു.
മലബാറിലെ ഏറ്റവും വലിയ മുസ്ലീം വിദ്യാലയമായിരുന്നു മദ്രസത്തുല്‍ മുഹമ്മദീയ്യ.ഏറനാട് വള്ളുവനാടു താലൂക്കുകളുടെ വിവിധ ഭാഗങ്ങളില്‍ നിന്നും ലക്ഷദ്വീപില്‍ നിന്നും ധാരാളം കുട്ടികള്‍ ഇവിടെ വന്നു പഠിച്ചിരുന്നു. പ്രഗത്ഭരായ അധ്യാപകരുടെ സേവനം കൊണ്ട് ഈ സ്ഥാപനം അനുഗ്രഹീതമായിരുന്നു. പ്രശസ്ത മതപണ്ഡിതന്മാരായിരുന്ന വി.കെ മൂസ മൗലവി, സാലിഹ് മൗലവി ,പി.സി മുഹമ്മദ് ഹനീഫ തുടങ്ങിയവര്‍ ഇവിടുത്തെ അറബി അധ്യാപകരായിരുന്നു.കെ.മുഹമ്മദലിയും ,പി.വി മുഹമ്മദ് മാസ്റ്ററും കരുത്തരായ ഹൈസ്കൂള്‍ ഹെഡ്മാസ്റ്റര്‍മാരായിരുന്നു.പിഎസ് മുഹമ്മദ് ഇബ്രാഹീമും എം.പി മൂസമാസ്റ്ററും പ്രൈമറി വിഭാഗത്തില്‍ ദീര്‍ഘകാലം സേവനമനുഷ്ഠിച്ചപ്രധാനധ്യാപകരായിരുന്നു.എ.കെ ഗോപാലന്‍ , പി .ആര്‍ നമ്പ്യാര്‍ തുടങ്ങിയ രാഷ്ട്രീയ നേതാക്കളും എകെ. ശേഖര പിഷാരടിയെ പോലുള്ള സ്വാതന്ത്ര്യ സമരസേനാനികളും ഇവിടുത്തെ അറിയപ്പെടുന്ന അധ്യാപകരില്‍ പെടുന്നു.സംസ്ഥാന അധ്യാപക അവാര്‍ഡ് ജേതാക്കളായ ടി. ആലിക്കോയ, എ.വി ശേഷനാരായണ അയ്യരും , കെ.പി മുഹമ്മദ് കോയ ,പി അഹമ്മദ് കോയ, കെ.അഹമ്മദ് കോയ, എന്നിവരും മധുരവനം സി. കൃഷ്ണക്കുറുപ്പ് ,ഹസ്സന്‍ വാടിയില്‍ തുടങ്ങിയ എഴുത്തുകാരും ഇവിടെ സേവനമനുഷ്ഠിച്ചവരില്‍ ശ്രദ്ധേയരാണ്. കോയസ്സന്‍കോയ വീട്ടില്‍ മാമുക്കോയഹാജി ആയിരുന്നു സ്കൂളിന്റെ ആദ്യത്തെ മാനേജര്‍. 1918 മുതല്‍1992 വരെയുള്ള പ്രസിഡന്റുമാര്‍: 1. കാമക്കാന്റകത്ത് കുഞ്ഞഹമ്മദ് കോയ ഹാജി -1918 2.ഖാന്‍സാഹിബ് കു‍ഞ്ഞീരിമ്പലത്ത് കോയസ്സന്‍കോയ ഹാജി 1918-1930 3. കെ. എം ഹസ്സന്‍കോയ ഹാജി. 1930-47 4.ഖാന്‍ ബഹദൂര്‍ ഹാജി വി. ആലിബറാമി. 1947-62 5. പി ഐ. അഹമ്മദ്കോയ ഹാജി. 1962-72 6. പി.എസ് മാമുക്കോയ ഹാജി. 1972-73 7. ഹാജി. പി.വി മുഹമ്മദ് ബറാമി 1973-75 8. സി.എ ഇമ്പിച്ചമ്മദ്. 1975-83 9. കെ.വി അബ്ദുല്‍ ഖാദര്‍ ബറാമി 1983 10. പി.പി ഉമ്മര്‍ക്കോയ 1983 സെക്രട്ടറിമാര്‍ 1.ഖാന്‍ ബഹദൂര്‍ ഹാജി വി. ആലിബറാമി. 1918-47 2 കോയപ്പതൊടി അഹമ്മദ്കുട്ടി ഹാജി. 1947-51 3. പി.ഐ കുഞ്ഞഹമ്മദ് കുട്ടി ഹാജി. 1951-68 4. ഹാജി . സി.പി കുഞ്ഞഹമ്മദ് 1968-73 5. കെ.വി. കുഞ്ഞഹമ്മദ് കോയ 1973….. ദീര്‍ഘകാല സെക്രട്ടറിയും കറസ്പോണ്ടന്റുമായ പി.ഐ കുഞ്ഞഹമ്മദ് കുട്ടി ഹാജി ഈ സ്ഥാപനത്തിന്റെ പുരോഗതിക്കു വേണ്ടി പ്രവര്‍ത്തിച്ചവരില്‍ പ്രമുഖനായിരുന്നു. അദ്ദേഹത്തിന്റെ സ്മാരകമാണ്.സ്കൂളിലെ പി.ഐ.കെ മെമ്മോറിയല്‍ ഹാള്‍
ഭൗതികസൗകര്യങ്ങള്‍
മൂന്ന് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 36 ക്ലാസ് മുറികളും ഹയര്‍ സെക്കണ്ടറിക്ക് ഒരു കെട്ടിടത്തിലായി 10 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.
ഹൈസ്കൂളിനും ഹയര്‍സെക്കണ്ടറിക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം മുപ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്.
- എന്‍.സി.സി.
- ക്ലാസ് മാഗസിന്‍.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്‍ത്തനങ്ങള്‍.
മാനേജ്മെന്റ്
- പ്രസിഡന്റ് കെ. അബ്ദുല്‍ അസീസ്
- സെക്രട്ടറി കെ. വി. കുഞ്ഞഹമദ്
- ട്രഷറര്‍ പി. എസ്. അസ്സന്‍ കോയ
മുന്‍ സാരഥികള്‍
സ്കൂളിന്റെ മുന്‍ പ്രസിഡന്റുമാര്‍
- കാമാക്കാന്റകത്ത് കുഞ്ഞഹമ്മദ് കോയ ഹാജി (1918)
- ഖാന്‍ സാഹിബ് കുഞ്ഞിരിമ്പലത്ത് കോയസ്സന്‍ കോയ ഹാജി (1918 - 1930)
- കെ. എം. അസ്സന്‍ കോയ ഹാജി (1930 - 1947)
- ഖാന്‍ ബഹദൂര്‍ ഹാജി വി. ആലിബറാമി (1947 - 1962)
- പി. ഐ. അഹമ്മദ് കോയ ഹാജി (1962 - 1972)
- പി. എസ്. മാമുകോയ ഹാജി (1972 - 1973)
- ഹാജി പി. വി. മുഹമ്മദ് ബറാമി (1973 - 1975)
- സി. എ. ഇമ്പിച്ചമ്മദ് (1975 - 1983)
- കെ. വി. അബ്ദുല്‍ഖാദര്‍ ബറാമി (1983)
- പി. പി. ഉമ്മര്‍ കോയ (1983)
- മൂസ ബറാമി
- കെ. അബ്ദൂല്‍ അസീസ്
സ്കൂളിന്റെ മുന്‍ സെക്രട്ടറി
- ഖാന്‍ ബഹാദൂര്‍ ഹാജി വി. ആലി ബറാമി (1918 - 1947)
- കോയപ്പത്തൊടി അഹമ്മദ്കുട്ടി ഹാജി (1947 - 1951)
- പി. ഐ. കുഞ്ഞഹമ്മദ്കുട്ടി ഹാജി (1951 - 1968)
- ഹാജി സി. പി. കുഞ്ഞഹമ്മദ് (1968 - 1973)
- കെ. വി. കുഞ്ഞഹമ്മദ് (1973 - .....)
സ്കൂളിന്റെ മുന്‍ പ്രധാനാദ്ധ്യാപകര്‍ :
പ്രശസ്തരായ പൂര്‍വവിദ്യാര്‍ത്ഥികള്‍
- പാണക്കാട് മുഹമ്മദലി ശിഹാബ് തങ്ങള്‍ - മുന്‍ മുസ്ലിം ലീഗ് സംസ്ഥാന പ്രസിഡന്റ്
- പി. പി. ഉമ്മര്‍ കോയ - മുന്‍ വിദ്യാഭ്യാസ മന്ത്രി
- ഡോ. എസ്. എം. മുഹമ്മദ് കോയ - മുന്‍ ഹിസ്റ്ററി വിഭാഗം തലവന്‍, കലികറ്റ് യൂനിവേര്‍സിറ്റി
- പ്രൊഫ. പി. എം. ഷിയാലിക്കോയ - മുന്‍ സോഷ്യോളജി വിഭാഗം തലവന്‍, ഗുരവായൂരപ്പന്‍ കോളേജ്, കോഴിക്കോട്
- പ്രൊഫ. എന്‍. പി. ഹാഫിസ് മുഹമ്മദ് - എഴുത്തുകാരന്‍, സോഷ്യോളജി വിഭാഗം തലവന്‍, ഫാറൂഖ് കോളേജ്, കോഴിക്കോട്
- കെ. വി. അബ്ദുല്‍ അസീസ് - മാനേജിംഗ് ഡയരക്ടര്‍, സ്കൈ ലൈന്‍ ബില്‍ഡേര്‍സ്
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
<googlemap version="0.9" lat="11.240126" lon="75.777007" zoom="17" width="350" height="350" selector="no"> 11.239116, 75.776696, MMVHSS ,PARAPPIL </googlemap>
- ഗൂഗിള്‍ മാപ്പ്, 350 x 350 size മാത്രം നല്‍കുക.