സെന്റ് പീറ്റേഴ്സ് യു.പി.എസ് വ്ലാത്താ‍ങ്കര/അക്ഷരവൃക്ഷം/കൊറോണയേ ..നിന്നെ തുരത്താൻ ഞങ്ങൾ തയ്യാർ

കൊറോണയേ ..നിന്നെ തുരത്താൻ ഞങ്ങൾ തയ്യാർ എന്താണ് കൊറോണ വൈറസ് ?സസ്യങ്ങളുടെയോ ജന്തുക്കളുടെയോ മറ്റേതെങ്കിലും ജീവികളുടെയോ കോശങ്ങളിൽ മാത്രം പെരുകാൻ കഴിയുന്നതും വളരെ ചെറുതും ലളിതവുമായ സൂക്ഷ്മ രോഗാണുക്കളാണ് വൈറസുകൾ .മറ്റുജീവികളെപ്പോലെയല്ല വൈറസുകൾ.ജീവൻ ഉണ്ടോ എന്ന് ചോദിച്ചാൽ ബുദ്ധിമുട്ടാണ് . കൊറോണ എന്നത് ലാറ്റിൻ വാക്കാണ് .'കൊറോണ' എന്നവാക്കിനു "കിരീടം " എന്നാണർത്ഥം .പുറമെ കിരീടം പോലെ പ്രോട്ടീനുകൾ ഉയർന്നുനിൽക്കുന്നതിനാലാണ് ഈ വൈറസുകൾക്കു കൊറോണ (കിരീടം) എന്ന പേര് വന്നത് .മൃഗങ്ങളാണ് ഇവയുടെ വാഹകർ .മൃഗങ്ങളിൽ നിന്ന് മനുഷ്യരിലേക്ക് പകരുന്നു ..പിന്നീട് മനുഷ്യരിൽ നിന്ന് മനുഷ്യരിലേക്ക് .കൊറോണ വൈറസ് കുടുംബത്തിലെ ആറു വൈറസുകളാണ് മനുഷ്യരെ ബാധിക്കുന്നത്. ലോകത്തെ നടുക്കിയ കൊറോണ വൈറസ് ബാധകൾ : 1 .സാർസ് കൊറോണ -2003 -- മനുഷ്യരിലേക്ക് എത്തിയത് വവ്വാലുകളിലൂടെ 2 .മെർസ് കൊറോണ - 2013 -- മനുഷ്യരിലേക്ക് എത്തിയത് ഒട്ടകങ്ങളിലൂടെ 3 നോവൽ കൊറോണ -2019 -20 - വൈറസ് മനുഷ്യരിലേക്ക് എത്തിയത് പാമ്പുകളിലൂടെയോ വവ്വാലുകളിലൂടെയോ എന്ന് നിഗമനം .ക്ഷീണം , പനി ,വരണ്ട ചുമ എന്നിവയാണ് ലക്ഷണങ്ങൾ.ചിലർക്ക് ശരീര വേദന, മൂക്കൊലിപ്പ് ,മൂക്കടപ്പ്, തൊണ്ടവേദന ,വയറിളക്കം എന്നിവ വരാറുണ്ട്. ഈ വൈറസിനെ ഇല്ലാതാക്കാൻ സോപ്പും വെള്ളവും ഉപയോഗിച്ച് കൈ കഴുകുന്നത് ശീലമാക്കുക.ആൽക്കഹോൾ ഉള്ള സാനിറ്റൈസറുകൾ ഉപയോഗിക്കുക, മാസ്ക് ധരിക്കുക . ഷിനോ രാജേഷ് ആർ എം 5 C സെന്റ് പീറ്റേഴ്സ് യു.പി.എസ് വ്ലാത്താ‍ങ്കര നെയ്യാറ്റിൻകര ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mohankumar.S.S തീയ്യതി: 25/ 04/ 2020 >> രചനാവിഭാഗം - ലേഖനം