ഗവ. എച്ച് എസ് എസ് തരുവണ/പ്രവർത്തനങ്ങൾ/2025-26

സ്കൂൾ പ്രവേശനോത്സവം 2025

2025 വർഷത്തെ സ്കൂൾ പ്രവേശനോത്സവം വിപുലമായ പരിപാടികളോടെ ആഘോഷിച്ചു. വയനാട് ജില്ലാ പഞ്ചായത്ത്‌ വികസന കാര്യ സ്റ്റാൻഡിങ് കമ്മിറ്റി ചെയർമാൻ ശ്രീ ജുനൈദ് കൈപ്പാണി ചടങ്ങ് ഉത്ഘാടനം ചെയ്യുകയും പുതുതായി പ്രവേശനം നേടിയ വിദ്യാർത്ഥികളെ സ്വാഗതം ചെയ്യുകയും ചെയ്തു. അക്കാദമിക രംഗത്തെ മികവ് ആവർത്തിക്കാൻ എല്ലാവരും സന്നദ്ധരകണമെന്ന് ആഹ്വാനം ചെയ്യുകയും ചെയ്തു. പി ടി എ പ്രസിഡന്റ്‌ ശ്രീ കെ സി കെ നജ്മുദ്ധീൻ അധ്യക്ഷത വഹിച്ച ചടങ്ങിൽ ശ്രീ ഇസ്മായിൽ (പി ടി എ വൈസ് പ്രസിഡന്റ്‌ ) ശ്രീമതി ശ്രീജ (എം പി ടി എ പ്രസിഡന്റ്‌ )തുടങ്ങിയവർ ആശംസകൾ നേർന്നു. ഹെഡ്മാസ്റ്റർ ഇൻ ചാർജ് പ്രീതി കെ സ്വാഗതവും എസ് ആർ ജി കൺവീനർ മുഹമ്മദലി കെ എ നന്ദിയും പറഞ്ഞു.

പുതിയ അക്കാദമിക വർഷത്തേക്ക് പ്രവേശിക്കുന്ന വിദ്യാർത്ഥികൾക്ക് പ്രമുഖ മോട്ടിവേഷണൽ ട്രെയിനർ ആയ ലത്തീഫ് ഗസ്സാലി ക്ലാസ്സ്‌ നൽകി.

വായനോത്സവം 2025 ഉദ്ഘാടനം ചെയ്തു

തരുവണ ഗവ.ഹയർ സെക്കണ്ടറി സ്കൂളിൽ വായന മാസാചരണത്തിൻ്റെ ഭാഗമായി വായനോത്സവം 2025 കവിയും എഴുത്തുകാരനുമായ വെള്ളമുണ്ട പോലീസ്  സബ് ഇൻസ്പെക്ടർ സാദിർ തലപ്പുഴ ഉദ്ഘാടനം ചെയ്തു.

പുതിയ തലമുറയിലെ കുട്ടികൾ എന്ന നിലക്ക് സാധ്യതകൾ നന്നായി ഉപയോഗിക്കണമെന്നും ,പുസ്തകം മാത്രമല്ല, ചുറ്റുപാടുകളെയും

ജീവിതത്തെയും തന്നെത്തന്നെയും

വായിക്കുമ്പോഴാണ് അനുഭവങ്ങൾ ആർജ്ജിക്കുക എന്നും അദ്ധേഹം സൂചിപ്പിച്ചു.

എസ് എം സി ചെയർമാൻ നാസർ സാവാൻ അധ്യക്ഷനായ ചടങ്ങിൽ പ്രധാനാധ്യാപകൻ മുസ്തഫ മാസ്റ്റർ, മുഹമ്മദലി കെ.എ , ഗിരിഷ്, എന്നിവർ സംസാരിച്ചു. ബുഷ്റ ഇ സ്വാഗതവും രാജി പി നന്ദിയും പറഞ്ഞു.അദ്ധ്യാപകരായ സന്ധ്യ .വി , റഷീദ്  സി , ജോഷി കെ ഡി, തുടങ്ങിയവർ കുട്ടികളുമായി സംവദിച്ചു. വ്യത്യസ്ത പരിപാടികൾ ആസൂത്രണം ചെയ്ത് വായനാമാസാചരണ പ്രവർത്തനങ്ങൾ സ്കൂളിൽ ഏകോപിപ്പിക്കാൻ തീരുമാനിച്ചിട്ടുണ്ട്.

വിജയോത്സവം 2024-25

തരുവണ ഗവൺമെൻറ് ഹയർസെക്കൻഡറി സ്കൂളിൽ വിജയോത്സവം സംഘടിപ്പിച്ചു. 2024-25 അധ്യയന വർഷത്തെ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും എൻ എം എം എസ്, യു എസ് എസ്, രാജ്യപുരസ്കാർ വിജയികളെയും പരിപാടിയിൽ ആദരിച്ചു.

പിടിഎ പ്രസിഡണ്ട് കെ സി കെ നജ്മുദ്ദീന്റെ അധ്യക്ഷതയിൽ ചേർന്ന പരിപാടി ബഹു. വയനാട് ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി ചെയർപേഴ്സൺ ശ്രീ മുഹമ്മദ് ബഷീർ എം ഉദ്ഘാടനം ചെയ്തു. വയനാട് ജില്ലയിലെ എസ് എസ് എൽ സി പരീക്ഷയിലെ മികച്ച മുന്നേറ്റത്തിന് സഹായകരമാകും വിധം ഉജ്വല വിജയം കൈവരിച്ച വിദ്യാർത്ഥികളെയും അതിനു പിന്തുണ നൽകിയ അധ്യാപകരെയും വിദ്യാർത്ഥികളെയും അദ്ദേഹം അഭിനന്ദിച്ചു .അധ്യയന വർഷത്തെ സ്കൂൾ അക്കാദമിക മാസ്റ്റർ പ്ലാൻ 'മികവി'ന്റെ പ്രകാശനവും അദ്ദേഹം നിർവ്വഹിച്ചു.

ചടങ്ങിൽ അധ്യയന വർഷത്തെ റിപ്പോർട്ട് സ്കൂൾ ഹെഡ്മാസ്റ്റർ ശ്രീ മുസ്തഫ എം നിർവ്വഹിച്ചു. സ്കൂൾ പ്രിൻസിപ്പൽ ഇൻ ചാർജ് ശ്രീ പ്രദീപ് കുമാർ എം ചടങ്ങിന് സ്വാഗതവും പ്രോഗ്രാം കൺവീനർ ശ്രീ ജോഷി കെ ഡി നന്ദിയും പറഞ്ഞു