"എൻ എസ് ബോയ്സ് എച്ച് എസ് എസ് മാന്നാർ/പ്രവർത്തനങ്ങൾ/2026-27" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''ലോക സൈക്കിൾ ദിനം''' ==

നായർ സമാജം ബോയ്സ് ഹയർ സെക്കൻഡറി സ്കൂളിൽ ലോക സൈക്കിൾ ദിനം ആചരിച്ചു. സൈക്കിൾ ദിന ആചരണത്തോടനു ബന്ധിച്ച് സൈക്കിൾ റാലി, സൈക്കിൾ സ്ലോ റേസ്, സെൽഫി വിത്ത് സൈക്കിൾ മത്സരം തുടങ്ങിയ വൈവിധ്യമാർന്ന പരിപാടികൾ നടന്നു. സ്കൂളിലെ ലിറ്റിൽ കൈറ്റ്സ് യൂണിറ്റ് പരിപാടിക്ക് നേതൃത്വം നൽകി. സ്കൂൾ പ്രഥമ അധ്യാപിക ടി സരിത സൈക്കിൾ റാലി ഫ്ലാഗ് ഓഫ് ചെയ്തു. പുതുതലമുറ സൈക്കിൾ ചവിട്ടുന്നത് പോലെയുള്ള ആരോഗ്യ ശീലങ്ങളിൽ നിന്ന് വളരെ ദൂരം അകന്നു പോയിരിക്കുന്നു എന്ന് ഉദ്ഘാടനം ചെയ്തു കൊണ്ട് പ്രഥമ അധ്യാപിക സംസാരിച്ചു. സൈക്കിൾ മലയാളിയുടെ നൊസ്റ്റാൾജിയയുടെ ഭാഗമായി കഴിഞ്ഞു എന്ന് കൈറ്റ് മാസ്റ്റർ മാധവൻ നമ്പൂതിരി അഭിപ്രായപ്പെട്ടു. കുട്ടികളിൽ സൈക്കിളിനോടുള്ള ബന്ധം വർദ്ധിപ്പിച്ച് കായിക ക്ഷമത ഉയർത്തുക എന്നുള്ള ഉദ്ദേശ്യത്തോടെയാണ് ഈ വർഷത്തെ ലോക സൈക്കിൾ ദിനം ജൂൺ മൂന്നിന് നായർ സമാജത്തിൽ കൊണ്ടാടിയത്.